Հայ ժողովուրդն արժանի է արժանապատիվ կյանքի. Սամվել Կարապետյանը շնորհավորել է բոլորին «Մեր ձեւով» կամավորական շարժման մեկնարկի կապակցությամբ

Արմինֆո. "Տաշիր" ընկերությունների խմբի ղեկավար, գործարար և բարերար Սամվել Կարապետյանը կալանավայրից հղել է ուղերձ, որում ասվում է.

«Շնորհավորում եմ բոլորին «Մեր ձևով» ժողովրդական կամավորական շարժման մեկնարկի կապակցությամբ։

Այսուհետ հայրենիքի օգտին մեր աշխատանքները կդառնան ավելի կազմակերպված։ Տարբեր ոլորտների համար կմշակվեն ծրագրեր, որոնք կօգնեն բերել բարեկեցություն մեր երկրի յուրաքանչյուր քաղաքացուն։

Սիրելի՛ հայրենակիցներ, միանալով այս շարժմանը՝ դուք կդառնաք մի մեծ թիմի մաս, որն աշխատում է Հայաստանի ապագայի համար։

Վստահ եմ՝ միասին մենք կկարողանանք նոր փուլ սկսել մեր երկրի կյանքում։

Հայ ժողովուրդն արժանի է արժանապատիվ կյանքի, իսկ մեր պետությունը՝ հարգանքի։ Եվ այդ ամենին մենք հասնելու ենք ամենօրյա նվիրված աշխատանքով: Անելու ենք՝ «Մեր ձևով»։

Հիշեցնենք, որ օգոստոսի 29-ին Երեւանում տեղի է ունեցել Սամվել Կարապետյանի հիմնած  "Մեր ձեւով" շարժման շնորհանդեսը: Շարժումը կոչված է համախմբելու այն մարդկանց, ովքեր պատրաստ են ծառայել երկրին և հասարակությանը: Շարժման համակարգող Նարեկ Կարապետյանը տեղեկացրել է, որ "Մեր ձեւով" շարժման հիման վրա 4 ամսվա ընթացքում կստեղծվի քաղաքական կուսակցություն, որը կմասնակցի 2026 թվականի խորհրդարանական ընտրություններին: "Տաշիր" ընկերությունների խմբի ղեկավար Սամվել Կարապետյանը կդառնա դրա գաղափարական առաջնորդը։

Նարեկ Կարապետյանի խոսքով ՝ այս ընթացքում կստեղծվի հինգ աշխատանքային խումբ ՝ հինգ ուղղություններով: Առաջին խումբը նպատակաուղղված կլինի ստեղծել նոր տնտեսություն ՝ աշխատանք և բարեկեցություն բոլորի համար։ Երկրորդ ուղղությունը կլինի "Հայկական մեծ ընտանիքը" ։ Այդ ուղղության շրջանակներում կմշակվեն երիտասարդական քաղաքականություն և ժողովրդագրական աճին ուղղված քայլեր ։ Երրորդ խումբը զբաղվելու է արտաքին քաղաքականության հայեցակարգի մշակմամբ, չորրորդը ՝ շնորհալի երիտասարդների աջակցության ծրագրերով ։ Նարեկ Կարապետյանը շարժման հինգերորդ ուղղության անկյունաքարը համարել է ազգային արժեքների և Հայ Առաքելական Եկեղեցու պահպանումը:

Նարեկ Կարապետյանը նաեւ հավաստիացրել է, որ "նախկինների վերադարձ՝ նոր փաթեթավորմամբ, չի լինելու", ընդ որում, նա չի բացառել մասնագետների ՝ նախարարների, կոմիտեների ղեկավարների եւ այլոց հետ համագործակցության հնարավորությունը, նույնիսկ, եթե նրանք աշխատել են կառավարությունում նախորդ իշխանությունների օրոք: