Արմինֆո.Կոնվերս Բանկը Հայաստանում բորսայական առևտրով զբաղվող առաջին և դեռևս միակ ֆինանսական կառույցն է, որը Հայաստանի ֆոնդային բորսայի միջոցով միացել է Tabadul տարածաշրջանային հաբին և դարձել դրա լիիրավ անդամ: Իսկ ConFEAS 2025-ի ժամանակ դարձել է նաև Հայաստանում հարթակի միջոցով կատարված առաջին գործարքի մասնակիցը:
Հարթակի ու դրա հնարավորությունների մասին հարցերին պատասխանել է Աբու Դաբիի ֆոնդային բորսայի (ADX) գլխավոր տնօրեն պարոն Աբդուլա Սալեմ Ալ Նուամին:
Ինչո՞վ է Tabadul հարթակը տարբերվում միջազգային մյուս առևտրային հարթակներից և ինչպե՞ս է նպաստում տարածաշրջանային ֆինանսական ինտեգրմանը։
Երբ 2022 թվականի հուլիսին գործարկեցինք Tabadul-ը, մեր նպատակն էր ոչ միայն միմյանց հետ կապել ֆոնդային բորսաները, այլև տրամադրել իրական ժամանակում անվտանգ, ընդարձակ հասանելիություն նոր ներդրումային հնարավորություններին երկրների սահմաններից դուրս։
Tabadul-ի առանձնահատկությունը շուկայի փոխադարձ հասանելության մոդելն է։ Ներդրողները կարող են առևտուր իրականացնել այլ բորսաներում ցուցակված արժեթղթերով իրենց տեղական բրոքերի միջոցով՝ առանց օտարերկրյա հաշիվներ բացելու կամ անծանոթ ընթացակարգեր անցնելու։ Այն անխափան թվային ենթակառուցվածք է, որը վերացնում է ավանդական խոչընդոտները։
Ներկայում հարթակը միավորում է ինը բորսա, որոնցից վեցը գործում են իրական ժամանակում, այդ թվում՝ մեր նորագույն անդամը՝ Հայաստանի ֆոնդային բորսան: Սա թույլ է տալիս ADX ներդրողներին ուսումնասիրել նոր հնարավորություններ Հայաստանի աճող կապիտալի շուկայում, մինչդեռ AMX-ի միջոցով ներդրողները հասանելիություն են ստանում տարածաշրջանի ամենաակտիվ և բազմազան բորսաներից մեկին։ Այս մոդելը նախատեսված է ապահովելու արժեք երկու կողմերի համար:
Միայն 2024 թվականին Tabadul-ն արձանագրել է 1029% աճ նախորդ տարվա համեմատ: Այն նաև հեշտացնում է մասնակցությունը անդրսահմանային առաջնային հրապարակային առաջարկներին (IPO), ինչպես նաև առաջարկում է պարտքային գործիքներ և տարածաշրջանում ETF-ների ամենաբազմազան տարբերակներ: Եվ այս ամենը՝ միասնական մոտեցման շրջանակում, որը նպատակաուղղված է ապահովելու երկարաժամկետ օգուտներ մասնակից շուկաներից յուրաքանչյուրի համար։
Ի՞նչ ակնկալիքներ ունի Աբու Դաբիի ֆոնդային բորսան Tabadul հարթակի զարգացման և տարածաշրջանում ներդրումային հոսքերի խթանման առումով:
Tabadul-ը ռազմավարական դեր է խաղում տարածաշրջանային կապիտալի հոսքերը վերափոխելու մեր ձգտումներում։ Մենք ձգտում ենք ներգրավել ավելի շատ բորսաներ, ընդլայնել մեր ներդրողների բազան և ներդնել նոր ֆինանսական գործիքներ՝ որպես Tabadul-ում առկա պրոդուկտների տեսականին դիվերսիֆիկացնելու մեր մշտական ջանքերի մաս, միաժամանակ ապահովելով, որ դրանք բավարարեն ներդրողների փոփոխվող կարիքները։
Մենք նաև կատարելագործում ենք հարթակն օգտագործողի փորձառությունը՝ ապահովելով, որ այն մնա ինտուիտիվ թե՛ մանրածախ թե՛ ինստիտուցիոնալ ներդրողների համար։
Գործառնական օգուտներից զատ, Tabadul-ը նպաստում է Աբու Դաբիի տնտեսական դիվերսիֆիկացիայի և ֆինանսական նորարարությունների ավելի լայն տեսլականին։ Այն մեր շուկաները դիրքավորում է որպես փոխկապակցված, ներդրողների համար բարենպաստ և առաջադեմ գլոբալ շուկա։
Համագործակցության ինչպիսի՞ հնարավորություններ կան Tabadul հարթակի անդամ երկրների ֆոնդային բորսաների համար՝ մասնավորապես Եվրասիական տարածաշրջանում:
