Կարգալույծ քահանան հրաժարվում է լքել ծառայության վայրը. Հովհաննավանքի մոտ լարվածություն է առաջացել

Արմինֆո.Հովհաննավանքի մոտ լարվածություն է առաջացել այն բանից հետո, երբ կարգալույծ հռչակված հոգևորական Ստեփան Ասատրյանին թույլ չեն տվել պսակադրության կարգ կատարել: Փեսայի հայրը, տեղեկանալով, որ Ասատրյանը, որը պատրաստվում էր ծիսակատարություն կատարել, կարգալույծ է արվել, խնդրել է արարողությունը կատարել մեկ այլ հոգևորականի՝ հայր Սարգսին։

Ավելին, վանք է ժամանել Մայր Աթոռ Սուրբ Էջմիածնի կարգապահական հանձնաժողովի պատվիրակությունը, որը ևս մեկ անգամ տեղեկացրել է Ասատրյանին կարգալույծ հռչակելու մասին, հիշեցնելով, որ կարգալույծ հոգևորականը չի կարող պսակադրություն անել և չի կարող գտնվել այն վայրերում, որտեղ պետք է ներկա լինեն հոգևորականները։ Վերջիններիս այդ դիտողությունները հունից հանել են Ասատրյանին, ով սկսել է բղավել, թե իրեն չեն կարող զրկել կոչումից, քանի որ ինքը ծառայում է Տեր Աստծուն ։ "Ես ամեն ինչ լսել եմ, բայց չեմ ընդունում այդ պարտավորությունը։ Ես դեռ քահանա եմ", - նշել է Ասատրյանը։ Ասատրյանը նաև սկսել է կրկնել վարչապետ Նիկոլ Փաշինյանի հայտարարություններն այն մասին, թե "կարգալույծ եղած կաթողիկոսը չի կարող իրեն կարգալույծ անել, և որ կաթողիկոսը չի կարող ընտանեկան կյանքով ապրելմ ունենալ  երեխաներ" ։

Ուշագրավ է, որ վանքի մոտ ոստիկանական մեծ ուժեր են բերվել, ավելին, մի խումբ անձինք անընդհատ ուղեկցել են Ասատրյանին վանքի տարածքում և իրենց ագրեսիվ են պահել, այդ թվում ՝ լրագրողների նկատմամբ: Ոստիկանները նշված անձանց կարգի հրավիրելու ուղղությամբ որևէ գործողություն չեն ձեռնարկել:

Լրագրողների հետ զրույցում կարգալույծ քահանան նշել է, որ չի պատրաստվում լքել եկեղեցին և կշարունակի իր ծառայությունը: Ընդ որում, որպես նման որոշման ևս մեկ պատճառ, նա նշել է ՀԱԵ-ում բազմաթիվ քահանաների առկայությունը, որոնք պետք է պաշտոնանկ արվեն իր փոխարեն, սակայն շարունակում են իրենց ծառայությունը:

Ասատրյանը նաև սպառնացել է հոգևորականներին, որ եթե նրանք կրկին իր դեմ ինչ-որ բան ասեն, ապա ինքը կբացահայտի իրեն հայտնի բազմաթիվ փաստեր: Բայց չի ասել, թե ինչի մասին է խոսքը։

Հիշեցնենք, որ հոկտեմբերի  Ամենայն հայոց  Գարեգին Բ կաթողիկոսի Հայրապետական տնօրինությամբ Տ․ Արամ քահանա Ասատրյանը կարգալույծ է հռչակվել։  Մայր Աթոռ Սուրբ Էջմիածնի տեղեկատվական համակարգի հաղորդագրությունում, մասնավորապես, ասվում է․

«Տնօրինության համար հիմք է ծառայել Արագածոտնի թեմի առաջնորդի զեկուցագիրը և Հայաստանյայց Առաքելական Սուրբ Եկեղեցու Մայր Աթոռ Սուրբ Էջմիածնի Պարգևների շնորհման և կարգապահական հարցերի հանձնախմբի եզրակացությունն առ այն, որ Տ․ Արամ քահանա Ասատրյանը՝

ա/ Հրապարակային ելույթներով ու հայտարարություններով վարկաբեկել է Հայ Եկեղեցին, Թեմակալ առաջնորդին և ծառայակից եկեղեցականներին,

բ/ Անտեսելով Թեմակալ Առաջնորդի հորդորներն ու հրահանգները՝ հարատևել է կարգազանց ընթացքի մեջ,

գ/ Վերջին մեկ ամսվա ընթացքում պատարագներին կամայականորեն զեղչել է Ամենայն Հայոց Կաթողիկոսի և Թեմակալ Առաջնորդի անունների հիշատակության հատվածը՝ այդ քայլով, ըստ էության, իրեն դուրս դնելով Եկեղեցուց,

դ/ Երիցս համառել է ներկայանալ Հանձնախմբի նիստերին, շրջանցելով վերջինիս հեղինակությունն ու իրավասությունները, ինչպես նաև իր անարգալից վարքագծով դրժել հնազանդության ուխտը:

Կարգալույծ եկեղեցականն այսուհետ կդասվի աշխարհականների շարքին՝ Ստեփան Ասատրյան ավազանի անունով»: