Արմինֆո. Անխոս, Փաշինյանը կործանարար գործունեությամբ է զբաղվում ։ Այդ մասին ասվում է "Հայաքվե" քաղաքացիական նախաձեռնության հայտարարության մեջ՝ ՀԱԵ և նրա առաջնորդ Ամենայն հայոց Գարեգին Բ կաթողիկոսի դեմ իշխանությունների կողմից նոր հարձակումների առնչությամբ:
Ինչպես նշվում է նախաձեռնության Telegram ալիքում հրապարակված գրառման մեջ, Փաշինյանը հասկանում է, որ առաջիկայում ընտրություններ են, իսկ իր վարկանիշն ընկած է, այդ պատճառով էլ հարկավոր է կրկին դիրքավորվել որպես իբրև թե ժողովրդի ներկայացուցիչ, պայքարող կերպար։ «Դրա համար նրան նոր թիրախ է հարկավոր, և այժմ այդ թիրախը Հայաստանյայց Առաքելական Սուրբ Եկեղեցին է։ Փաշինյանի թիրախում հայտնված այլ անձանց մասին արդեն ամեն ինչ ասվել է, ոմանք հավատացել են, ոմանք՝ ոչ։ Հիմա նրան նոր հիմնահարց ու կոնֆլիկտի նոր օբյեկտ է պետք։ Հայաստանյայց Առաքելական եկեղեցուն է թիրախավորել, որպեսզի սուր կոնֆլիկտ ընթանա, նոր հարցեր առաջանան, դրանք սկսեն քննարկվել, և ՀՀ այն քաղաքացիներին, որոնք Հայաստանյայց Առաքելական եկեղեցու հետևորդներ չեն, կամ նրանց, ովքեր օբյեկտիվ կամ սուբյեկտիվ պատճառներով որոշ հոգևորականների գործունեությունից դժգոհ են կամ հիասթափված, կամ խորությամբ չեն ընկալում Հայ Առաքելական եկեղեցու դերն ու առաքելությունը, բերի իր դաշտ և ընտրության առաջ կանգնեցնի։ Անխոս, Փաշինյանը կործանարար գործունեությամբ է զբաղվում»,-նշվում է նախաձեռնության հայտարարությունում։
Արդեն մեկ շաբաթ Հայաստանի վարչապետ Նիկոլ Փաշինյանը հրապարակավ հարց է բարձրացնում, թե արդյոք Ամենայն հայոց կաթողիկոս Գարեգին Բ-ն հավատարիմ է կուսակրոնության ուխտին։ Այսօր ֆեյսբուքյան իր պաշտոնական էջում Փաշինյանը գրել է. <Իմ ընկալմամբ Ամենայն Հայոց Կաթողիկոսը անքննելի հեղինակություն է, արդարության անսասան պաշտպան, ճշմարտության անառարկելի աղբյուր։ Չեմ կարող հավատալ, որ Ամենայն Հայոց Կաթողիկոսը կարող է ճշմարտություն կոծկողի դերում լինել, չեմ կարող հավատալ, թե Ամենայն Հայոց Կաթողիկոսի բերանից կարող է հնչել այլ բան, քան ճշմարտությունը։ Գարեգին Բ–ն ինքն անձամբ թող պարզաբանի․ արդյո՞ք խախտել է կուսակրոնության ուխտը եւ արդյո՞ք զավակ ունի։ Մենք՝ իր հոտը, իրավունք ունենք իրենից լսելու ճշմարտությունը>:
Հոգևորականների կուսակրոնության առնչվող "էպոպեան" սկսվել էր մայիսի 29-ին կառավարության նիստում Փաշինյանի այն հայտարարությունից հետո, թե հայկական բոլոր եկեղեցիները «չուլանացված են» և պահանջում են համապատասխան չափորոշիչների ներդրում, քանի որ "այդ օբյեկտների, հուշարձանների իրական սեփականատերը պետությունն է"։ Մայր աթոռից նրան պատասխանել էին՝ մատնանշելով նրա մոտ ներկայում "նորաձեւ" կրթության բացակայությունը (Փաշինյանն ու իր տիկինը քարոզարշավ են իրականացնում ՝ "կրթությունը նորաձեւ է" խորագրով - խմբ.), ինչպես նաև "հանրային ճիշտ հաղորդակցության և հարցերի խորը ըմբռնման ներքին ճգնաժամը"։
Հաջորդ օրը վաղ առավոտյան վարչապետը ֆեյսբուքյան իր պաշտոնական էջում հայհոյախառն վիրավորանք էր հրապարակել ՀԱԵ բարձրաստիճան հոգևորականների հասցեին: Որոշ ժամանակ անց նա ևս մեկ գրառում էր կատարել. <Պետք է մտածել, թե մեր եպիսկոպոսներից քանիսն են հավատարիմ կուսակրոնության ուխտին>: Օրվա վերջում Փաշինյանը հայտարարել էր, թե Հայաստանի Հանրապետության իշխանությունները պետք է "վճռական ձայն" ունենան Ամենայն հայոց վեհափառ հայրապետի և կաթողիկոսի ընտրության հարցում, իսկ կաթողիկոսի թեկնածուները պետք է անցնեն կենսագրական տվյալների ստուգում:
Եվ արդեն որերորդ օրն է՝ Փաշինյանը պահանջում է պարզաբանել, թե արդյոք Գարեգին Բ-ն խախտել է կուսակրոնության ուխտը, և արդյոք նա զավակ ունի: "Այս հարցը պետք է հրատապ կարգով հստակեցվի", - կարծում է կառավարության ղեկավարը, որը, կարծես թե, պետք է մտահոգված լիներ Սյունիքի ուղղությամբ ադրբեջանական զինուժի կրակոցներով, խաղաղության պայմանագրի շուրջ անորոշությամբ և Բաքվի նորանոր պահանջներով:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
