Արմինֆո. Հայոց եկեղեցու պահպանության համահայկական խորհուրդը հանդես է եկել նոր հայտարարությամբ, որում դատապարտել է վարչապետ Նիկոլ Փաշինյանի արշավն ընդդեմ Հայ Առաքելական Եկեղեցու:
Ինչպես ընդգծվում է խորհրդի տարածած հայտարարության մեջ, Հայաստանի վարչապետի նախաձեռնած արշավը ներքին ճնշումից անցնում է արտաքինի՝ դրսևորվելով Սփյուռքի և դիվանագիտական համակարգի վրա ուղղված ազդեցությամբ։
«Եկատերինբուրգում Հայաստանի պատվավոր հյուպատոս Նարեկ Սպարտակյանի աշխատանքից ազատումը, ըստ հրապարակային աղբյուրների, կապված է ոչ թե դիվանագիտական ծառայության խախտման, այլ՝ եկեղեցու նկատմամբ արտահայտած բարոյական դիրքորոշման հետ։
Խորհուրդը համարում է անընդունելի, երբ պետական կառույցը պատժում է սեփական ներկայացուցչին՝ ընդամենը Հայ Առաքելական Սուրբ Եկեղեցու և հոգևոր առաջնորդության պաշտպանության համար։ Եթե անգամ պատվավոր հյուպատոսի դեպքում չի ապահովվում ազատ կարծիքի արտահայտման իրավունքը՝ առանց պաշտոնազրկման կամ հանրային վարկաբեկման ենթարկվելու, ապա տեղի ունեցողը ոչ այլ ինչ է, քան քաղաքական հաշվեհարդար և համոզումների հիմքով ճնշման կիրառում։
Այդպես է, երբ պետական իշխանությունը բարոյական դիրքորոշումը նույնացնում է անհավատարմության հետ։ Երբ քրիստոնեական արժեքների պաշտպանությունը դառնում է վարչական հետևանքի պատճառ, իսկ լռությունը՝ լոյալության միավոր։
Հայոց եկեղեցու պահպանության համահայկական խորհուրդը հայտարարում է. պատվավոր հյուպատոս Նարեկ Սպարտակյանի պաշտոնանկության պատճառների պարզաբանումը պետք է լինի թափանցիկ և հրապարակային։ Քաղաքական դրդապատճառների առկայությունը ենթակա է քննության՝ թե ներպետական, և թե միջազգային մակարդակում։
ՀՀ իշխանության ներկայացուցիչների կողմից հնչեցվող այն պնդումը, թե պատվավոր հյուպատոսը «իրավունք չունի» արտահայտվելու իշխանության քաղաքական գծի վերաբերյալ, հակասում է ՀՀ սահմանադրությանը, դիվանագիտական էթիկային և Հայաստանի ստանձնած միջազգային պարտավորություններին՝ խոսքի ազատության և խղճի ազատության մասով։
Սփյուռքի համայնքների կայունությունը խարխլելու այս միտումը վտանգում է Հայաստան–Սփյուռք կապը, ստեղծում է անվստահություն, և ի վերջո՝ հարվածում է համայն հայության համախմբվածությանը։ Իսկ պաշտոնազրկումները՝ կրոնական կամ բարոյական դիրքորոշման համար, խաթարում են պետական ծառայության արժանապատվությունը և միջազգային հեղինակությունը։
Խորհուրդը նաև մտահոգությամբ արձանագրում է, որ վարչապետի վարչակազմի կողմից առաջարկված «հոգևոր հավաքը» Վաղարշապատում մնում է օրակարգում՝ մի շարք իրավական, բարոյական և անվտանգային մտահոգությունների պայմաններում։ Այն չի կարող դիտվել որպես անկողմնակալ կամ «խաղաղ արարողություն», քանի դեռ դրան նախորդել են եկեղեցու և Ամենայն հայոց կաթողիկոսի դեմ ուղղված պառակտող հռետորաբանություն, ճնշումներ և անհիմն մեղադրանքներ։
Խորհուրդը վերահաստատում է. Մայր Աթոռ Սուրբ Էջմիածնի շուրջ ձևավորված հոգևոր միասնությունն անսասան է։ Սփյուռքի մեր հոգևորականներն ու համայնքները կանգնած են Սուրբ Էջմիածնի կողքին՝ որպես ողջ հայության հոգևոր կենտրոնի։ Եկեղեցու պաշտպանությունը տարածքային կամ պաշտոնական սահմաններում չէ․ այն յուրաքանչյուր հայի պատասխանատու ընտրությունն է՝ հավատարիմ ճշմարտությանը և հավատքի արժեքներին», - ասվում է խորհրդի հայտարարությունում։
Հիշեցնենք, որ ավելի վաղ URA.RU-ն հաղորդել էր, որ Եկատերինբուրգից հետ են կանչում Հայաստանի պատվավոր հյուպատոս Նարեկ Սպարտակյանին։ Աղբյուրը նշել է, որ պատճառը նրա անհամաձայնությունն է Հայ Առաքելական Եկեղեցու նկատմամբ երկրի ղեկավարության դիրքորոշմանըև ռուսաստանաբնակ բարերար Սամվել Կարապետյանի կալանավորմանը, ով աջակցել է Հայ Առաքելական Եկեղեցուն:
Հավելենք, որ Հայաստանի վարչապետն իր հակաեկեղեցական արշավի շրջանակներում, որը մեկնարկել է այս տարվա մայիսի վերջին, հայտարարել է Ամենայն հայոց կաթողիկոսին Վեհարանից հեռացնելու գործընթացը ղեկավարելու պատրաստակամության մասին: Հուլիսի 7-ին հայկական ԶԼՄ-ներում տեղեկատվություն տարածվեց, որ առաջիկայում ուժայինները ևս մեկ հարձակում են ձեռնարկելու Հայ Առաքելական Եկեղեցու վրա:
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Հայ փորձագետ․ Ժամանակակից աշխարհաքաղաքական մրցակցությունը տեղափոխվում է տարածքների վերահսկումից դեպի ենթակառուցվածքային հոսքերի վերահսկում
Փորձագետ. Քաղաքների կայուն զարգացման համար անհրաժեշտ է ընդլայնել որոշումների կայացմանը բնակիչների մասնակցության մեխանիզմները
Քաղաքական գործիչ․ Հայաստանի երրորդ նախագահի հայտարարությունն ընդդիմությանը կարող է զրկել Փաշինյանին իշխանությունից զրկելու միակ քաղաքական հիմքից
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
