Կառավարության շենքի մոտ միանգամից երկու բողոքի ակցիա է ընթանում

Արմինֆո.  Կառավարության շենքի մոտ միաժամանակ երկու բողոքի ակցիա է ընթանում։ Դրանցից մեկը կազմակերպել են Պռոշյան գյուղի բնակիչները, ովքեր կրկին դեմ են հանդես գալիս տրանսպորտային սպասարկման փոփոխություններին։

Լրագրողների հետ զրույցում ցուցարարները հիշեցրել են, որ ավելի վաղ կազմակերպված ցույցերը հանգեցրել են թիվ 25 ավտոբուսի երթուղու պահպանմանը:

Մինչդեռ, տեղի բնակիչների ասելով, իրենք ենթադրում են, որ "Մուլտի Տրանս" տրանսպորտային ընկերությունը մտադիր է սահմանափակել թիվ 25 երթուղու աշխատանքը՝ ձգտելով մոնոպոլիզացնել գյուղում տրանսպորտային սպասարկումը: Բնակիչները պնդում են, որ ընկերությանը պատկանում է թիվ 277 ավտոբուսը, և նա ցանկանում է այն դարձնել գյուղի միակ փոխադրամիջոցը: Սակայն պռոշյանցիներն ընդգծել են, որ մեկ ավտոբուսը բավարար չէ իրենց կարիքները հոգալու համար, և իրենք կտրականապես դեմ են նման ծրագրերին:

 "Լուրեր կան, որ թիվ 25 ավտոբուսի վարորդներին սպառնում են։ Թիվ 277 համարի ավտոբուսի վարորդները նաև տեղացիներին զգուշացնում են, որ իրավիճակը կարող է փոխվել, և թիվ 25 երթուղին շուտով կդադարեցնի իր աշխատանքը: Բացի այդ, չլուծված է մնում կանգառի հասանելիության խնդիրը, որտեղ կանգ է առնում այդ ավտոբուսը, քանի որ որոշ բնակիչներ ստիպված են զգալի հեռավորություններ հաղթահարել", - նշել են գյուղի բնակիչները։

Միևնույն ժամանակ, պռոշյանցիները հայտարարել են, որ դեմ չեն թիվ 277 ավտոբուսի շահագործմանը, սակայն՝ պայմանով, որ թիվ 25 ավտոբուսի երթուղին պահպանվի:

Միաժամանակ, կառավարության շենքի մոտ տեղի է ունենում մեկ այլ բողոքի ակցիա՝ Հայ Առաքելական եկեղեցու (ՀԱԵ) հասցեն ՀՀ վարչապետ Նիկոլ Փաշինյանի հայտարարությունների դեմ: Ցուցարարները պնդում են, որ վարչապետի գործողությունները դուրս են թույլատրելի սահմաններից, և քաղաքացիները պատասխանատվություն են կրում այն բանի համար, որ նա իրեն թույլ է տալիս նման հայտարարություններ անել:

"Այսօր մեր երկիրը կառավարում է մի մարդ, որը չարիք է բոլոր օրենքներով, և հայերը չպետք է թույլ տան նրան և իր կուսակիցներին շարունակել կատարել իրենց հանցագործությունները", - նշել են ակցիայի մասնակիցները:

Ցուցարարները ուշադրություն հրավիրել այն հանգամանքին, որ այն հարցերը, որոնք Փաշինյանը բարձրացնում է օրակարգում, չեն համապատասխանում հասարակության արդիական խնդիրներին: "Հայաստանցիներն այսօր ունեն մեկ գլխավոր հարց. Նիկոլ Փաշինյանը պետք է հեռանա և քրեական պատասխանատվության ենթարկվի իր բոլոր արարքների համար", - հայտարարել են նրանք:

Միևնույն ժամանակ, բողոքի ակցիայի մասնակիցները համոզված են, որ եկեղեցու դեմ վարչապետի հարձակումները նոր չեն և միայն շարունակում են Թուրքիայի և Ադրբեջանի շահերը սպասարկող քաղաքականությունը:

Հիշեցնենք, որ ավելի վաղ Պռոշյան գյուղի բնակիչները բողոքում էին տրանսպորտի ուղեվարձի թանկացման դեմ ։ Նրանք հայտարարում էին, որ երթուղու սպասարկումը "Մուլտի Տրանսպորտ" ընկերությանը հանձնելուց հետո ուղեվարձը բարձրացել է մինչև 250 դրամ։

Նշենք, որ արդեն մի քանի օր վարչապետ Նիկոլ Փաշինյանը պահանջում է պարզաբանել, թե արդյոք Գարեգին Բ-ն խախտել է կուսակրոնության ուխտը, և արդյոք նա զավակ ունի: Վարչապետի հայտարարությունները հարուցել են քաղաքացիների և ընդդիմադիր գործիչների դժգոհությունը, որոնք հանդես են եկել ի պաշտպանություն ՀԱԵ: