Արմինֆո. SaveTheArq շարժումը (Երուսաղեմի հայկական թաղամասի պաշտպանության և պահպանման շարժում) իր խորը ցնցումն ու վճռական դատապարտումն է հայտնում նախօրեին իսրայելական Kan 11 հանրային հեռուստաալիքով "Եվրատեսիլ" մրցույթի մեկնաբանի արած խայտառակ դիտողություններից հետո:
"Եվրատեսիլի" հայաստանյան մասնակից Պարգի ելույթից հետո մրցույթի իսրայելցի մեկնաբանը, մասնավորապես, հայտարարել է. "Ես չեմ կարող հավատալ, որ մենք այդ տղաներին մի ամբողջ թաղամաս ենք տվել Երուսաղեմում":
"Սա տագնապալի, անհիմն, ռասիստական և վիրավորական հայտարարություն է՝ ուղղված հինավուրց համայնքի դեմ, որը Երուսաղեմի պատմական, կրոնական և մշակութային հյուսվածքի անբաժանելի մասն է:
Նախ, մենք ուզում ենք պարզաբանել, որ Երուսաղեմի հայկական թաղամասը ոչ մեկին չի տրվել։ Այն կառուցվել, պահպանվել և մշակվել է դարերի ընթացքում հայ ժողովրդի կողմից, որը մշտական ներկայություն է պահպանել Սուրբ հողում և, մասնավորապես, Երուսաղեմում՝ ավելի քան 1600 տարի:
Այդ ներկայությունը ճանաչված է ողջ աշխարհում և եզակի ներդրում ունի քաղաքի հոգևոր, մշակութային և պատմական կյանքում: Հին քաղաքի չորս թաղամասերից մեկը՝ Հայկական թաղամասը, ծառայում է որպես համայնքների և կրոնների միջև համակեցության, բացության և համագործակցության խորհրդանիշ: Նրա հայ բնակիչները մարմնավորում են հանդուրժողականության, ուրիշների հանդեպ հարգանքի և Երուսաղեմի պատմական ժառանգության հանդեպ հարգանքի արժեքները նրա բազմաթիվ դարաշրջանների և բազմազան բնակչության շրջանում: Հետևաբար, նման հայտարարությունները ոչ միայն սխալ են, այլև վիրավորական և վտանգավոր են, և դրանք վնասում են Երուսաղեմում համատեղ կյանքի նուրբ նյութին", - ասվում է SavetheArQ - ի հայտարարության մեջ:
Երուսաղեմի SavetheArQ շարժումը պահանջում է, որպեսզի Իսրայելի հանրային հեռարձակող կորպորացիան հրապարակայնորեն մերժի արված հայտարարությունը և պաշտոնապես ներողություն խնդրի Երուսաղեմի հայ համայնքից և բոլոր նրանցից, ում համար թանկ են հանդուրժողականության, պատմական ամբողջականության և միջհամայնքային հարգանքի արժեքները:
"Մենք թույլ չենք տա հեռարձակողներին, կամ որեւէ այլ կողմի, խարխլել պատմական ճշմարտությունը կամ նսեմացնել մի ամբողջ համայնքի եւ ազգի արժանապատվությունը", - վճռականորեն հայտարարել է SavetheArQ - ը:
Հիշեցնենք, որ 2023 թվականի նոյեմբերի 1-ին ՀԱԵ Երուսաղեմի պատրիարքարանը հայտարարել էր 2021 թվականի հուլիսի 8-ի համաձայնագրի չեղարկման մասին, որի համաձայն, Հայկական թաղամասի "Կովերու պարտեզ" հատվածը երկարաժամկետ վարձակալության էր տրվում հյուրանոցի կառուցման համար։
Հայտնի Սիոն լեռան վրա գտնվող հատվածը 14-րդ դարից պատկանում է Հայկական եկեղեցուն և կազմում է թաղամասի տարածքի 25% - ը: Համայնքի ներկայացուցիչները կարծում են, որ դրա նկատմամբ վերահսկողության կորուստը խոցելի կդարձնի հայկական թաղամասը և կհանգեցնի այստեղ հայկական ներկայության աստիճանական կորստի:
Հայտարարությունից անմիջապես հետո սկսվել է կոշտ ճնշում հայ համայնքի վրա։ Կառուցապատող ընկերությունը, որին ակտիվորեն աջակցում է տեղի ոստիկանությունը, սկսել է ապօրինի քանդել պատերը ՝ փորձելով ուժով դուրս մղել հայերին։ Ի պատասխան՝ ստեղծվել է Երուսաղեմի հայկական թաղամասի պաշտպանության և պահպանման շարժում։
Դրանից հետո հարձակումներ են սկսվել նաև հայ համայնքի վրա։ 2023 թվականի դեկտեմբերի 28-ին շուրջ 30 զինված անձինք հարձակվել էին տեղամասի վրա, մարմնական վնասվածքներ հասցնելով այնտեղ հերթապահող մի քանի հայ ակտիվիստների, այդ թվում ՝ քահանային և ճեմարանի ուսանողներին։ 2024 թվականի ապրիլի 3-ին իսրայելցիները ոստիկանության աջակցությամբ ներխուժել էին Երուսաղեմի "Կովերու պարտեզի" տարածք և հեռացրել այնտեղ տեղադրված արգելապատնեշները։
Այդ իրադարձությունների կապակցությամբ Լեմկինի անվան ցեղասպանության կանխարգելման ինստիտուտը խորը մտահոգություն էրհայտնել։ Կազմակերպությունը խստորեն դատապարտել էր միջադեպը։ "Հարավային Կովկասի տարածաշրջանում Հայաստանի նկատմամբ Ադրբեջանի կողմից չդադարող սադրանքների ֆոնին այս ներխուժումը Հայաստանի անկախությունն ու ինքնիշխանությունը վիճարկելու նոր փորձ է: Խորը մտահոգություն է առաջացնում մի շարք երկրներում ՝ Ադրբեջանից մինչև Իսրայել, նկատվող հայատյացության մակարդակը։ Այս պայմաններում հայ բնակչությունն ապրում է մշտական սպառնալիքի զգացումով", - նշել էին հայտարարության հեղինակները։ Ինստիտուտը կոչ էր արել պաշտպանել Երուսաղեմի հայկական հողերն ու քրիստոնեական սրբավայրերը:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
