Չնայած իշխանությունների այն հավաստիացումներին, որ սահմանադրական հանրաքվեն կլինի բացառություն, և քարոզարշավի ընթացքում ընտրողների նկատմամբ ճնշում չի գործադրվի, ԱրմԻնֆո-ի խմբակցությունը շարունակում է ահազանգեր ստանալ այն մասին, որ բազմաթիվ պետական հաստատությունների ղեկավարներ այս օրերին հավաքում են իրենց աշխատակիցներին և փորձում են նրանց նկատմամբ, այսպես ասած, «բարոյական ճնշում» գործադրել, որպեսզի նրանք քվեարկեն սահմանադրական փոփոխությունների օգտին: Ահազանգեր են ստացվում, հիմնականում, բուժհաստատություններից և ուսումնական հաստատություններից: Կան նաև առանձին բողոքներ որոշ մասնավոր ձեռնարկությունների աշխատակիցներից:
Այսպես, այսօր ահազանգ է ստացվել Արարատի մարզի միջնակարգ դպրոցներից մեկի աշակերտների ծնողներից (գյուղը չի նշվում հենց ծնողների խնդրանքով) այն մասին, որ նախօրեին դպրոցում կայացել է ընդհանուր ծնողական ժողով, և տնօրենը, ինչպես նաև համայնքապետը փորձել են նրանց համոզել, թե որքան «լավ» կլինի գյուղի համար, եթե բոլոր բնակիչները միահամուռ կողմ քվեարկեն սահմանադրական փոփոխություններին: «Մեզ, մասնավորապես, ասվեց, որ այժմ մեր գյուղում իրականացվում են տարբեր ծրագրեր, կան նաև բազմաթիվ չլուծված հարցեր, որոնք պարտադիր իրենց լուծումը կգտնեն, եթե մենք «այո» քվեարկենք փոփոխություններին: Իբր, այն ժամանակ մեր համայնքապետը կարող է համարձակ գնալ մարզպետի մոտ և ասել, որ գյուղը 100%-ով «կողմ է քվեարկել փոփոխություններին», և անհրաժեշտ է լուծել ահա այս և այս հարցերը: Նաև ասացին, որ փոփոխությունները, միևնույն է, անցնելու են, անկախ այն բանից, թե մենք ինչպես կքվեարկենք, այնպես որ, ավելի լավ է «կողմ» քվերակել բարեփոխումներին, այդ դեպքում, գոնե, մեր գյուղին ինչ-որ բան կհասնի», - պատմել է ծնողը:
Ավելի վաղ մենք արդեն հաղորդել էինք, որ Արարատի մարզի մեկ այլ գյուղի դպրոցի տնօրենը հավաքել էր կոլեկտիվին և նրանցից ստորագրություն վերցրել, որ «կողմ» են քվեարկելու բարեփոխումներին:
Նոյեմբերի 28-ին Երևանի երկրորդ բժշկական միավորումում, որը պատկանում է գեներալ-պատգամավոր Սեյրան Սարոյանին, կայացել է ժողով, որի ժամանակ աշխատակիցներին ասվել է պարտադիր մասնակցել հանրաքվեին և «կողմ» քվեարկել առաջարկվող փաստաթղթին: Համանման ահազանգեր են ստացվում նաև այլ բժշկական հաստատություններից:
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայաստանի ԱԳ նախարար․ Հայաստանի եւ Ռուսաստանի հարաբերություններն առողջացման կարիք ունեն
Հունգարիան դադարեցնում է աշխատանքային վիզաների տրամադրումը Ֆիլիպինների, Վրաստանի և Հայաստանի քաղաքացիներին
Ռուսաստանում ակնկալում են "3+3" հաջորդ հանդիպումն անցկացնել Բաքվում կամ Երևանում
Ռոբերտ Քոչարյան. Ադրբեջանի հետ խաղաղության պայմանագիրը կստորագրվի լրացումներով, որոնցով երաշխավորված կլինի խաղաղությունը
Էդմոն Մարուքյան. 1,7 միլիոն մարդ պետք է գնա ընտրատեղամասեր, այդ դեպքում այս իշխանությունը կջախջախվի
Սամվել Կարապետյան. երկրի իշխանությունները Հայաստանը վերածել են աշխարհաքաղաքական պայքարի կենտրոնի
Փորձագետ. Փաշինյանի վերջը կգա, եթե ընտրողների մեծամասնությունը գնա ընտրատեղամասեր
Օվերչուկը Հայաստանին կոչ է արել կողմնորոշվել, թե «ինչ մուրաբա է եփելու»
Ռուսաստանում կրկին զգուշացրել են Հայաստանին ուկրաինական ուղով գնալուց
Քոչարյան. «Մենք ընտրություններին գնում ենք ոչ միայն մեր ձեռքբերումների փորձով, այլև թույլ տրված սխալների գիտակցմամբ»