Նոյեմբերի 16-ին կայանալու են Վաղարշապատ խոշորացված համայնքի ավագանու ընտրություններ. ԿԸՀ

Արմինֆո.  2025 թվականի  նոյեմբերի 16-ին կայանալու են Վաղարշապատ խոշորացված համայնքի ավագանու ընտրություններ:

Ինչպես ԱրմԻնֆո-ին հաղորդել են ԿԸՀ մամուլի ծառայությւոնից, Վաղարշապատ խոշորացված համայնքի ավագանու ընտրություններին մասնակցել ցանկացող  կուսակցություններն ու դաշինքները օգտահաշիվ ստանալու նպատակով էլեկտրոնային եղանակով ԿԸՀ դիմում կարող են ներկայացնել մինչև հոկտեմբերի 12-ը, ժամը 18։00-ն։

«Հիշեցնում ենք, որ օգտահաշվով գրանցումներ կատարելու վերջնաժամկետը ընտրական ցուցակների գրանցման համար փաստաթղթերն ընտրական հանձնաժողով ներկայացնելու համար սահմանված վերջնաժամկետն է, որից հետո օգտահաշվով գրանցումներ կատարելու հնարավորությունը կասեցվում է», - ասվում է ԿԸՀ հաղորդագրությունում։

Հիշեցնենք, որ մայիսի 13-ին Կոռուպցիայի կանխարգելման հանձնաժողովը վարչական իրավախախտման վարույթ էր հարուցել Վաղարշապատի նախկին քաղաքապետ Դիանա Գասպարյանի նկատմամբ, իսկ արդեն մայիսի 15-ին նա հայտարարել էր իր հրաժարականի մասին՝ "ընտանիքի եւ աշխատանքի միջեւ ընտրություն կատարելու" անհրաժեշտության պատճառով։

Սակայն Հակակոռուպցիոն կոմիտեիում հաղորդել են, որ "քրեական վարույթի քննություն է տարվում ՝ պաշտոնեական լիազորությունները չարաշահելու, ինչպես նաև հայտարարագրում կեղծ տեղեկություններ տրամադրելու կամ տվյալները թաքցնելու" առնչությամբ:  Այդ տեղեկությունը գերատեսչությունում ոչ մի կերպ չեն մեկնաբանել։

Հավելենք, որ այս տարվա փետրվարի սկզբին "Ազատություն" ռադիոկայանի հայկական ծառայությունը հաղորդել էր, որ Գասպարյանը պայմանագիր է կնքել անհատ ձեռնարկատեր Աշոտ Միրզոյանի՝ իր սկեսրոջ հետ՝ հունվարի 27-ին քաղաքապետարանի համար 13,6 մլն դրամի հեղուկ գազ գնելու համար: Հանրային ծառայության մասին ՀՀ օրենքի համաձայն, եթե պաշտոնատար անձի գործողությունները կամ որոշումները կարող են հանգեցնել շահերի բախման, ապա նա պարտավոր է գրավոր ծանուցում ներկայացնել իր վերադասին: Սակայն համայնքապետերը վերադաս մարմին չունեն, ուստի նման դեպքերում պետք է տեղյակ պահեն Կոռուպցիայի կանխարգելման հանձնաժողովին: Սակայն Կոռուպցիայի կանխարգելման հանձնաժողովից "Ազատությանը" փոխանցել էին, որ Վաղարշապատի քաղաքապետից շահերի բախման մասին որևէ ծանուցում չի ստացվել, իսկ Դիանա Գասպարյանը չի հրաժարվել որոշման կայացմանը մասնակցելուց և պայմանագիր է կնքել սկեսրոջ հետ: Ընդ որում, սա Գասպարյան ընտանիքի շուրջ ստեղծված միակ սկանդալը չէ ։ Դիանա Գասպարյանի ամուսինը ՝ Արամայիս Միրզոյանը, Վաղարշապատի ավագանու "Քաղաքացիական պայմանագիր" խմբակցության անդամ է: Ամուսնու ՝ Գասպարյանի ընտանիքն առանց թույլտվության Էջմիածնում բնակելի տների շինարարություն է սկսել։ Բացի այդ, 1,2 հեկտար հողատարածքը կասկածելի հանգամանքներում անցել է քաղաքապետի ընտանիքի սեփականությանը։