Երևանում մեկնարկել է երթ՝ ի պաշտպանություն Սամվել Կարապետյանի

Արմինֆո. Երևանում մեկնարկել է երթ ՝ ի պաշտպանություն Սամվել Կարապետյանի: Ինչպես ասվում է Սամվել Կարապետյանի պաշտպանության խորհրդի պաշտոնական հայտարարության մեջ, հանրահավաքը արտոնված է և համաձայնեցված է Հայաստանի Ներքին գործերի նախարարության և Երևանի քաղաքապետարանի հետ:

Հիշեցնենք, որ հուլիսի 1-ին Սամվել Կարապետյանի պաշտպանության խորհուրդը հաղորդել էր, որ հուլիսի 4-ին՝ ժամը 18:00-ին Երևանի Մաշտոցի պողոտայի «Սիզոնսի» այգուց (Մալիբու) երթով կշարժվեն դեպի Սամվել Կարապետյանի ապօրինի կալանավորման վայրը: «Թողնենք մեր գործերը մի քանի ժամով և միանանք՝ ցույց տալու, որ մեր ժողովուրդը չի հանդուրժում անարդարությունը։ Նա, ով արդարացնում է անօրինականությունը, վարկաբեկում է ինքն իրեն: Միացե՛ք։ Ձեր ձայնը կարևոր է», - ասվում է հայտարարությունում։

Հիշեցնենք, որ բարերար եւ "Տաշիր" ընկերությունների խմբի նախագահ Սամվել Կարապետյանը ձերբակալվել էր հունիսի 18-ի գիշերը Երեւանում Հայաստանի իրավապահ մարմինների կողմից՝ այն բանից հետո, երբ Հայ Առաքելական Եկեղեցուն աջակցություն էր հայտնել: Դրան ի պատասխան՝ բացահայտ սպառնալիքներ էին եղել վարչապետի կողմից։ Հունիսի 19-ի գիշերը Երևանի ընդհանուր իրավասության դատարանը երկու ամսով կալանավորել է Սամվել Կարապետյանին: Նա պահվում է "Երևան - Կենտրոն" ՔԿՀ-ում (ԱԱԾ շենքում)։ Նրան մեղադրում են երկրում իշխանությունը զավթելու հրապարակային կոչերի համար։ Կարապետյանը մեղքը չի ընդունում։