Նախկին նախագահ. ՀՀԿ-ն չի հավակնում իշխանություն, եւ այդ պատճառով ՀՀ վարչապետի իր թեկնածուին չի առաջադրում

Արմինֆո. Հայաստանի հանրապետական կուսակցությունը չի հավակնում  իշխանության։ Այդ մասին մայիսի 21-ին լրագրողներին հայտարարել է ՀՀԿ նախագահ, ՀՀ երրորդ նախագահ Սերժ Սարգսյանը՝ պատասխանելով ՀՀ վարչապետին Նիկոլ Փաշինյանին անվստահություն հայտնելու նախաձեռնության նկատմամբ ՀՀԿ-ի դիրքորոշման վերաբերյալ հարցին:

Նախկին նախագահի ասելով՝ երկրի սահմանադրության մեջ հստակ գրված է, թե ինչպես և ինչ հանգամանքներում կարելի է անվստահություն հայտնել ՀՀ գործող վարչապետին: Այդ իսկ պատճառով Սարգսյանը լրագրողներին առաջարկել է դիմել այդ գործընթացի նախաձեռնողներին, հատկապես՝ որոշման նախագիծը ներկայացնելու և այն ՀՀ Ազգային Ժողովի օրակարգում ընդգրկելու համատեքստում:

 Սարգսյանը կրկին ընդգծել է, որ ՀՀԿ-ն երբեք չի հայտարարել, որ հրաժարվում է մասնակցել այդ հարցին, և, առավել ևս, տարօրինակ են թվում ոմանց պնդումները, թե կուսակցության դիրքորոշումը լուրջ չէ: "Ստացվում է, որ 2021թ. արտահերթ խորհրդարանական ընտրություններին մասնակցելը լուրջ գործ է, իսկ իմպիչմենթ հայտարարելը՝ անլու՞րջ։ Մենք արդեն 7 տարի ասում ենք, որ չենք ձգտում իշխանության, և, որ դրանով մենք ինքներս մեզ դիվիդենտնե՞ր ենք ավելացնում։ Ոչ, իհարկե: Չէ որ բոլորի համար ակնհայտ է, որ ընտրությունների ժամանակ մարդիկ գնում են նրանց հետևից, որոնցից կարող են օգուտ քաղել։ Այս համատեքստում, եթե վարչապետի թեկնածու առաջադրենք մենք, ապա ինքներս հակասության մեջ կմտնենք մեր կողմից ավելի վաղ հնչեցրած դիրքորոշման հետ", - նշել է երրորդ նախագահը, հավելելով, որ ՀՀԿ-ը ձգտում է գնալ նվազագույն դիմադրության ճանապարհով, որպեսզի հնարավորինս սեղմ ժամկետներում երկրում իշխանափոխություն իրականացնի։ Պատասխանելով 2018 թվականից ի վեր նախկին իշխանության դեմ բոլոր կողմերից մշտաապես թիրախավորված հարձակումների պատճառների մասին հարցին ՝ նախկին նախագահը նշել է, որ այդ երևույթը 2018 թվականից չի սկսվել: "Եթե դուք ուշադիր ծանոթացել եք ՀՀ երկրորդ նախագահ Ռոբերտ Քոչարյանի հայտարարություններին՝ նրա վերջին  ասուլիսում, ապա պետք է ուշադրություն դարձնեիք նրա այն պնդմանը, որ ամեն ինչ սկսվել է 2008 թվին", - ընդգծել է նախկին նախագահը: