Արմինֆո. Իրավունքի խախտումը, ի վերջո, ենթադրում է պատիժ, և դա, պարզապես, անխուսափելի է: Լրագրողների հետ զրույցում փաստաբան Արամ Վարդևանյանն այdպես 1 մեկնաբանեl գործարար Սամվել Կարապետյանի կալանքը ևս 2 ամսով երկարացնելը:
Անդրադառնալով դատարանի որոշմանը՝ փաստաբանն ուշադրություն է հրավիրել մի քանի հակասությունների վրա ։ Նա նշել է, որ փողերի լվացման, տուրքերի չվճարման մասով դատավորն ընդունել է հիմնավոր կասկածների բացակայությունը: Վարդևանյանը պարզաբանել է, որ դատախազի միջնորդությունը կրկին վերաբերում էր "իշխանությունը զավթելու կոչերին"։ "Եվ դա իրական կոչերի բացակայության պայմաններում։ Խոսքը Կարապետյանի՝ "մեր ձևով կանենք" հայտարարության մասին է, որում նա, պարզապես, հնչեցրել է իր մտահոգությունը Հայ Առաքելական Եկեղեցու վրա հարձակումների կապակցությամբ", - հիշեցրել է փաստաբանը։
Վարդևանյանը տարակուսանք է հայտնել, որ ի պաշտպանություն ՀԱԵ-ի հենց այս կարճ հայտարարության մեջ դատավոր Տիգրան Դավթյանը հիմնավոր կասկած է նկատել: "Ավելին, այդ հայտարարության նկատմամբ դատավորը որոշել է խափանման միջոց կալանավորում կիրառել", - դժգոհել է փաստաբանը:
Բացի այդ, ըստ Վարդեւանյանի, նման միջոց կիրառվել է դատավորի կողմից, իբր, ռիսկի առկայության պատճառով, որ "գործարարը կփորձի թաքնվել": "Դա ուղղակի աբսուրդ է, հաշվի առնելով, որ Սամվել Կարապետյանը հրապարակային անձնավորություն է, ավելին, նա ավելի վաղ հայտարարել էր իր շարժման ստեղծման մասին", - նշել է փաստաբանը:
Վարդևանյանը, միաժամանակ, ուշադրություն է հրավիրել նույն գործերի նկատմամբ տարբեր մոտեցումների վրա։ Նրա խոսքով ՝ նման վարույթներով նախաքննությունն իրականացվում է տարբեր ժամկետներում։ Փաստաբանը վստահ է, որ դա խոսում է դատավորի կողմնակալության մասին։ "Կալանքը երկարաձգելու հիմնավորումներ ներկայացնելու փոխարեն՝ դատավորը հայտարարում է, որ կալանավորումը դադարեցնելու նոր հիմքեր չկան, ինչն ինքնին աբսուրդ է", - կարծում է Վարդևանյանը:
Միեւնույն ժամանակ, նա ուշադրություն է հրավիրել այն հանգամանքին, որ իրենք դիմել են անգամ լեզվաբանական վերլուծություններ իրականացնող մասնագետների, որոնք հաստատել են, որ Կարապետյանի հարցազրույցում իշխանությունը զավթելու կոչ չկա: Սակայն, ըստ փաստաբանի, քննիչն անտեսել է դա։ "Բայց դա չէր կարող չնկատել դատավորը։ Ստացվում է, որ Տիգրան Դավթյանը ոչնչով չի տարբերվում ոչ դատավոր Արմեն Դանիելյանից, ոչ էլ Արտակ Կարապետյանից (իրենց որոշմամբ կալանավորել են Սամվել Կարապետյանին - խմբ.), ոչ էլ Մասիս Մելքոնյանից (արքեպիսկոպոսներին կալանավորելու որոշում է կայացրել - խմբ.) ։ Ինձ համար տհաճ է դա արձանագրելը", - ընդգծել է փաստաբանը։
