Ընդդիմադիր. Արտաքին բլոկում Ադրբեջանի ամենագլխավոր խնդիրը մնում է Հայաստանը

Արմինֆո.Հակառակ ձեռք բերված բոլոր համաձայնությունների՝ այսօր արտաքին բլոկում Ադրբեջանի ամենագլխավոր խնդիրը մնում է Հայաստանը։ Լրագրողների հետ զրույցում նման տեսակետ  էհայտնել Ազգային ժողովի ընդդիմադիր "Պատիվ ունեմ" խմբակցության պատգամավոր Տիգրան Աբրահամյանը:

Այդ համատեքստում անդրադառնալով ՀՀ վարչապետ Նիկոլ Փաշինյանի այն հայտարարությանը, թե երկրի ռազմական ծախսերը կպահպանվեն նույն մակարդակում, պատգամավոր     ն ուշադրություն է հրավիրել, որ դրան զուգընթաց Ադրբեջանի նախագահ Իլհամ Ալիևը օկուպացված Քարվաճառում հայտարարում է, որ միջազգային հարաբերություններում նպատակներին հասնելու գործիքներից մեկը շարունակում է մնալ ուժի կիրառումը: "Այնտեղ էլ Ալիևը հաստատել է, որ հենց ուժի կիրառումն է թույլ տվել իրենց օկուպացնել Արցախը, ավելին, նա հվելել է, որ Հայաստանի հետ բանակցությունների գործընթացի լուծման ոչ մի երաշխիք չկա՝ առանց ուժի կիրառման անհրաժեշտության", - ուշադրություն է հրավիրե լ ընդդիմադիրը։

 Աբրահամյանը կարծում է, որ Ալիևի նման հայտարարությունը պատահական չէր՝ հենց Քարվաճառում, քանի որ տարածքը սահմանակից է Հայաստանին։ "Այս իրավիճակում պետք է հիշել, որ 44-օրյա պատերազմից և 2021, 2022 և 2023 թվականների ագրեսիայից հետո երկիրն ունի բազմաթիվ բացթողումներ՝ իր անվտանգության ապահովման տեսանկյունից ։ Հայաստանի զինված ուժերն, առնվազն, դրանից հետո պետք է վերականգնման մեծ փուլ անցնեին, ինչը չի ապահովվել", - նշել է Աբրահամյանը։

Անդրադառնալով հայ-ադրբեջանական սահմանի սահմանազատման գործընթացին՝ ընդդիմադիրն ուշադրություն հրավիրել այն հանգամանքին, որ արդեն մեկ տար այդ ուղղությամբ գործընթացը կանգ է առել։ Բացի այդ, նա ուշադրություն է հրավիրել այն փաստի վրա, որ, նույնիսկ, այդ գործընթացում Հայաստանը տեղի է տվել Ադրբեջանին, բավարարելով բացառապես ադրբեջանական պահանջները ՝ հաճախ ի վնաս հայկական կողմի շահերի: "Օրինակ, Ադրբեջանը, չնայած պայմանավորվածություններին, այդպես էլ դուրս չի բերել իր զորքերը Հայաստանի տարածքից։ Այս ամենի մեջ մտահոգություն է հաարուցում այն, որ հենց սկզբից Ադրբեջանը թելադրում է իր պահանջները։ Այսպես, օրինակ, սահմանազատումն սկսվել է հյուսիսից, այլ ոչ թե հարավից, որտեղ կան օկուպացված հայկական տարածքներ։ Եվ ոչ մի երաշխիք չկա, որ Տավուշում ստանալով անհրաժեշտը, Ադրբեջանը հանկարծ չի կասեցնի գործընթացը", - դժգոհել է ընդդիմադիրը, նշելով, որ այդ դեպքում այդ ուղղությամբ արդեն սահմանազատված տարածքները կմնան ադրբեջանական կողմին, իսկ Հայաստանի տարածքների ճակատագիրը կմնա անորոշ։

Պատգամավորը կարծում է, որ սա հերթական անգամ ապացուցում է Հայաստանի իշխանությունների գործողությունների անհամապատասխանությունն իրենց հայտարարություններին և խոստումներին: Չէ որ, ինչպես հիշեցրել է Աբրահամյանը, ավելի վաղ նրանք հավաստիացնում էին, որ բոլոր գործընթացները փոխադարձ են, եւ, զիջելով Ադրբեջանին,  հայկական կողմը կկարողանա հասնել իր տարածքների վերադարձին, որոնք հայտնվել են ադրբեջանական կողմի օկուպացման ներքո։ Սակայն, ինչպես ուշադրություն է հրավիրել ընդդիմադիրը, դա այդպես էլ տեղի չունեցավ, քանի որ Ադրբեջանը շարունակում է յուրովի մեկնաբանել Հայաստանի հետ ձեռք բերված պայմանավորվածությունները։

Ընդ որում, նա վստահ է, որ հենց Հայաստանի իշխանություններն են լեգիտիմ հիմքեր ստեղծել Ադրբեջանի պահանջների կատարման համար։ Այդ առնչությամբ պատգամավորը չի հերքում, որ մի օր "փակ դռների հետևում" նոր բանակցությունների արդյունքում պարզ կդառնա, որ օկուպացված Արծվաշենն էլ է "իրականում ադրբեջանական": "Եվ այդ նպատակն իրագործելու համար չեմ կասկածում, որ հանրային մեծ ընդվզումից խուսափելու համար իշխանությունները նորից կսկսեն ժողովրդին վախեցնել պատերազմով", - ամփոփել է պատգամավորը: