Արմինֆո. Թբիլիսիում Վրաստանի հայ համայնքը "Հեռու մնա Հայ Առաքելական Եկեղեցուց" կարգախոսով ակցիա է անցկացրել՝ ի աջակցություն ՀԱԵ և ի պաշտպանություն ազգային արժեքների: Այս մասին հաղորդում է Վրաստանի հայ համայնքի մամուլի ծառայությունը։
Ակցիայի ընթացքում "Վրաստանի հայ համայնք" հասարակական կազմակերպության նախագահ Արթուր Միրզոյանը հանդես է եկել Հայաստանի իշխանությունների վարած քաղաքականությունը դատապարտող հայտարարությամբ: Իր ելույթում նա ընդգծել է, որ այն ժամանակաշրջանում, երբ հայ ժողովուրդը բախվում է Արցախի բնակչության բռնի տեղահանման ծանր հետևանքներին, Բաքվում հայ ռազմագերիների և քաղաքական գործիչների նկատմամբ անօրինական դատավարությանը, ինչպես նաև տարածքային կորուստների և ազգային արժանապատվության ճգնաժամի, եկեղեցու դեմ հարձակումը հարված է հայության հիմքերին:
"Հայ Առաքելական Եկեղեցին դարեր շարունակ եղել է մեր պայքարի, վերածննդի ու գոյատևման հիմքը, մեր խղճի ու հոգու պահապանը։ Այսօր, երբ Սարդարապատում հոգևորականը հնչեցնում է եկեղեցու անփոփոխ դիրքորոշումը, իշխանությունը պատասխանում է արհամարհանքով և հայհոյանքներով։ Երբ Ամենայն հայոց կաթողիկոսը միջազգային հարթակներում բարձրացնում է Արցախի մշակութային ժառանգության հարցը, նրան դիմավորում են մեղադրանքներով և խեղաթյուրված ձևակերպումներով: Սա պատահականություն չէ, սալ մտածված քաղաքականություն է", - ասվում է հայտարարության մեջ։
Այդ առնչությամբ ընդգծվում է, որ Սա փորձ է՝ սասանելու ու կործանելու մեր ինքնությունը, դատարկելու ազգային պետականության բովանդակությունը, տկարացնելու հայ ժողովրդի հավաքական դիմադրությունը, դատարկելու ազգային պետականության բովանդակությունը։
«Մենք հայտարարում ենք. Հայ Առաքելական Եկեղեցին եղել է, կա և լինելու է մեր ինքնության ողնաշարը։ Մենք կանգնած ենք մեր Եկեղեցու, մեր հոգևոր հայրերի, և մեր ժողովրդի բարոյական հիմքերի կողքին։ Մենք չենք լռելու, երբ ոտնահարվում են սրբությունները։
Մենք մերժում ենք այդ ոճի իշխանությունը՝ որը հայհոյում է սեփական հոգևոր ժառանգությունը, որը շնորհավորում է Ադրբեջանին և Թուրքիային տոների առթիվ, իսկ դրան զուգահեռ՝ Ադրբեջանի կրոնապետը Էջմիածին մայր տաճարը հռչակում է ադրբեջանական։ Սա արդեն ազգային ինքնության պահպանման հարցն է։ Սա չի վերաբերում մեկ հոգևորականի կամ մի կուսակցության։ Սա վերաբերում է մեզ բոլորիս», - ասվում է հայտարարությունում։
Նշենք, որ արդեն մի քանի օր Նիկոլ Փաշինյանը չի դադարում թիրախավորել Հայ Առաքելական Եկեղեցին ։ Սկզբում կառավարության նիստում նա հայկական եկեղեցիները համեմատեց չուլանների հետ։ Այնուհետեւ հաջորդեցին նրա հայտարարությունները սոցիալական ցանցերում, որտեղ Հայաստանի վարչապետը հայհոյախառն բառապաշար էր օգտագործում ՀԱԵ բարձրաստիճան պաշտոնյաների հասցեին: Վարչապետը պահանջել է, որ կուսակրոնության ուխտը խախտած բոլոր հոգեւորականները կարգալույծ արվեն։ Նմանատիպ հարձակումներով հանդես է եկել նաև վարչապետի կինը՝ Աննա Հակոբյանը, ով պատրիարքին անվանել է "գլխավոր մաֆիոզ"։ Այդ հայտարարությունները խիստ արձագանք են գտել հոգևորականների շրջանում։ Սկանդալի ֆոնին Փաշինյանը կոչ է արել "գործուն քայլեր" ձեռնարկել, որոնք կհանգեցնեն Ամենայն հայոց կաթողիկոս Գարեգին Բ-ի փոփոխության, եւ հայտարարել է հատուկ համակարգող խումբ ստեղծելու մտադրության մասին՝ "Մայր Աթոռ Սուրբ Էջմիածնի Վեհարանի ազատագրման" եւ կաթողիկոսի նոր ընտրությունների անցկացման կազմակերպչական հարցերի կարգավորման համար: Փաշինյանը հստակեցրել է, որ համակարգող խմբի անդամ կարող են դառնալ ՀԱԵ հետևորդները. ընդ որում, համակարգող խմբի առաջին 10 անդամներին վարչապետը պատրաստվում է ինքն ընտրել։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
