ՀՀ սահմանադրության մեջ չկա որևէ բան, որ մատնանշի Ադրբեջանի նկատմամբ տարածքային նկրտումներ. Արարատ Միրզոյան

Արմինֆո.  Հայաստանի սահմանադրության մեջ չկա որևէ բան, որ մատնանշի Ադրբեջանի նկատմամբ տարածքային նկրտումներ։ Այդ մասին DW-ի հետ հարցազրույցում հայտարարել է Հայաստանի ԱԳ նախարար Արարատ Միրզոյանը ՝ պատասխանելով Հայաստանի և Ադրբեջանի միջև խաղաղության պայմանագրի ստորագրման խոչընդոտների մասին հարցին:

Նա պարզաբանել է, որ ՀՀ սահմանադրությունում կա հղում Անկախության հռչակագրին. ՀՀ սահմանադրության մեջ նշվում է, որ այն հիմնվում է Հռչակագրի վրա, իսկ հետո արդեն գալիս է սահմանադրության հիմնական տեքստը: «Մեր օրենսդրության համաձայն, անվերապահ իրավական ուժ ունեն միայն ցանկացած նորմատիվ ակտի կամ Անկախության հռչակագրի այն դրույթները, որոնք բառացիորեն մեջբերված են ՀՀ սահմանադրության մեջ: Իսկ Հռչակագիրն այնտեղ չի մեջբերվում, միայն հիշատակվում է", - պարզաբանել է Հայաստանի արտգործնախարարը։

Այդ առնչությամբ նա նշել է, որ խնդիրը, որի մասին խոսում է ադրբեջանական կողմը, պարզապես, գոյություն չունի։ «Այդուհանդերձ, նրանք տեսնում են նման խնդիր, ուստի իրենց կողմից նախապայմաններ եմ առաջ քաշել: Մենք համաձայն չենք այդ պայմանին: Բայց մենք առանց այդ էլ 2018 թվականից արդեն խոսում ենք Հայաստանի նոր սահմանադրության ընդունման մասին։ Այնպես որ, այդ հարցն օրակարգում է", - հավելել է Միրզոյանը։

Մասնավորապես, նա հիշեցրել է, որ Սահմանադրական բարեփոխումների հանձնաժողովը ստեղծվել է պատերազմից շատ առաջ՝ մինչեւ բանակցությունները կամ համաձայնությունները։ Միրզոյանը հաղորդել է, որ հանձնաժողովն արդեն ավարտում է իր աշխատանքը, և, ամենայն հավանականությամբ, այդ հարցով հանրաքվե կանցկացվի։ «Բայց դա տեղի կունենա հաջորդ ամռանը նախատեսված խորհրդարանական ընտրություններից հետո: Կարծում եմ՝ սա վկայում է այն մասին, թե ինչ քայլեր ենք ձեռնարկելու առաջիկա օրերին և ամիսներին։ Կան բաներ, որոնք կարող են հետաձգվել», - ասել է նախարարը։

Հարցազրուցավարի ճշգրտմանը, որ, եթե խոսքը գնում է ընտրությունների մասին, ապա կպահանջվի մի քանի տարի՝ մինչեւ տեղի ունենա, Միրզոյանը նշել է, թե, հնարավոր է, որ այդ ամենը 2 տարի տևի:

«Կարևոր է ընդգծել, որ մենք պատրաստ ենք անհապաղ ստորագրել խաղաղության պայմանագիրը: Տեքստը համաձայնեցված է, նախաստորագրված է, մենք ոչ մի խնդիր չենք տեսնում եւ կարող ենք վաղն այն ստորագրել ", - հայտարարել է ԱԳՆ ղեկավարը։