Հայերն ու ադրբեջանցիներն ապրելու են կողք կողքի։ Համակերպվեք դրա հետ․կոչ է արել Ալեն Սիմոնյանը

Արմինֆո. ՀՀ Ազգային ժողովի նախագահ Ալեն Սիմոնյանը զարմացած է իր այն հայտարարություններին արձագանքից, թե՝ "երբ խաղաղության պայմանագիր կնքվի, հայերը կկարողանան ապրել Բաքվում, մյուսները կարող են վերադառնալ այն գյուղեր, որտեղ ժամանակին ապրել են Հայաստանի տարածքում։ Այն տրամաբանությամբ, որով հիմա ապրում են հայերը Վրաստանում>։

<Ինձ համար իսկապես անհասկանալի է, թե ինչու են իմ վերջին երկու հայտարարությունները այդքան նյարդայնացնում որոշ մարդկանց: Ես հասկանում եմ, թե ինչու են ադրբեջանցիներն այդքան ծանր ընդունել իմ խոսքերն այն մասին, որ հայերը պետք է մի օր վերադառնան և ապրեն Բաքվում։ Բայց, օրինակ, Ղարաբաղից փախած որոշ նախկին պաշտոնյաներ, զիբիլի վրայի կատուներ, և Քոչարյան-Սերժի կենդանաբանական այգու մնացած կենդանիների աղմուկը իսկապես տարօրինակ է: Ինչու՞ Ղարաբաղի հայերը կարող են ցանկանալ մի օր վերադառնալ իրենց տները, իսկ Բաքվի կամ Սումգայիթի ջարդերի հետևանքով իրենց տները կորցրած հայերը դրա իրավունքը չունեն> ,- սոցիալական ցանցերի իր էջում գրել է Սիմոնյանը։

<Իսկ ինչ վերաբերում է առեւտրին, ապա դա է ՛ լ ավելի զարմանալի է։ Այլ կերպ ասած՝ արդյո՞ք մենք չպետք է առեւտուր անենք ոչ Թուրքիայի, ոչ էլ Ադրբեջանի հետ՝ խաղաղության  կնքումից հետո: Արդյո՞ք կարող ենք մեր կողմից փակել սահմանները: Կամ հազարավոր հայեր աառեւտուր են արել Վրաստանում, Ռուսաստանում եւ այլ երկրներում, եւ դա անում են այսօր: Շատ մարդիկ Ղարաբաղից կոնյակի կամ բենզինի առեւտուր էին անում վերջին իրադարձությունների ժամանակ, ձեզ անուննե՞ր տամ, որպեսզի դուք կարողանաք նստելձեր տեղերում: Թե՞ դուք կարծում եք, որ մենք պետք է մեզ շրջափակման մեջ դնենք, որպեսզի ո՛չ տրանսպորտ, ո ՛ չ բեռը, ո ՛ չ գազ, ո ՛ չ էլեկտրականություն չկարողանա անցնել Հայաստանի տարածքով: Եկեք մնանք հպարտ ապուշների այսպիսի ամբոխի հետ, մինչեւ Հայաստանում չմնա ոչ մի մարդ կամ տնտեսություն։

Դուք կամ շատ տգետ եք, կամ այնքան կուրացած եք ձեր ոչ կոմպետենտությունից, կամ պարզապես թշնամի երկրի գործակալներ եք: Իմ կարծիքով, բոլորը միասին: Լավ նորությունն այն է, որ դուք այլևս ոչինչ չեք որոշում մեր երկրում և չեք որոշելու: Եվ Հայաստանն ու Ադրբեջանը կապրեն խաղաղության մեջ, միմյանց հետ առևտուր կանեն, ադրբեջանական ապրանքները կհայտնվեն մեր շուկաներում, իսկ հայկականները ՝ իրենց շուկաներում, ինչպես նախկինում էր։ Հայերն ու ադրբեջանցիներն ապրելու են կողք կողքի։ Հաշտվեք դրա հետ ։ Պատերազմ չկա, խաղաղություն կլինի", - եզրափակել է ԱԺ նախագահը։

Հիշեցնենք, որ մայիսի 27-ին լրագրողների հետ զրույցում Սիմոնյանը հայտարարել էր, որ խաղաղության համաձայնագրի ստորագրումից 5 րոպե էլ չի անցնի, երբ կսկսվի հայերի և ադրբեջանցիների միջև առևտուրը, կսկսեն շփվել բոլոր միջոցներով: Ինքը ՝ Սիմոնյանը, օրինակ, պատրաստ է Բաքվից գազ գնել ։ Բացի այդ, ՀՀ ԱԺ նախագահը փորձել է բացատրել, այսպես կոչված, արևմտյան Ադրբեջանի մասին ադրբեջանական նարատիվը, հայտարարելով, թե դրանով Իլհամ Ալիևը հայելային է պատասխանում Հայաստանից հնչող խոսքերին։