Ջեյսմ Ուորլիք. ԵԱՀԿ Մինսկի խումբը ղարաբաղյան հակամարտության գոտում միջադեպերի քննության գործուն մեխանիզմներ չունի

Զորքերի շփման գծում միջադեպերի հետաքննության գործուն մեխանիզմների ստեղծման վերաբերյալ ԱՄՆ Ներկայացուցիչների պալատի արտաքին գործերի կոմիտեի անդամներ Էդ Ռոյսի և Էլիոթ Էնգելի առաջարկությունները նորություն չեն, դրանք արդեն շուրջ երեք տարի բանակցությունների սղանին են: Այդ մասին հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը, հոկտեմբերի 26-ին Երևանում կայացած մամուլի ասուլիսում մեկնաբանելով կոնգրեսականներ Էդ Ռոյսի և Էլիոթ Էնգելի նամակը, որում նրանք ԱՄՆ ղեկավարությունից պահանջում են ակտիվացնել ղարաբաղյան հակամարտության գոտում խաղաղության հաստատմանն ուղղված գործունեությունը և մշակել զորքերի շփման գծում միջադեպերի հետաքննության գործուն մեխանիզմներ:

Ուորլիքը նշել է, որ ծանոթ է նամակի բովանդակությանը, սակայն պաշտոնապես դեռ ոչինչ չի ստացել: «Մենք պաշտպանում ենք կոնգրեսականնրի հիմնարար առաջարկությունները, դրանք նորություն չեն, և ԵԱՀԿ Մինսկի խմբի համանախագահներն այդ ուղղությամբ աշխատում են: Միջադեպերի հետաքննության մեխանիզմների ստեղծման առաջարկությունը Բաքուն չի մերժել: Կարծում եմ, որ դրա ընդունումը թույլ կտար խուսափել կողմերի փոխադարձ մեղադրանքներից և հրադադարի ռեժիմի խախտման դեպքում նշել մեղավոր կողմը», - նշել է միջնորդը:

Միևնույն ժամանակ, անդրադառնալով այն դիտողությանը, որ Հայաստանի նախագահը բազմիցս հայտարարել է, թե Բաքում մերժում է միջադեպերի հետաքննության մեխանիզմների ստեղծման վերաբերյալ առաջարկությունը, Մինսկի միջնորդը նշել է, որ Ադրբեջանն առաջարկությունը չի ընդունել:

«Առաջարկությունն ստացվել է Հայաստանի և Ադրբեջանի ղեկավարների հանդիպմանը: Բաքուն այն չի ընդունել, սակայն Իլհամ Ալիևը հավաստիացրել է, որ իրենք բաց են առաջարկությունների համար: Տեսնենք, թե ինչի կհանգեցնեն բանակցությունները: Եթե կողմերը համաձայնեն այդ առաջարկություններին, մենք պատրաստ ենք աջակցություն ցույց տալ», - ընդգծել է Ուորլիքը:

Ն ա ընդսմին հավելել է, որ հակամարտության կարգավորմանն աջակցելու հիմնական մեխանիզմը հրադադարի ռեժիմի պահնպանումն է:

«Մենք չունենք միջադեպերի հետաքննության գործուն մեխանիզմներ: Կա տեղեկատվություն, որ զորքերի շփման գծում և Հայաստանի ու Ադրբեջանի սահմանին վերջին սրման արդյունքում զոհեր կան խաղաղ բնակչության շրջանում, սակայն մենք այդ փաստերը ճշտգելու գործուն մեխանիզմներ չունենք: Մենք պետք է ստեղծենք միջադեպերի հետաքննության մեխանիզմներ, և հարկավոր է, որպեսզի կողմերը հարգեն հրադադարի ռեժիմի պահպանման գծով ստանձնած պարտավորությունները», - նշել է նա:

Մինչդեռ, պատասխանելով այն հարցին, թե իրոք ԱՄՆ, որը հարուստ հետախուզական տվյալներ ունի, չգիտի, թե որ կողմն է խախտում հրադադարի ռեժիմը, Ուորլիքը նշել է, որ եթե միջնորդները նման բնույթի  տեղեկատվություն են ստանում հավաստի աղբյուրներից, ապա, անշուշտ, օգտագործում են այն: «Սակայն այստեղ հարցն այն չէ, թե ինչ ունի ԱՄՆ կամ Ռուսսատանը, կամ` մեկ այլ երկիր: Հարցն այն է, որպեսզի կողմերը հիշեն իրենց պարտավորությունները` այս կամ այն որոշումը կայացնելիս», - եզրափակել է ամերիկացի միջնորդը: