Զինվորական ծառայության զորակոչելիս չի կարելի Հայաստանի քաղաքացիներին բաժանել հարուստների և աղքատների. պատգամավոր

Արմինֆո.Պարտադիր զինվորական ծառայության զորակոչելիս չի կարելի Հայաստանի քաղաքացիներին բաժանել հարուստների և աղքատների։ Այդ մասին մայիսի 20-ին լրագրողներին հայտարարել է ԱԺ "Հայաստան" խմբակցության պատգամավոր Գեղամ Մանուկյանը ՝ մեկնաբանելով ԱԺ կառավարող "Քաղաքացիական պայմանագիր" խմբակցության պատգամավոր Հայկ Սարգսյանի ներկայացրած օրենսդրական նախաձեռնությունների փաթեթը։

Նշենք, որ հաշվի առնելով սույն փաթեթի վերաբերյալ ՀՀ կառավարության եզրակացության բացակայությունը, դրա քննարկումը ԱԺ անվտանգության և պաշտպանության հարցերի հանձնաժողովում հետաձգվել է մինչև 2 շաբաթ ժամկետով: Նախաձեռնության համաձայն, զորակոչիկները կարող են ընտրել երեք տարբերակներից մեկը. մեկ ամիս ծառայություն անցնել՝ վճարելով 20 մլն դրամ, վեց ամիս՝  վճարելով 15 մլն դրամ, կամ ծառայել լրիվ ժամկետ՝ 24 ամիս, ընդ որում, այլ կատեգորիաների մուծած միջոցների հաշվին ստանալով ավելացված նպաստ։ Նախագծով նախատեսվում է նաև ժամկետային ծառայության տարիքային շեմի բարձրացում՝ 27-ից մինչև 37 տարեկան: Դրույթներից ևս մեկը նախատեսում է 15 մլն դրամ տուրք մինչև 18 տարեկան քաղաքացիությունը փոխած տղամարդկանց համար: Դա թույլ կտա ծառայությունից խուսափած 27 տարին լրացած քաղաքացիներին խուսափել քրեական պատասխանատվությունից:

Այս առումով, ինչպես նշել է Մանուկյանը, փաստորեն, իշխանությունները ցանկանում են Հայկ Սարգսյանի նախաձեռնությունը կառավարության որոշմամբ դնել Ազգային ժողովի քննարկմանը: Պատգամավորն ընդգծել է, որ պետք է ամեն ինչ անել, որ դա տեղի չունենա։ "Դա խայտառակություն է։ ՀՀ քաղաքացիները բաժանվում են երկու կատեգորիայի. նրանք, ովքեր փող ունեն, և նրանք, ովքեր չունեն: Այդ օրինագծով ստացվում է, որ 20 միլիոն ունեցողներն իրենց պարտականությունը պետք է կատարեն 1 ամսվա ընթացքում, իսկ մնացած քաղաքացիները ՝ 24 ամսվա ընթացքում: Աղաղակող անարդարություն կհաստատվի, նրանք բանակը դարձնում են զինված ուժ աղքատների համար", - նշել է պատգամավորը, հիշեցնելով, որ ՀՀ  սահմանադրությամբ Հայաստանում բոլորը հավասար են իրենց իրավունքներով։ Մանուկյանը մտավախություն է հայտնել, որ օրինագծի ընդունումից հետո Հայաստանի քաղաքացիները կսկսեն վաճառել իրենց ունեցվածքը, որպեսզի իրենց որդիներին ազատեն երկրի զինված ուժերում ծառայությունից: