«ՎՏԲ-Հայաստան Բանկն» առաջարկում է կուտակային հաշիվներ բացել մինչև 8% պրոգրեսիվ տարեկան տոկոսադրույքով

ՎՏԲ-Հայաստան Բանկն առաջարկում է բացել կուտակային հաշիվներ՝ մինչև 8% պրոգրեսիվ տարեկան տոկոսադրույքով: Ինչպես ԱրմԻնֆո-ին հաղորդեցին «ՎՏԲ-Հայաստան Բանկ» ՓԲԸ  գովազդի եւ հասարակայնության հետ կապերի բաժնից, կուտակային հաշիվը դա նոր տեսակի բանկային հաշիվ է, որը հաճախորդներին հնարավորություն է տալիս անընդմեջ կուտակել դրամական միջոցներ ցանկացած հեռանկարային/երկարաժամկետ նպատակների համար (արձակուրդ, խոշոր գնում, ուսման վարձավճար և այլն), միաժանամակ կուտակման ընթացքում ստանալով եկամուտ Բանկի կողմից վճարված տոկոսների տեսքով, և ցանկացած պահի օգտագործել կուտակված ֆինանսական միջոցները (ամբողջությամբ կամ մասնակի) առանց տոկոսագումարների կորստի:

Կուտակային հաշիվները ՎՏԲ-Հայաստան Բանկում բացվում են ՀՀ դրամով, անվճար: Առաջին կուտակումը հաճախորդը կատարում է հաշիվը բացելու պահին նվազագույնը 10 000 ՀՀ դրամի չափով: Այնուհետև, եթե ընթացիկ ամսվա ընթացքում յուրաքանչյուր օր հաճախորդը պահի առնվազն 10 000 ՀՀ դրամ կուտակային հաշվին, ապա հաշվի սպասարկման դիմաց սակագին չի գանձվի: Հակառակ դեպքում հաշվի սպասարկման դիմաց ամենամսյա վճարը կկազմի 390 ՀՀ դրամ: Բանկը հնարավորություն է ընձեռում հաճախորդներին օգտվել կուտակային հաշվի համար կիրառվող պրոգրեսիվ տարեկան տոկոսադրույքի արտոնությունից` կախված ընթացիկ ամսվա ընթացքում հաշվին առկա օրական միջին մնացորդից հետևյալ եղանակով`

միջին օրական մնացորդը մեկ ամսվա ընթացքում՝

•           փոքր է  10 000 ՀՀ դրամից՝ 0.01%;

•           ավելի է քան 10 001 ՀՀ դրամը և պակաս է 100 000 ՀՀ դրամից՝ 7%;

•           գերազանցում է  100 001 ՀՀ դրամը՝ 8%:

Հաշվի տոկոսները վճարվում և գումարվում են հաշվի մնացորդին յուրաքանչյուր ամիս:

Կուտակային հաշվի ձևակերպումն ՎՏԲ-Հայաստան Բանկում ունի հետևյալ առավելությունները՝

•           Ցանկացած պահի հաշվի համալրումներ և ելքագրումներ կատարելու հնարավորություն  (առավելություն է դեպոզիտների համեմատ);

•           Բարձր եկամտաբերություն (համեմատած բանկային հաշվի հետ);

•           Միջոցների կազմակերպված և պլանավորված կուտակման հնարավորություն երկարաժամկետ նպատակներով;

•           Հեռակա կուտակումների հնարավորություն՝ աշխտավարձի, դրամային փոխանցումների մուտքագրման շնորհիվ;

•           Կուտակային հաշիվ բացելու համար պահանջվում է նվազագույն քանակի փաստաթղթեր և ժամանակ:

Բացի դրանից, ՎՏԲ-Հայաստան Բանկում բացելով կուտակային հաշիվ, հաճախորդին տրամադրվում է Ինտերնետ-Բանկինգ անվճար ծառայությունը, որի միջոցով հնարավոր է իրականացնել հաշվի կուտակումները առանձ Բանկ այցելելու անհրաժեշտության: Կուտակային հաշիվը կարելի է համալրել նաև Երևանում և ՀՀ տարբեր մարզերում տեղակայված TelCell 1200 տերմինալների միջոցով:

Ավելի մանրամասն տեղեկություններ կուտակային հաշվի վերաբերյալ Դուք կարող եք ստանալ, այցելելով ՎՏԲ-Հայաստան Բանկի պաշտոնական կայք՝ http://vtb.am/retail/accounts/savings/index.php հղումով, Բանկի ցանկացած մասնաճյուղ կամ զանգահարելով ՎՏԲ-Հայաստան Բանկի Միասնական տեղեկատու 87-87 հեռախոսահամարով:

ԱրմԻնֆո ԼԳ պատրաստած «Հայաստանի բանկերի ֆինանսական վարկանիշի» տվյալներով, 2015 թվականի ապրիլի 1-ի դրությամբ «ՎՏԲ-Հայաստան Բանկը» առաջատար եռյակում է ցպահանջ պարտավորությունների գծով` 64.6 մլրդ դրամ (իրավաբանական անձանց միջոցների առյուծի բաժինը), իսկ ժամկետային ավանդների գծով ամրապնդվել է առաջատար հնգյակում` 109.2 մլրդ դրամ (որի 82%-ը ֆիզիկական անձանց միջոցներ են): 2015 թվականի առաջին կիսամյակում ցպահանջ պարտավորություններն ավելացրել է 26,2%-ով, իսկ ժամկետային ավանդները` 7,3%-ով, ընդ որում, միայն 2-րդ եռամսյակում, համապատասխանաբար` 13,7%-ով և 6,7%-ով: Կուտակային հաշիվը այլընտրանք է ժամկետային բանկային ավանդի նկատմամբ, և այն հրապուրիչ տոկոսադրույքով բացելու «ՎՏԲ-Հայաստան Բանկի» առաջարկը կօգնի ավելի արագ տեմպերով ավելացնել հաճախորդների հանդեպ պարտավորությունների պորտֆելը: Իսկ կուտակային հաշվի տիրոջը հնարավորություն է ընձեռում օգտվելու բանկային ավանդից գլխավոր տարբերույթունից` ստանալ ավելի շատ ազատություն, ցանկացած ժամանակ ցանկացած ծավալի դրամական միջոցներ օգտագործելու և, փաստորեն, զոհաբերելով ավելի բարձր  եկամտաբերությունը (ավանդների տոկոսադրույքների համեմատ) ավելի մեծ հնարավորություններ ունենալ միջոցների կառավարման գործում:

«ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ: