Հայաստանի նախագահը պաշտպանել է Փաշինյանի կողմից Եկեղեցու նկատմամբ իրականացվող հալածանքը և հավաստիացրել, որ ՀԷՑ-ի ազգայնացման մասին խոսք անգամ չկա

Արմինֆո.  Հայաստանի նախագահ Վահագն Խաչատուրյանը վստահեցնում է, որ ռուսաստանահայ գործարար Սամվել Կարապետյանին պատկանող "Հայաստանի էլեկտրական ցանցեր" (ՀԷՑ) ընկերության ազգայնացման մասին խոսք չկա: Այդ մասին Վահագն Խաչատուրյանը հայտարարել է RTVI-ի հետ հարցազրույցում, պարզաբանելով, թե ինչու Հայաստանի իշխանությունները չեն կատարում ՀԷՑ-ի վերաբերյալ Ստոկհոլմի արբիտրաժի որոշումը։

Ի սկզբանե Խաչատուրյանը հավաստիացրել է, որ Հայաստանի խորհրդարանը չի ընդունել օրենք, որը թույլ է տալիս ազգայնացնել Կարապետյանի ընկերությունը։ Նրա խոսքով՝ օրենքում լրիվ այլ բան էր գրված։ "Դա «էլեկտրացանցերի» ազգայնացում չէ ։ Ընդհանրապես, պետությունն իրավունք ունի ազգայնացնել ցանկացած, առավել ևս, կառույց, որը կարևորագույն նշանակություն ունի երկրի, տնտեսության համար", - ասել է նա։

Նախագահը եւս մեկ անգամ կրկնել է, որ ազգայնացման հարց չկա, եւ այսօր "այնտեղ միայն ղեկավարությունն է փոխվել, հիմա արտաքին ղեկավարություն է, ինչպես այժմ ընդունված է Ռուսաստանում": Նրա խոսքով՝ նման ղեկավարությունն այժմ ընդունված է, և դա նորմալ է։

"Ես ձեզ այլ բան ասեմ.  այն տեղեկատվությունը, որը մենք ստանում ենք ... ես էլ եմ նայում, պաշտոնապես ոչինչ չեմ ստանում ... այն տեղեկատվությունը, որն անցնում է ինտերնետում, այլ վայրերում, ես հասկանում եմ, որ այնտեղ, պարզապես, եղել է, ես ՝ որպես տնտեսագետ, արդեն գնահատական եմ տալիս. մենաշնորհային, մաքուր, հարյուր տոկոսանոց մենաշնորհային իրավունք՝ բոլոր հարցերը լուծելով հենց Հայաստանի Հանրապետության բազմաթիվ օրենսդրական ակտերի խախտմամբ։

Այնտեղ, իհարկե, այն երկրում էլեկտրաէներգիան բաշխելու մենաշնորհային իրավունք ունի, բայց այն պետք է աշխատի պետական գնումների օրենքներով, իսկ պարզվում է, որ նրա որոշակի գնումներին, որոշակի խնդիրների լուծմանը մասնակցում են կազմակերպություններ, որոնք ուղղակի կամ անուղղակի կապ ունեն հենց Կարապետյանի հետ, իսկ դա մեզ մոտ անթույլատրելի է", - հավաստիացրել է ՀՀ նախագահը։ Անդրադառնալով ՀՀ վարչապետ Նիկոլ Փաշինյանի հասցեին քննադատությանն այն բանի համար, որ նա կալանավորել է Սամվել Կարապետյանին և ճնշում է գործադրում Հայ Առաքելական Եկեղեցու նկատմամբ՝ այն պայմաններում, երբ եկեղեցին անջատ է պետությունից, Խաչատուրյանը վստահեցրել է, որ "պատերազմն սկսել է ոչ թե Նիկոլ Փաշինյանը, այլ՝ Եկեղեցին,  որը պետք է, ընդհանրապես, անջատ լիներ քաղաքականությունից և, պարզապես, կողքից, իհարկե, կարող է հանդես գալ կամ ինչ - որ հայտարարություններ անել":

"Բայց երբ Եկեղեցին հանդես է գալիս վարչապետի հեռացման օգտին, 2020 թվականը սկիզբն է։ Դրանից հետո, երբ անցյալ տարի եկեղեցու սպասավորը պաշտոնապես պատերազմ հայտարարեց կառավարությանը, ի՞նչ է դա նշանակում: Ո՞վ է սկսել: Պետք է մտածել դրա մասին, ինչու՞ են սկսել, ի՞նչ նպատակներ են ունեցել", - հարց է տվրել Խաչատուրյանը։

"Ես չեմ կարծում, որ հենց Փաշինյանը՝ որպես վարչապետ, կմիջամտի նրանց գործերին։ Այլ բան է Փաշինյանը՝ որպես հավատացյալ, դա պետք է տարբերել, տարբերությունը դա է։ Ուստի՝ կարող եմ ասել, որ իրականում նա ճիշտ է անում: Ես կարծում եմ, որ, ընդհակառակը, պետք է աշխատել, ինչպես անում է ներկայիս կառավարությունը։ Պետք է քրտնաջան աշխատել, պետք է շատ աշխատել, դա վերաբերում է բոլորիս, որովհետև, իրականում, եթե մենք ուզում ենք դառնալ և հզոր, և բարգավաճ երկիր ...", - հավելել է Խաչատուրյանը։

Հիշեցնենք, որ Սամվել Կարապետյանը ձերբակալվել էր հունիսի 18-ի գիշերը Երևանում Հայաստանի իրավապահ մարմինների կողմից՝ Հայ Առաքելական Եկեղեցուն աջակցություն հայտնելուց հետո: Դրան ի պատասխան՝ բացահայտ սպառնալիքներ էին հնչել վարչապետի կողմից։ Հունիսի 19-ի գիշերը Երևանի ընդհանուր իրավասության դատարանը երկու ամսով կալանավորել է Սամվել Կարապետյանին: Նա պահվում է "Երևան - Կենտրոն" ՔԿՀ-ում (հայտնի "ՊԱԿ-ի նկուղը" ՝ ԱԱԾ շենքում)։ Նրան մեղադրում են երկրում իշխանությունը զավթելու հրապարակային կոչերի համար։ Կարապետյանը մեղքը չի ընդունում։ Բացի այդ, հուլիսին "Տաշիր" ընկերությունների խմբի ղեկավարին նոր մեղադրանք է առաջադրվել՝ փողերի լվացման համար։

Օգոստոսի 15-ին Հակակոռուպցիոն դատարանը քննիչի միջնորդության շուրջ 10-ժամյա քննությունից հետո ևս երկու ամսով երկարաձգել է Կարապետյանի կալանքը: