Արմինֆո. Վարչապետ Նիկոլ Փաշինյանը վստահեցնում է, որ ինքը կաթողիկոսի թեկնածու չունի: Միաժամանակ, վարչապետը հերքում է այն թեզը, թե Հայաստանյայց Առաքելական Սուրբ Եկեղեցու դեմ հարձակումներով միացել է Կովկասի մահմեդականների հոգևոր առաջնորդ Ալլահշուքյուր Փաշազադեի սանձազերծած Սուրբ Էջմիածինը վարկաբեկելու և դիվայնացնելու արշավին։
«Հայաստանյայց Առաքելական Սուրբ Եկեղեցին կեղծավորների ու փարիսեցիների գերությունից ազատելու գործընթացում ոմանք փորձում են թուրքական կամ ադրբեջանական հետք տեսնել։ Հենց սա է փարիսեցիության ամենաուղիղ արտահայտությունը, երբ «ադրբեջանական» կամ «թուրքական» փաստարկ են օգտագործում որպես իրենց աղտեղությունը հայաստանյան հանրությունից քողարկելու միջոց։ Այս մեթոդը օգտագործողները այդ թվում արտաքին ուժերին հնարավորություն են տալիս ցանկացած առողջ դիսկուրս խափանել, ցանկացած բարեփոխում վիժեցնել եւ Հայաստանյայց Առաքելական Սուրբ Եկեղեցին պահել փակուղու մեջ, ինչպես այսօր է։
Հայաստանի եւ Հայաստանյայց Առաքելական Սուրբ Եկեղեցու արեւշատությունը չցանկացող ցանկացած ուժի համար նվեր են մեր եկեղեցու սրբությունները պղծած Կտրիճ Ներսիսյանը եւ նրա նման վեղարավորները։ Ոմանք հանդես են գալիս Կտրիճ Ներսիսյանի պաշտպանության դիրքերից։ Ի՞նչն եք պաշտպանում, ու՞մ եք պաշտպանում․ սու՛տը, կեղծի՛քը, պղծությու՛նը․ այսպիսով պաշտպանում եք ինքներդ ձեզ եւ դուք շանս չունեք։
Հայաստանյայց Առաքելական Սուրբ Եկեղեցին վերադարձվելու է Հիսուս Քրիստոսին եւ հայ ժողովրդին։ Կտրիճ Ներսիսյանը պետք է ազատի վեհարանը։
Հ․Գ․ Շատերն ուզում են հիմնավորել, թե ես նոր Կաթողիկոսի թեկնածու ունեմ։ Ցավոք, Կաթողիկոսի թեկնածու չունեմ։ Կաթողիկոսի նկարագիր ունեմ․ մարդ, ով հավատում է Աստծուն, մարդ ով Հիսուս Քրիստոսի հետեւորդ է եւ ոչ թե խարդախ–վաշխառու, մարդ, ով ծառայում է Եկեղեցուն, բարեպաշտ հոգեւորական է եւ ոչ թե վեղարի տակ թաքնված անառակ։ Եւ մենք ունենալու՛ ենք բարեպաշտ եւ աստվածավախ Կաթողիկոս», - գրել է Նիկոլ Փաշինյանը՝ «Ֆեյսբուքի» իր էջում։
Հիշեցնենք, որ Հայաստանյայց Առաքելական Սուրբ Եկեղեցու դեմ արշավի մեկնարկը տրվել էր մայիսի 29-ին կառավարության նիստում Փաշինյանի հայտարարությամբ, երբ նա Հայաստանի եկեղեցիները համեմատել էր չուլանների հետ։ Այնուհետև նա վիրավորական արտահայտություններ էր գրել Հայաստանյայց Առաքելական Սուրբ Եկեղեցու հոգևորականների հասցեին և բարձրացրել հայ հոգևորականների, մասնավորապես, Ամենայն հայոց կաթողիկոսի կուսակրոնության հարցը: Իսկ վարչապետի կինը հոգևորականներին անվանել է "երկրի գլխավոր մանկապիղծներ"։ Դրան նախորդել էր Բեռնում կայացած միջազգային խորհրդաժողովում Ամենայն հայոց Գարեգին Բ կաթողիկոսի հայտարարությունն այն մասին, որ Ադրբեջանը շարունակում է ոչնչացնել տարածաշրջանի հայկական քրիստոնեական և պատմամշակութային հուշարձանները, ինչպես նաև գերության մեջ է պահում Ղարաբաղի ղեկավարության ներկայացուցիչներին և այլ քաղաքացիների:
Եվ այդ պահից Փաշինյանն ամեն օր գրառումներ էր կատարում, պահանջելով պարզաբանել, թե արդյոք Գարեգին Բ-ն հավատարիմ է եղել կուսակրոնության ուծտին։ Պատասխան չստանալով՝ օրերս ինքն է հայտարարել, որ կաթողիկոսը զավակ ունի և պետք է ազատի Վեհարանը։ Իրադարձություններն արագացնելով՝ Փաշինյանը կոչ է արել գործուն քայլեր ձեռնարկել Գարեգին Բ Ամենայն հայոց կաթողիկոսին հեռացնելու համար և հայտարարել է այդ նպատակով հատուկ համակարգող խումբ ստեղծելու մտադրության մասին, որի առաջին 10 անդամներին կընտրի հենց վարչապետը: Այս ֆոնին որոշ քաղաքական գործիչներ հայտարարել են, որ Փաշինյանը մտադիր է Գարեգին Բ-ին փոխարինել ազգությամբ հայ Թուրքիայի քաղաքացով:
Հայաստանյայց Առաքելական Սուրբ Եկեղեցու դեմ Հայաստանի իշխանությունների հարձակումների ֆոնին չորեքշաբթի գիշերը հարյուրավոր մարդիկ ուղևորվել էին օդանավակայան՝ իրենց զորակցությունը հայտնելու Արաբական Միացյալ Էմիրություններ ուղևորությունից վերադարձող Վեհափառ հայրապետին: <Հավատում ենք, որ Աստծո շնորհով ձեզ հետ միասին կկարողանանք հաղթահարել այս դժվարությունը ՝ առանց ավելորդ հույզերի և ընդվզման: Հավատում ենք նաև, որ միասնական ջանքերով կհաղթահարենք մեր կյանքի բոլոր դժվարությունները>, - ասել էր Նորին սրբությունը:
Հատկանշական է, որ ՀԱԵ դեմ արշավը համընկել է Փաշազադեի այն հայտարարությունների հետ, թե Հայաստանյայց Առաքելական Եկեղեցին սպառնալիք է տարածաշրջանի երկրների համար, եւ՝ որ "արեւմտյան ադրբեջանցիները կվերադառնան իրենց նախնիների հողեր":
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
