ԵԱՀԿ Մինսկի խմբի համանախագահող երկրների պատվիրակությունների ղեկավարների համատեղ հայտարարությունն ապտակ է Ադրբեջանին: Այդ մասին լրագրողների հետ զրույցում հայտարարել է ՀՀ ԱԺ փոխնախագահ Էդուարդ Շարմազանովը:
ՙԱյն, որ հայտարարության մեջ նշվում է, որ ԵԱՀԿ ՄԽ-ն միակ ընդունելի ձևաչափն է ղարաբաղյան հակամարտության կարգավորման գործում, ապտակ է Բաքվին, որը մշտապես քննադատում է միջնորդներին և փորձում հիմնախնդրի կարգավորումը ԵԱՀԿ ՄԽ ձևաչափից դուրս բերել՚,- նշել է Շարմազանովը:
Նրա խոսքով, հայտարարության մեջ նախարարները դժգոհություն են հայտնել նաև ԵԱՀԿ ՄԽ հասցեին մշտական քննադատության առնչությամբ՝ գտնելով, որ այդպիսով ղարաբաղյան հակամարտության կարգավորման հարցում առաջընթացի ճանապարհին իրական խոչընդոտները քողարկելու փորձ է արվում: ՙՆախարարների հայտարարության այս հատվածը նույնպես հասցեագրված է Բաքվին, որը մշտապես մեղադրում է միջնորդներին կարգավորման հարցում առաջընթացի բացակայության մեջ՚,-հայտարարել է ԱԺ փոխնախագահը՝ ընդգծելով, որ ղարաբաղյան հակամարտության խաղաղ կարգավորումն այլընտրանք չունի:
Ինչպես ընդգծել է փոխխոսնակը, ԵԱՀԿ ՄԽ առաջարկած՝ սահմանային միջադեպերի կրճատման մեխանիզմների կիրառման վերաբերյալ նախարարների կոչը նույնպես հասցեագրված է Բաքվին, քանի որ հայկական կողմը համաձայնել է դրանց:
Նշենք, որ ԵԱՀԿ Մինսկի խմբի համանախագահող երկրների պատվիրակությունների ղեկավարները՝ Ռուսաստանի արտգործնախարար Սերգեյ Լավրովը, Ֆրանսիայի եվրոպական հարցերով պետական նախարար Արլեմ Դեզիրը և ԱՄՆ պետքարտուղար Ջոն Քերին նախօրեին հանդես են եկել ղարաբաղյան խնդրի վերաբերյալ համատեղ հայտարարությամբ:
Հայտարարության մեջ, մասնավորապես, ասված է. ՙՄենք՝ ԵԱՀԿ ՄԽ պատվիրակությունների ղեկավարներս, միասնական ենք ղարաբաղյան հակամարտության խաղաղ կարգավորման միջնորդական ջանքերում: ընթացիկ տարում ղարաբաղա-ադրբեջանական զորքերի շփման գծում, ինչպես նաև հայ-ադրբեջանական սահմանին իրավիճակի սրման պատճառով ստատուս-քվոն տարածաշրջանում անկայուն է դարձել՚: Միջնորդներն ափսոսանք են հայտնում շփման գծում և սահմանին ականանետերի և այլ ռազմական ծանր տեխնիկայի կիրառման առնչությամբ, ինչի հետևանքով խաղաղ բնակիչներ են զոհվել: Այս առնչությամբ նախարարներն ընդգծում են, որ ղարաբաղյան խնդիրը ռազմական լուծում չունի, ինչպես նաև չկա արդարացում քաղաքացիական բնակչության շրջանում զոհերին: ՙՄենք դիմում ենք հակամարտության կողմերին՝ կոչ անելով սեղմ ժամկետներում լարվածության թուլացմանն ուղղված միջոցներ ձեռնարկել՚,- ասվում է հայտարարության մեջ: Նախարարներն ընդգծում են, որ ԵԱՀԿ-ն արդեն առաջարկել է կողմերին հակամարտության գոտում լարվածության թուլացմանն ուղղված մեխանիզմներ, այդ թվում՝ սահմանային միջադեպերի հետաքննման համակարգի ներդնում: Այնուհետև նախարարներն ընդգծում են,որ վերջին տարում ԵԱՀԿ ՄԽ-ին քննադատող հայտարարություններ են հնչում: ՙԱյս առնչությամբ ընդգծում ենք, որ ԵԱՀԿ ՄԽ-ն հակամարտության բոլոր կողմերի համար միակ ընդունելի չևաչափն է, որը վայելում է ԵԱՀԿ անդամ բոլոր երկրների լիակատար վստահությունը: Միջնորդներին բանակցություններում հետընթացի մեջ մեղադրելու բոլոր հայտարարությունները խնդրի խաղաղ կարգավորման ճանապարհին հիմնական խոչընդոտները քողարկելու փորձեր են, որոնք Հայաստանի և Ադրբեջանի իշխանությունների կողմից հակամարտության խաղաղ կարգավորման հասնելու համար պակաս քաղաքական կամք դրսևորելու մեջ են կայանում՚,- ասված է հայտարարության մեջ:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
