Օգոստոսի 19-ին տեղի կունենա Բագրատ Գալստանյանի և նրա 17 կողմնակիցների գործով առաջին դատական նիստը

Արմինֆո. Օգոստոսի 19-ին տեղի կունենա "Սրբազան պայքար" բողոքի շարժման առաջնորդ Բագրատ արքեպիսկոպոս Գալստանյանի և նրա 17 կողմնակիցների վերաբերյալ քրեական գործով առաջին դատական նիստը: Այդ մասին ասվում է շարժման Telegram-ալիքում տարածվծ հաղորդագրության մեջ ։

"Բագրատ Սրբազանի և 17 մյուս արժանապատիվ քաղաքացիների դեմ քրեական գործով առաջին դատական նիստը տեղի կունենա այսօր՝ օգոստոսի 19-ին, ժամը 16:00-ին Կենտրոնի դատարանում (հասցե՝ Տիգրան Մեծի 23/1):  Ի թիվս այլոց՝ քննարկվելու է նաև խափանման միջոցի հարցը։ Նիստը դռնբաց է", - նշված է հաղորդագրությունում։

Հիշեցնենք, որ ՀՀ վարչապետ Նիկոլ Փաշինյանը մայիսին արշավ էր սկսել Հայ Առաքելական Եկեղեցու դեմ և բոլոր նրանց դեմ, ովքեր համաձայն չեն, այս կամ այն ծանր հոդվածով կալանավորում է:

Հունիսի 18-ին Հայ Առաքելական Եկեղեցուն աջակցություն հայտնելուց հետո ձերբակալվել և 2 ամսով կալանավորվել է բարերար և "Տաշիր" ընկերությունների խմբի նախագահ Սամվել Կարապետյանը: Նրան մեղադրում են երկրում իշխանությունը զավթելու հրապարակային կոչերի համար։ Կարապետյանը մեղքը չի ընդունում։ Բացի այդ, հունիսի 25-ին կալանավորվել են "Սրբազան պայքար" շարժման 17 ընդդիմադիր գործիչներ և կողմնակիցներ՝ շարժման առաջնորդ Բագրատ արքեպիսկոպոս Գալստանյանի գլխավորությամբ: Նրանց մեղադրում են "իշխանությունը զավթելու" փորձի համար։

Իսկ հունիսի 28-ին Երևանի առաջին ատյանի դատարանը որոշում է կայացրել երկու ամսով կալանավորել ՀԱԵ Շիրակի թեմի առաջնորդ Միքայել արքեպիսկոպոս Աջապահյանին, ով մեղադրվում է իշխանությունը բռնի տապալելու կոչեր անելու համար։ Դրան նախորդել էր իրավապահների ներթափանցումը Մայր Աթոռ Սուրբ Էջմիածնի տարածք ։