Անձրևոտ եղանակը տեղի է տալիս

 Հոկտեմբերի 15-ի գիշերը Հայաստանի շրջանների զգալի մասում ժամանակ առ ժամանակ սպասվում է կարճատև անձրև և ամպրոպ, առանձին վայրերում հնարավոր է կարկուտ, 17-ին արևելյան շրջաններում սպասվում է անձրև: Ինչպես հաղորդում է ՏԿԱԻՆ պաշտոնական կայքը, քամին կլինի հարավ-արևմտյան` 2-5 մ/վրկ, ամպրոպի ժամանակ հնարավոր է քամու ուժգնացում` 15-20 մ/վրկ: 15-ի ցերեկը, 16-ին, 18-19-ին սպասվում է առավելապես առանց տեղումների եղանակ: Օդի ջերմաստիճանը 16-18-ի գիշերը աստիճանաբար կնվազի 4-6 աստիճանով, 17-ի ցերեկը արևելյան շրջաններում` 4-5 աստիճանով, 18-ի ցերեկը, 19-ին աստիճանաբար կբարձրանա 2-3, արևելյան շրջաններում` 4-5 աստիճանով:

Երևանում հոկտեմբերի 15-ի գիշերը ժամանակ առ ժամանակ սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում` 16-18 մ/վրկ: 15-ի ցերեկը, 16-19-ին սպասվում է առանց տեղումների եղանակ: Հոկտեմբերի 15-17-ի ցերեկը սպասվում է մինչև +22 աստիճան, հոկտեմբերի 18-ին` մինչև +24, հոկտեմբերի 19-ին`մինչև +25 աստիճան: