Հայաստանի ՓՄՁ ներկայացուցիչները կրկին բողոքի ակցիայի են դուրս եկել

Արմինֆո.Ապրիլի 25-ին ՀՀ կառավարության շենքի դիմաց կրկին հավաքվել են փոքր եւ միջին ձեռնարկատիրության ներկայացուցիչները, որոնք բողոքում են հարկային վճարների բարձրացման դեմ: Ակցիայի մասնակիցները դժգոհում են նախկինում կիրառված շրջանառության հարկի 5%-ի փոխարեն 10% դրույքաչափի կիրառումից:

Ինչպես նշել է ակցիայի մասնակիցներից մեկը, երկրի կառավարությունը հերթական անգամ խաբել է քաղաքացիներին։ Տարեսկզբին ՀՀ վարչապետ Նիկոլ Փաշինյանը հայտարարում էր, որ, օրինակ, ատամնաբուժական ծառայությունների մասով դրույքաչափը կբարձրանա 10 տոկոսով, սակայն մյուս ոլորտների համար այն կարող է իջնել ընդհուպ մինչև 1 տոկոս: Սակայն հետագայում առաջին երեք ամիսների արդյունքներով եռամսյակային հաշվետվություն ներկայացնելիս պարզվեց, որ նման բան չկա և չի կարող լինել։ Ակցիայի մասնակիցները նշել են, որ հարկի դրույքաչափերի կրկնակի բարձրացումը կարող է շատ ցավոտ հարվածել ՓՄՁ-ներին և հանգեցնել բազմաթիվ ձեռնարկությունների փակման: Նրանք, օրինակ, մատնանշել են այն հանգամանքը, որ 10% դրույքաչափը հաշվարկելիս ոչ ոք հաշվի չի առնում արտադրված արտադրանքի ինքնարժեքը, իսկ այդ գործոնը հաշվի առնելով, ծախսերը կարող են կազմել մինչև 25% ։ "Գործը մի հասցրեք այնտեղ, որ մենք դուրս գանք հեղափոխության, սա իսկական պետական ռեկետ է, մենք ի վիճակի չենք մեզաանից զատ աշխատավարձով ապահովել նաև հաշվապահի", - նշել է ցուցարարներից մեկը:

Բողոքի ակցիայի մեկ այլ մասնակից նշել է, որ ՓՄՁ-ը կրճատում է երկրում գործազրկության մակարդակը: Նա ասել է, որ արդեն չգիտի, թե ինչ է լինելու իրենց հետ՝ պահանջելով հանդիպում ՀՀ վարչապետ Նիկոլ Փաշինյանի հետ: