Սև ծովի կողմից Հայաստանին ակտիվ ցիկլոն է մոտենում. օդերեւութաբան

Արմինֆո.  Սև ծովի կողմից Հայաստանին ակտիվ ցիկլոն է մոտենում։ Այդ մասին Facebook-ի իր էջում գրել է ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։

Նրա գրառման համաձայն, սեպտեմբերի 19-ից եւս մեծ քայլ է լինելու դեպի աշուն։ Հայաստանում օդի ջերմաստիճանը կնվազի 7-9 աստիճանով: Օդի ջերմաստիճանի նվազումը կուղեկցվի անձրևներով և ամպրոպներով: Հանրապետության մարզերի զգալի մասում սեպտեմբերի 19-ի ցերեկը սպասվում է անձրև և ամպրոպ, ամպրոպի ժամանակ քամու ուժգնացում ' 15-17 մ/վ արագությամբ, հնարավոր է կարկուտ: Սեպտեմբերի 20-22-ը Հայաստանի որոշ շրջաններում կարճատև անձրևներ կլինեն: Քամին ՝ հյուսիս-արևելյան՝ 2-5 մ/վ:

Երևանում սեպտեմբերի 19-ին ևս սպասվում է անձրև և ամպրոպ: Սեպտեմբերի 21-ին տեղումների քանակը կանխատեսվում է քաղաքի միայն որոշ շրջաններում: Սեպտեմբերի 20-ին եւ 22-ին մայրաքաղաքում սպասվում է առանց տեղումների եղանակ: Ամպրոպի ժամանակ սպասվում է քամու ուժգնացում ' 15-17 մ/վ արագությամբ: Մայրաքաղաքում օդի ջերմաստիճանը սեպտեմբերի 18 - ի ցերեկը կկազմի 26-28, երեկոյան ՝ 17-19, սեպտեմբերի 18- ի լույս 19-ի գիշերը՝ 12-14 աստիճան: