Վաշինգտոնում Ադրբեջանի և Հայաստանի միջև հռչակագրի ստորագրումն ընդհանուր հաղթանակ է թյուրքական պետությունների համար. Ուզբեկստանի նախագահ

ԱրմինֆոՎաշինգտոնում Ադրբեջանի և Հայաստանի միջև հռչակագրի ստորագրումն ընդհանուր հաղթանակ է թյուրքական պետությունների համար։ Ըստ "Թրենդ"-ի՝ այդ մասին հայտարարել է Ուզբեկստանի նախագահ Շավքաթ Միրզիոեւը՝ Գաբալայում Թյուրքական պետությունների կազմակերպության պետությունների ղեկավարների խորհրդի 12-րդ գագաթնաժողովի ընթացքում:

"Այդ իրադարձությունը համագործակցության լայն հնարավորություններ է բացում տնտեսական, տրանսպորտային և հումանիտար ոլորտներում", - ասել է նա:

Հիշեցնենք, որ օգոստոսի 8-ին Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը Վաշինգտոնում ստորագրել են "խաղաղության մասին" յոթ կետից բաղկացած համատեղ հռչակագիր: Այն նախատեսում է համատեղ դիմում Եվրոպայի անվտանգության եւ համագործակցության կազմակերպությանը (ԵԱՀԿ) ԵԱՀԿ Մինսկի գործընթացի եւ դրա հետ կապված կառույցների դադարեցման մասին, ինչպես նաեւ Հայաստանի տարածքով տրանսպորտային միջանցքի ստեղծում, որը կմիացնի Ադրբեջանը իր նախիջեւանյան էքսկլավին: TRIPP նախագիծը (Trump Route for International Peace and Prosperity, թարգմանաբար ՝ «Միջազգային խաղաղության և բարգավաճման Թրամփի ճանապարհ», Հայաստանի հարավում գտնվող 42 կմ ճանապարհ, որի կառավարումը 99 տարով կտան ԱՄՆ-ին), փորձագետների կարծիքով, կարող է էապես փոխել աշխարհաքաղաքական իրավիճակը Հարավային Կովկասում: