Նոյեմբերի 1-ին Ադրբեջանում կայացած խորհրդարանական ընտրություններն առաջին անգամ ընթացել են բավականին բարդ տնտեսական իրավիճակի պայմաններում, հայտարարել է քաղաքագետ, Ռուսաստանի պետական հումանիտար համալսարանի հետխորհրդային երկրների ամբիոնի վարիչի տեղակալ Ալեքսանդր Գուշչինը` ԱրմԻնֆո-ի թղթակցի հետ զրույցում:
«Այդուհանդերձ, իշխանությունը լիովին վերահսկում է իրավիճակը երկրում, և ընտրությունների արդյունքները, ընդհանուր առմամբ, կանխատեսելի էին: Չեմ կարծում, թե ընտրությունները քաղաքական համակարգի կայունության ցուցանիշ են: Այնպիսի քաղաքական վարչակարգերի շրջանակում, ինչպիսին ադրբեջանականն է, ընտրություններն ինքնին կայունության գլխավոր ցուցանիշ չեն, սակայն չի կարելի հաշվի չառնել նաև դրանց անուղղակի նշանակությունը: Դրանք ցույց տվեցին, որ բողոքի շարժումն առայժմ բավականին թույլ է, իսկ ընդիմությունն առաջվա պես չի ձևավորում հանրային նշանակության օրակարգ, հատկապես այն պայմաններում, երբ իշխանությունը ձգտում է, և ոչ առանց հաջողության, համահարթեցնել ընդդիմության ազդեցությունը` զուգորդելով ինչպես կոշտ, այնպես էլ զուտ քաղաքական եղանակներ», - նշել է Գուշչինը:
Ընդ որում նա հավելել է, որ հետագայում շատ բան կախված կլինի այն բանից, թե հետագայում Ադրբեջանի իշխանություններին որքանով կհաջողվի ապահովել տնտեսության դիվերսիֆիկացումը և վերացնել տարածաշրջանային զարգացման անհամաչափությանն առնչվող խնդիրները: «Ընդհանուր առմամբ, երկրի ներուժն Ադրբեջանին թույլ է տալիս ավելի արդյունավետ իրականացնել կառուցվածքային բարեփոխումները, քան դա արվում է այսօր: Կարծում եմ, Ադրբեջանի և Ռուսաստանի ներկայիս մերձեցումը կպահպանվի, սակայն դա կրում է, այնուամենայնիվ, ոչ թե ռազմավարական, այլ մարտավարական բնույթ, թեև դա նույնպես կարևոր է Մոսկվայի համար, որին ձեռնտու է, սկզբունքորեն, սերտ կապեր պահպանել Բաքվի հետ և, ընդ որում` պահպանելով գերակշռող ազդեցությունը Հայաստանի վրա: Այնպես որ, կարծում եմ, այդ վեկտորն առայժմ կզարգանա, սակայն այն ունի իր կարմիր գծերը, որոնք չեն խախտվի` ելնելով օբյեկտիվ հանգամանքներից», - եզրափակել է Ռուսաստանցի փորձագետը:
Նոյեմբերի 1-ին Ադրբեջանում անցկացված խորհրդարանական ընտրություններում 125 տեղի համար պայքարում էին 767 թեկնածուներ, որոնք ներկայացնում էին 15 քաղաքկաան ուժեր: Ըստ նախնական տվյալների, հաղթել է կառավարող «Նոր Ադրբեջան» կուսակցությունը, որն առնվազն 86 տեղ է ստացել խորհրդարանում: Միջազգային հանրությունը դժգոհ է Ադրբեջանի ընտրություններից, որոնք ընթացել են ընդդիմադիր գործիչների և լրագրողների նկատմամբ ճնշումների ֆոնին: Որոշ միջազգային կազմակերպություններ, ընդհանրապես, հրաժարվել են դիտորդներ ուղարկել այդ երկիր:
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Կարծիք. Բաքուն Բեռլինում բանակցությունների արդյունքներով ստանում է ընդլայնված ազդեցության ալիք ԵՄ ներսում և ամրապնդում է համագործակցային կապերը գլխավոր եվրո-շարժիչի հետ
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