Անդրադառնալով իրենց գործողություններին՝ Վարդևանյանը նշել է, որ իրենք անհապաղ վերաքննիչ բողոք կներկայացնեն: "Կձեռնարկվեն նաև լրացուցիչ գործողություններ, որոնց մասին կտեղեկացնենք առանձին", - եզրափակել է փաստաբանը:
Նշենք, որ Հակակոռուպցիոն դատարանի որոշմամբ "Տաշիր" ընկերությունների խմբի ղեկավար Սամվել Կարապետյանի կալանքի ժամկետը երկարացվել է 2 ամսով: Որոշումը կայացրել է հակակոռուպցիոն դատարանի դատավոր Տիգրան Դավթյանը: Փաստաբանների խոսքով ՝ գործարարին կալանավորելու համար հիմք է հանդիսացել հնարավոր "փախուստը և հետաքննությանը խոչընդոտելը":
Փաստաբան Լիանա Գասպարյանը լրագրողներին հաղորդել է, որ պաշտպանական կողմը մտադիր է բողոքարկել այդ որոշումը:
Հիշեցնենք, որ Սամվել Կարապետյանը ձերբակալվել էր հունիսի 18-ի գիշերը Երևանում Հայաստանի իրավապահ մարմինների կողմից՝ Հայ Առաքելական Եկեղեցուն աջակցություն հայտնելուց հետո: Դրան ի պատասխան ՝ բացահայտ սպառնալիքներ են հնչել վարչապետի կողմից։ Հունիսի 19-ի գիշերը Երևանի ընդհանուր իրավասության դատարանը երկու ամսով կալանավորել է Սամվել Կարապետյանին: Նա պահվում է "Երևան - Կենտրոն" ՔԿՀ-ում (հայտնի "ՊԱԿ-ի նկուղը" ՝ ԱԱԾ շենքում) ։ Նրան մեղադրում են երկրում իշխանությունը զավթելու հրապարակային կոչերի համար։ Կարապետյանը մեղքը չի ընդունում։ Բացի այդ, հուլիսին "Տաշիր" ընկերությունների խմբի ղեկավարին նոր մեղադրանք է առաջադրվել՝ փողերի լվացման համար։
Քաղաքագետ. Հայաստանում բռնաճնշումները նպատակ ունեն վերաձևակերպել ուժերի հավասարակշռությունը, ազդեցության կենտրոնները և տնտեսական սեփականությունը
Փորձագետ. Հայաստանը շարունակում է «պոկվել» Ռուսաստանի գլխավորած ռազմաքաղաքական և տնտեսական կառույցներից
Կարծիք. Փաշինյանի կառավարության հնգամյա ծրագիրը նպատակ ունի ներկայիս կառավարության գաղափարախոսական հայեցակարգերը վերածել պետական քաղաքականության
Մեդվեդև. Երևանը երբեք չի դառնա ԵՄ անդամ, փոխարենը՝ երկար ժամանակով կփչացնի հարաբերությունները ԵԱՏՄ-ի, այդ թվում ՝ Մոսկվայի հետ
Վարդևանյան. Հայաստանի հասարակայնությունն ԱԺ-ից պահանջում է բազմաթիվ խնդիրների լուծում, այլ ոչ թե՝ ներողությունների մասին սկանդալային պահանջներ
Գ. Ծառուկյան. Չի կարելի պարզապես ապրել խոզի պես, մտածել միայն քո սեփական շահերի մասին և անտարբեր լինել քո երկրի և ժողովրդի հոգսերի նկատմամբ
"Բաքվում արժանի հակահարված ենք տվել մեր ժողովրդի անցյալի և ներկայի մասին ստահոդ պնդումներին". Արցախի խորհրդարանի նախկին խոսնակը` Բաքվի բանտից
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայ վերլուծաբան․ Զարգացնելով հարաբերությունները Եվրոպայի և ԱՄՆ-ի հետ՝ Հայաստանը չպետք է վտանգի տարածաշրջանային տերությունների հետ իր հարաբերությունները
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
