Արմինֆո. Հայաստանում գործող իշխանությունը՝ վարչապետ Նիկոլ Փաշինյանի գլխավորությամբ, ցույց տվեց, որ բոլորը հավասար են ոչ միայն օրենքի, այլև անօրինականության առջև: Այդ մասին ԱրմԻնֆո-ի հետ զրույցում հայտարարել է Հայաստանի առաջին օմբուդսմեն Լարիսա Ալավերդյանը' երկրում ընդդիմադիր գործիչների հետապնդումներին գնահատական տալու խնդրանքին ի պատասխան:
Իրավապաշտպանն արձանագրել է, որ երկրում կառավարող ուժի գործողությունները հակասում են իրավական պետության հիմնարար սկզբունքներին: "Այն, ինչ տեղի է ունենում այս պահին, ապօրինություն է, հակասահմանադրական և հակաիրավական։ Դա քաջ գիտակցում են թե կատարողները, թե այս բացահայտ և ցուցադրական քաղաքական բռնաճնշումների կազմակերպիչները, որոնք Հայաստանում սկսվել են վարչապետ Նիկոլ Փաշինյանի ՝ Թուրքիայից վերադառնալուց անմիջապես հետո",-ընդգծել է իրավապաշտպանը։
Դժվարանալով պատասխանել հարցին, թե արդյոք դա զուգադիպություն է, Ալավերդյանը համոզմունք է հայտնել, որ այս կառավարությունը, դատելով իր գործողությունների արդյունքներից, ծառայում է հայերի նկատմամբ թուրք-ադրբեջանական ցեղասպան քաղաքականության շահերին: "2018 թվականից այս իշխանությունը եկել է իրականացնելու այն, ինչ չեն կարող անել Թուրքիայի նախագահն ու Ադրբեջանի նախագահը", - հայտարարել է առաջին օմբուդսմենը:
Խոսելով երկրում ընդդիմադիրների զանգվածային ձերբակալությունների մասին այնպիսի ծանր մեղադրանքներով, ինչպես՝ "ահաբեկչությունը", իրավապաշտպանը հիշեցրել է անմեղության կանխավարկածի էության մասին, որի համաձայն, մեղադրյալը համարվում է անմեղ, քանի դեռ նրա մեղավորությունն ապացուցված չէ դատարանում: "Սակայն ներկա իրավիճակում այս հասկացությունը, կարծես թե, չի տարածվում Հայաստանի վարչապետի վրա, որն էլ ծավալում է այդ իրավական կամայականությունը: Ցավոք, այս ամենին աջակցում են իշխանության բոլոր մարմինները և ինստիտուտները։ Ավելի ցավալի է, որ այս գործընթացին ակտիվորեն մասնակցում են կանայք (քրեական հետապնդման միջնորդությունը տալիս է ՀՀ գլխավոր դատախազ Աննա Վարդապետյանը - խմբ.)՝ դրանով իսկ կատարելով ղեկավարության հակասահմանադրական և հակաիրավական ցուցումները", - նշել է իրավապաշտպանը։
Ալավերդյանը նաեւ ուշադրություն է հրավիրել այն հանգամանքի վրա, որ Հայաստանում տեղի ունեցող իրադարձությունների ֆոնին իրավական գործընթացների մասին խոսելու հարկ չկա, եւ այն, ինչ տեղի է ունենում, ըստ էության, կարելի է հեշտությամբ որակել որպես իրավական կամայականություն: "Այս իշխանությունները հստակ հասկանում են, որ իրենց թիկունքում բառացիորեն սարի նման կանգնած է "քաղաքակիրթ" Եվրոպան։ Այն ամենը, ինչ անում է այս իշխանությունը, իր, այսպես կոչված, գաղափարախոսության արտացոլումն է, այն է՝ հայ ժողովրդի ինքնության ոչնչացման քաղաքականությունը", - վստահ է Ալավերդյանը։
Միաժամանակ, իրավապաշտպանն ընդգծել է, որ անմեղության կանխավարկածի սկզբունքի խախտումն ընդամենը դրվագ է բոլոր այն արարքներում, որոնցում առկա են "սահմանադրական կարգի և պետական անվտանգության դեմ ուղղված հանցագործություններ" 28-րդ գլխում, ինչպես նաև ՀՀ քրեական օրենսգրքում թվարկված ամենածանր հանցագործությունների հատկանիշները:
"Հայաստանում իշխանությունը շեղվել է սահմանադրական նպատակ հանդիսացող պետության իրավական կառուցման ուղուց և հետևողականորեն իրականացնում է ոչ թե, պարզապես, ավտորիտար գործողություններ, այլ՝ կամայական դատաստան։ Ուստի, Հայաստանում կարող են լինել ամենածանր հետևանքներ, և արդեն կան։ Այս ամենը կարելի է դիտարկել որպես սկսված նախընտրական քարոզարշավ։ Այս իշխանությունը փորձում է բոլորին խաղաղեցնել, հասարակությանը դարձնել անշարժացած, բողոքի ոչ ընդունակ։ "Կառավարությունը և իշխանությունները պետք է պահպանեն մարդու իրավունքները, որպեսզի հուսահատ մարդիկ չապստամբեն գործող իշխանության դեմ", - ընդգծել է առաջին օմբուդսմենը:
Ալավերդյանը նշել է, որ այս ողբերգական իրավիճակը, որում հայտնվել է Հայաստանի ժողովուրդը, հետևանք է այն բանի, որ ոչ միայն ընդդիմադիր և խորհրդարանական ուժերը, այլև մյուս շարժումներն այդպես էլ չկարողացան համախմբվել: "Բայց, կարծում եմ, որ այդ առումով ոչինչ բաց չի թողնվել։ Այստեղ պետք է խոսել միայն բոլոր նրանց միասնության մասին, ովքեր հասկանում են, որ երկիրը ցանկանում են միջազգային իրավունքի սուբյեկտից դարձնել օբյեկտ, այսինքն՝ տարածք Թուրքիայի և Ադրբեջանի ինքնակառավարման համար", - ամփոփել է Հայաստանի առաջին օմբուդսմենը։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Վերաքննիչ դատարանն անփոփոխ է թողել Սամվել Կարապետյանին կալանավորելու առաջին ատյանի որոշումը
Մովչան. Աշխարհում չկա մեկը, ով հիմա զբաղվեր Ռուբեն Վարդանյանին Բաքվի բանտից ազատելու հարցով
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
