Հակակոռուպցիոն կոմիտեի ղեկավարը կոռուպցիոն ռիսկեր չի տեսնում  ԱԺ կառավարող խմբակցության ղեկավարի կնոջ կարիերայի թռիչքում

Արմինֆո.  "Արդյո՞ք Դուք կոռուպցիոն ռիսկեր չեք տեսնում կառավարող "Քաղաքացիական պայմանագիր" կուսակցության խորհրդարանական խմբակցության ղեկավար Հայկ Կոնջորյանի կնոջ կարիերայի թռիչքում", - մայիսի 13-ին խորհրդարանում հարցրել է պատգամավոր Թագուհի Թովմասյանը՝ դիմելով Հակակոռուպցիոն կոմիտեի նախագահ Արթուր Նահապետյանին:

Նա նշել է, որ Հայկ Կոնջորյանի կնոջ՝ Շուշան Ալեքսանյանի տարեկան աշխատավարձը 2021 թվականին, երբ Կոնջորյանն ընտրվեց խմբակցության ղեկավար, ըստ ներկայացված հայտարարագրի, կազմել է 6,8 մլն դրամ, 2022 թվականին՝ 9,5 մլն դրամ, 2023 թվականին՝ 10,5 մլն դրամ, իսկ անցյալ տարի նա նշանակվել է "Հայփոստի" տնօրեն: <Որքանո՞վ է իրատեսական կարիերայի նման աճ արձանագրելը, եթե չլիներ Հայկ Կոնջորյանի գործոնը> ,- հարց է տվեց Թովմասյանը։

Արթուր Նահապետյանը չի պատասխանել, իր ասելով,  "քաղաքական բնույթի հարցին"։ Այդուհանդերձ, նա ասել է, որ վերը նշված փաստերի շրջանակում որևէ կոռուպցիոն տվյալ չի տեսնում։