Աստանայում կայացել է Կասիմ-Ժոմարտ Տոկաևի հանդիպումը Նիկոլ Փաշինյանի հետ

Արմինֆո.  Ղազախստանի նախագահ Կասիմ-Ժոմարտ Տոկաևը Ակորդայում դիմավորել է Հայաստանի վարչապետ Նիկոլ Փաշինյանին, հաղորում է Kazinform գործակալությունը:

Նշվում է, որ Նիկոլ Փաշինյանն առաջին անգամ պաշտոնական այցով ժամանել է Աստանա: Ավանդույթի համաձայն, ի պատիվ բարձրաստիճան հյուրի այցի, հանդիսավոր արարողությունների սրահում կանգնեցվել է պատվո պահակախումբ:

Նախագահական նվագախումբը կատարել է երկու երկրների պետական օրհներգերը: Կասիմ-Ժոմարտ Տոկաևը և Նիկոլ Փաշինյանը գորգով անցել են դեպի ՂՀ պետական դրոշը, որից հետո մեկնարկել է նեղ կազմով հանդիպումը:

ՀՀ վարչապետի այցի շրջանակում նախատեսված են մի շարք հանդիպումներ երկկողմ համագործակցության արդիական հարցերի շուրջ:

Ավելի վաղ հյուրին օդանավակայանում դիմավորել էր Ղազախստանի վարչապետ Օլժաս Բեկտենովը:

Նշենք, որ նոյեմբերի 21-ի առավոտյան Նիկոլ Փաշինյանը սոցցանցում գրառում էր կատարել Ղազախստանի մայրաքաղաքից, ուր ժամանել էր նախօրեին: Տեսանյութում Հայաստանի վարչապետը նախ իրեն պատկերել է պատուհանից բացվող տեսարանի ֆոնին, իսկ հետո ժեստով ցույց է տվել սիրտը։

"Բարի լույս, հաճելի օր, և ես բոլորիդ սիրում եմ", - գրել է Փաշինյանը։

Ըստ orda.kz.-ի՝ տեսահոլովակում հնչում է ղազախստանցի երգչուհի Բայանսուլուի AUA Rai երգը։