Tabadul-ը նոր հորիզոններ է բացում տարածաշրջանային բորսաների միջև համագործակցության համար, հատկապես Եվրասիական միջանցքում, որտեղ կապիտալի շուկաներն արագ զարգանում են։
Խոսքը միայն գործարքներ կատարելու մասին չէ, այլ նաև փոխշահավետ մոդելի մասին է։ Tabadul հարթակը շահավետ է բոլոր մասնակիցների համար. հայկական ընկերությունները ձեռք են բերում ավելի մեծ տեսանելիություն և ավելի ընդարձակ կապիտալին հասանելիություն, իսկ ADX-ում գրանցված ընկերությունները ներգրավում են նոր ներդրողներ։ Սա համատեղ աճի պատմություն է, որն ամրապնդում է տարածաշրջանային համագործակցության ներուժը։
Մենք տեսնում ենք Կենտրոնական Ասիայի և դրա սահմաններից դուրս գտնվող այլ բորսաների կողմից աճող հետաքրքրությունը և կարծում ենք, որ Tabadul-ը կշարունակի ծառայել որպես ներգրավվածության և նորարարության կատալիզատոր կապիտալի շուկաներում։
Ի՞նչ մեխանիզմներ են ներկայում գործում կամ նախատեսվում՝ եվրասիական տարբեր ֆոնդային բորսաներում ներդրողների գործարքները հեշտացնելու համար։
Tabadul-ը նախատեսված է երկրի սահմաններում առևտրի պարզությունը երկրի սահմաններից դուրս վերարտադրելու համար։ Ներդրողները ձեռք են բերում հասանելիություն այլ շուկաներում ցուցակված արժեթղթերին և ֆինանսական պրոդուկտներին՝ իրենց երկրում լիցենզավորված բրոքերների միջոցով։
Հարթակն ապահովում է իրական ժամանակում տվյալների փոխանակում, ներդաշնակեցված փոխադարձ հաշվարկներ և համատեղ KYC/AML արձանագրությունների համապատասխանություն, որոնք բոլորը ինտեգրված են՝ անվտանգ և արդյունավետ փորձառություն ապահովելու համար։ Վճարումները կատարվում են տեղական արժույթով, ընդ որում արժույթների փոխարկումը կատարվում է ավտոմատ՝ համակարգի ներսում, ինչը վերացնում է արտարժույթի փոխանակման ձեռքով իրականցվող գործարքների անհրաժեշտությունը։
Չի պահանջվում բացել նոր հաշիվներ, իսկ ներդրողներն ամբողջովին մնում են իրենց ներքին բրոքերային էկոհամակարգում: Այս մակարդակի փոխգործունակությունն արդեն իսկ ապահովել է ADX-ի և եվրասիական շուկաների միջև հասանելիությունը, որն ավելի ակնհայտ կդառնա ցանցի ընդլայնմանը զուգընթաց։
Ի՞նչ նոր ֆինանսական գործիքներ և ծառայություններ եք նախատեսում առաջիկայում ներդնել Tabadul հարթակում:
Tabadul-ի զարգացման մեր ճանապարհային քարտեզը ձևավորվում է ներդրողների փոփոխվող կարիքների և դիվերսիֆիկացված, ապագային պատրաստ շուկայի տեսլականի հիման վրա։
Մենք արդեն ներդրել ենք ETF-ներ և պարտքային գործիքներ հարթակում և ակտիվորեն համագործակցում ենք անդամ բորսաների հետ՝ առկա ներդրումային պրոդուկտների տեսականին ընդլայնելու համար, ապահովելով, որ դրանք բավարարեն տարածաշրջանում ինչպես ինստիտուցիոնալ, այնպես էլ մանրածախ ներդրողների փոփոխվող կարիքները։
Բացի այդ, անդրսահմանային IPO հասանելությունն արդեն իսկ ապահովված է, ինչը թույլ է տալիս ներդրողներին բաժանորդագրվել տարբեր շուկաների առաջարկներին մեկ ներքին կապուղու միջոցով։
Հարթակը նաև օգտվում է շուկա ստեղծողների հեռակա մասնակցությունից, ովքեր կարևոր դեր են խաղում փոխկապակցված շուկաներում իրացվելիության ապահովման գործում՝ նպաստելով ավելի ցածր սփրեդերի և ավելի սահուն առևտրային գործարքների ապահովմանը։
Ամփոփելով՝ Tabadul-ը դինամիկ հարթակ է, որը հիմնված է տարածաշրջանային բազմազանության վրա և նախատեսված է իր կողմից սպասարկվող բորսաների և ներդրողների նկրտումներին համապատասխանելու համար։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
