Հայաստանում չորրորդ անգամ կանցկացվի հայ-իրանական "Նավասարդ" փառատոնը

Արմինֆո. Օգոստոսի 10-ին Սիսիան քաղաքում արդեն չորրորդ անգամ կանցկացվի հայ-իրանական "Նավասարդ" մշակութային և խոհարարական փառատոնը: Այդ մասին օգոստոսի 1-ին Երեւանում կայացած մամլո ասուլիսում հաղորդել է Զբոսաշրջության հայկական ֆեդերացիայի ղեկավար Մեխակ Ապրեսյանը։

Նրա խոսքով՝ այս տարի սպասվում է փառատոնի անցկացումը մեծ ընդգրկմամբ և տարբեր միջոցառումների կազմակերպմամբ: Փառատոնի մեկնարկը, որտեղ կներկայացվի հայկական և իրանական խոհանոցի և արվեստի առարկաների շուրջ հարյուր տաղավար, ինչպես տեղեկացրել է Ապերսյանը, նախատեսվում է ժամը 16:00-ին: "Բացի այդ, փառատոնի մասնակիցներին սպասվում են մշակութային միջոցառումներ և երաժշտական ներկայացումներ։ Իսկ հաջորդ օրը ՝ օգոստոսի 11 - ին, փառատոնի մասնակիցները կկարողանան մեկնել Սիսիանի պատմական հուշարձան՝ Քարահունջ, որտեղ հնարավորություն կունենան տեսնել Հայկի համաստեղությունը", - պատմել է Զբոսաշրջության հայկական ֆեդերացիայի նախագահը։

Նա նաև մեծ նշանակություն է տվել փառատոնին իրանական կողմի ակտիվ մասնակցությանը, որը, նրա խոսքով, ամեն անգամ ավելի մեծ հետաքրքրություն է ցուցաբերում: "Նման փառատոնների կազմակերպումը մեծ նշանակություն ունի, հատկապես՝ հիմա։ Փառատոնը նպաստում է Երևանից դեպի Հայաստանի այլ մարզեր զբոսաշրջիկների ապակենտրոնացմանը, ինչպես նաև նպաստում է համայնքների տնտեսական ակտիվությանը, մշակութային արժեքների զարգացմանն ու պահպանմանը և ճանաչելիությանը: Բացի այդ, այն նաև ցրում է զբոսաշրջիկների մտավախությունները նախազգուշացումների վերաբերյալ, որոնք տարածում են երկրների ԱԳՆ պաշտոնական էջերը: Մասնավորապես, նրանց կայքերում Սյունիքի, Վայոց ձորի, Գեղարքունիքի և Տավուշի մարզերը շրջանակված են կարմիր եզրագծով։ Սակայն նման միջոցառումները գրավում են հազարավոր զբոսաշրջիկների և կրկին ապացուցում են, որ միջազգային հանրությունը վայելում է իր ճանապարհորդությունները Հայաստանում և իրեն ապահով է զգում", - ընդգծել է Ապրեսյանը։

Իր հերթին՝ "Հայ խոհարարական ավանդույթների զարգացման և պահպանման" հասարակական կազմակերպության նախագահ Սեդրակ Մամուլյանը պատմել է, որ փառատոնի շրջանակներում նախատեսված է նաև խոհարարական մրցույթ: "Ինչպես ցույց է տալիս փորձը, նման միջոցառումների, հատկապես, տարբեր մրցույթների շնորհիվ կապեր են ձևավորվում։ Ավելին, նշեմ, որ խոհարարությունը թույլ է տալիս նաև այլ շատ կարևոր թեմաների քննարկման դուրս գալ", - վստահեցրել է Մամուլյանը։

 Անդրադառնալով փառատոնի շրջանակներում ներկայացվելիք կոնկրետ ուտեստներին՝ նա, որպես օրինակ, նշել է հայկական հարիսան, հավելելով, որ այս տարի այն տարբերվելու է իր պատրաստման եղանակով: "Այս անգամ այն մինչև վերջ չի եփվի։ Դա յուրատեսակ ծես է, որը կանխագուշակում է հաջորդ տարի պատերազմների բացակայությունը", - պարզաբանել է հասարակական կազմակերպության նախագահը։

Ասուլիսի ընթացքում ՀՀ էկոնոմիկայի նախարարության Զբոսաշրջության կոմիտեի նախագահ Լուսինե Գևորգյանը ներկայացրել է նաև երկիր այցելությունների դինամիկան և նման փառատոնների ազդեցությունը դրա միտումների վրա: Նրա խոսքով, տարեցտարի 10 տոկոսով և ավելի ավելանում է այլ երկրներից Հայաստան ժամանող զբոսաշրջիկների թիվը։

Ներկայացնելով կոնկրետ տվյալներ՝ Գևորգյանը տեղեկացրել է, որ նախորդ տարի Հայաստան է այցելել 180 000 զբոսաշրջիկ Իրանից, ինչը 30 000-ով ավելի է 2023 թվականի նույն ժամանակահատվածի համեմատ ։ Այն ժամանակ Հայաստան էր ժամանել 150 000 զբոսաշրջիկ։ "Իրադարձային զբոսաշրջությունը հատկապես հետաքրքրում է օտարերկրացիներին։ Զբոսաշրջիկները, հիմնականում, մասնակցում են հենց նման միջոցառումներին։ Նույն էֆեկտը, օրինակ, մենք նկատում ենք նաև այլ փառատոների ժամանակ, օրինակ ՝ գինու փառատոնի ժամանակ", - պարզաբանել է Զբոսաշրջության կոմիտեի նախագահը։