Արմինֆո. ՀՀ արտակարգ իրավիճակների նախարարության փրկարար ծառայության տնօրենի նախկին տեղակալ Նիկոլայ Գրիգորյանը ներկայացրել է գործողությունների ալգորիթմը՝ ԱՄՆ-ի և Իսրայելի կողմից Իրանի միջուկային օբյեկտներին հասցված հարվածների և ռադիոակտիվ նյութերի արտահոսքի դեպքում Հայաստանի բնակչության համար հնարավոր հետևանքների ֆոնին:
Նա իր ֆեյսբուքյան էջի հրապարակման մեջ հիշեցրել է, որ հունիսի քսաներկուսին ՄԱԳԱՏԷ-ն /Ատոմային էներգիայի միջազգային գործակալություն/ հայտնել է, որ ամերիկյան հարվածներից հետո Իրանի միջուկային օբյեկտներից դուրս ճառագայթման մակարդակի բարձրացման մասին տեղեկություններ չի ստացել, իսկ ՄԱԳԱՏԷ-ի Կառավարիչների խորհրդի արտահերթ նիստը հրավիրվել է հունիսի քսաներեքին։
«Եթե ես համակարգեի մեր պետության ճգնաժամային հաղորդակցության և հանրային իրազեկման համակարգը․
1. առաջին հերթին պետական կառավարման ու տեղական ինքնակառավարման մարմինների սեղաններին կդնեի- կհիշեցնեի դեռ 2005թվականին ընդունված Հայկական ատոմային էլեկտրակայանի միջուկային և ճառագայթային վթարների դեպքում բնակչության պաշտպանության ազգային պլանը https://www.arlis.am/ru/acts/93029, դեռ 2002 թ ընդունված Քաղաքացիական պաշտպանության մասին օրենքը https://www.arlis.am/hy/acts/51923 և 2022-ից ԱԺ-ում լռված փոփոխությունների նախագիծը՝ https://www.e-draft.am/projects/7155/justification, որով ոչ միայն հստակ սահմանվում էին տեղական ինքնակառավարման մարմինների իրավասությունը, այլև նախատեսվում էր ձևավորել՝ ճառագայթային, քիմիական, ու կենսաբանական իրավիճակի մշտական հսկողության համակարգ։
2. ՀՀ կառավարությանն առընթեր միջուկային անվտանգության կարգավորման պետական կոմիտեն, ՀՀ զինված ուժերի Ռադիացիոն, քիմիական և կենսաբանական պաշտպանության վարչության ստորաբաժանումն ու ՆԳՆ փրկարար ծառայության Ճառագայթային, քիմիական և կենսաբանական իրավիճակի մոնիտորինգի բաժինը․ ինչպես նաև Հիդրոմետը՝ Սյունիքի սահմանագծից սկսած մինչև Վրաստանի հետ սահման, մոնիտորինգ կիրականացնեին և այդ մասին/ որպես ոչ գաղտնիք ասեմ՝ շատ գեղեցիկ տեսապատկերներ են/ կիրազեկեի Մագատէ, միաժամանակ կառավարման մարմիններին և լայն բնակչությանը։ Ինչպես նաև հարևան բոլոր երկրներին՝ հաստատելով իրազեկ, սոլիդ և հուսալի գործընկեր պետության վարկը։
3. Կառավարման մարմինների նկատմամբ ինչ սեր ու վստահություն կառաջանար, եթե մամուլի ասուլիս հրավիրվեր և պետական կոմիտեի նախագահը զեկուցեր իր գրագրությունը ՄԱԳԱՏԷ-ի հետ՝ ինչ են ասել, ինքը ինչ մտահոգություն է հայտնել, ինչ պահանջներ է դրել։ ՆԳ նախարարը հայտներ, թե կանխարգելման ինչ միջոցառումներ են ձեռնարկվել, որ պլաններն են դրվել գործողության մեջ։ Առողջապահության և բնապահպանության նախարարները զեկուցեին իրենց կանխարգելիչ քայլերը։
4. Կառավարության անունից կդիմեի ՄԱԳԱՏԷ, ԵՎրամիություն, ՆԱՏՕ, ՀԱՊԿ, տարբեր երկրների հայտնելով մտահոգությունս , նույնիսկ խոր և կոնկրետ ցուցակով օգնության խնդրանքով, առաջին հերթին՝ Կալի յոդիտ։
5. Լրատվամիջոցների և բլոգերների հետ ընդհանուր արտակարգ ցանցով կտարածեի մամլո տեղեկագիրն ու կհայտնեի հաջորդ մամուլի ասուլիսի ժամն ու տեղը։ Իսկ, եթե հաստատվեր ճառագայթման վտանգը, ուղերձը ներքևում է։ Այսօրվա պատասխանատուները կարող են ավելի հուսալի պաստառ պատրաստել։ Նման իրավիճակներում բնակչության հետ բաց ու անկեղծ, սրտացավ և հոգատար հաղորդակցությունը ճգնաժամային արդյունավետ կառավարման անկյունաքարն է», - գրել է Գրիգորյանը՝ ներկայացնելով այդ պաստառների մոտավոր բովանդակությունը:
Նշենք, որ շաբաթ գիշերը ԱՄՆ-ը հարվածներ է հասցրել Իրանի միջուկային օբյեկտներին։
Քաղաքագետ. Թեհրանը ստեղծում է անվտանգության միջավայր, որտեղ Հորմուզի նեղուցում կայուն նավագնացությունը դժվար կլինի պատկերացնել առանց իր անմիջական մասնակցության
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
