Արմինֆո. Ցանկացած համաշխարհային օրակարգ, այդ թվում ՝ Հայաստանի և Ադրբեջանի միջև, պահանջում է ատելության խոսքի և խտրականության բացառում։ Այդ մասին ապրիլի 22-ին հայտարարել է Մարդու իրավունքների եվրոպական դատարանում հայ ռազմագերիների շահերի ներկայացուցիչ Սիրանուշ Սահակյանը՝ "Ատելության հրահրումն Ադրբեջանում. զեկույցի հիմնական եզրակացությունները" պանելային քննարկման ժամանակ։
Իրավապաշտպանն ընդգծել է, որ չնայած ատելության և խտրականության դրսևորումներին արձագանքելու համար նախատեսված միջազգային մեխանիզմների առկայությանը, ժամանակակից տեխնոլոգիաների զարգացման հետ մեկտեղ այն դառնում է ավելի ու ավելի բարդ խնդիր: "Ադրբեջանում հայերին համեմատում են կենդանիների կամ ստորադաս արարածների հետ։ Մեղմ ասած՝ Ադրբեջանում կարող են ասել. "Հայերը շներ են, և, ուրեմն, նրանց հետ կարելի է վարվել այնպես, ինչպես շների հետ", - նշել է Սահակյանը:
Այդ առումով իրավապաշտպանը հիշեցրել է, որ Հայաստանը հայց է ներկայացրել Միջազգային դատարան, այդ թվում ՝ ատելության հրահրման հարցով։ Սահակյանն այս առնչությամբ ուշադրություն է հրավիրել այն ռիսկերի վրա, որոնք կարող են առաջանալ, եթե Հայաստանը, տեղի տալով ադրբեջանական իշխանությունների հերթական պահանջներին, փոխադարձության հիման վրա միջազգային դատական ատյաններից հետ վերցնի Ադրբեջանի դեմ հայցերը:
"Կարևոր է նշել, որ Միջազգային դատարանն իր որոշման մեջ Ադրբեջանի նկատմամբ կոնկրետ պահանջում է կանխել պետական մակարդակով խտրականության և ատելության խոսքի տարածումը, մինչդեռ, Հայաստանի դեպքում դա վերաբերում է առանձին անհատների", - հավելել է իրավապաշտպանը:
Այնուհետև փորձագետն ուշադրություն է հրավիրել այն հանգամանքի վրա, որ Ադրբեջանում փախստականների հարցերով զբաղվող կազմակերպությունները քաղաքական գործիքներ են դարձել պետության ձեռքում: "Նախկինում նրանք զբաղվում էին հումանիտար հարցերով, հետո հայտարարում էին ադրբեջանցիների՝ Արցախ վերադառնալու մասին, իսկ հիմա սկսել են խոսել "Հայաստան վերադառնալու" մտադրության մասին", - նշել Է Սահակյանը:
Որպես ատելության հրահրման մեկ այլ օրինակ՝ Սահակյանը նշել է Արցախի պատմամշակութային ժառանգության համակարգված ոչնչացումը։ "Այս ամենը տեղի է ունենում ոչ թե մասնավոր կազմակերպությունների մակարդակով, այլ նախաձեռնվում և համակարգվում է պետության կողմից։ Հռետորաբանություն է տարածվում այն մասին, որ այդ գույքը պատկանում է "կեղտոտ հայերին", եւ այն պետք է ոչնչացվի, ինչն ատելության լրացուցիչ ալիք է առաջացնում", - պարզաբանել է իրավապաշտպանը։
Այնուհետև Սահակյանն ուշադրություն է հրավիրել այն հանգամանքի վրա, որ ադրբեջանական քարոզչամեքենան հայերին ներկայացնում է որպես ահաբեկիչներ։ "Դա անհրաժեշտ է Ադրբեջանին՝ Հայաստանի դեմ ռազմական ուժի կիրառումը լեգիտիմացնելու համար։ Ըստ էության, հենց այս հռետորաբանությունն էր Ադրբեջանն օգտագործում, երբ պատերազմ սկսեց Արցախի դեմ։ Հիմա, երբ Արցախը զավթված է, նրանք պատրաստվում են ահաբեկչության հնարք օգտագործել Հայաստանի դեմ պատերազմ սկսելու համար։ Եթե հայերն ընկալվում են որպես ահաբեկիչներ, նշանակում է՝ նրանց դեմ բոլոր գործողություններն արդարացված են", - պարզաբանել է իրավապաշտպանը։
Միևնույն ժամանակ, ՄԻԵԴ-ում հայ ռազմագերիների շահերի ներկայացուցիչը դժգոհել է, որ չնայած Ադրբեջանի կողմից իրականացված հանցագործությունների, այդ թվում ՝ մարդկության դեմ հանցագործությունների բազմաթիվ ապացույցներին, Հայաստանի իշխանությունները, ըստ էության, չեն օգտագործում իրենց հասանելի հնարավորությունները՝ ադրբեջանական կողմին պատասխանատվության ենթարկելու համար, այդ թվում ՝ միջազգային դատարաններում հայցերի միջոցով: Այդ համատեքստում նա հիշեցրել է, որ Հայաստանը վավերացրել է Հռոմի կանոնադրությունը, որը հետագայում կարող էր օգտագործել Ադրբեջանի դեմ, սակայն չի օգտվել նույնիսկ այդ գործիքից, թեև կանոնադրությունն ընդունվել է հենց հայերի դեմ պաատերազմական հանցագործությունների համար Ադրբեջանին պատասխանատվության ենթարկելու անհրաժեշտության առնչությամբ:
Նա նաև անդրադարձել է Բաքվում հայերի նկատմամբ դատական ֆարսին, համոզմունք հայտնելով, որ դատավարություններն անհրաժեշտ են Ադրբեջանին՝ ապացուցելու համար, որ Արցախ գոյություն չի ունեցել, իսկ Արցախի ղեկավարության բոլոր գործողությունները համակարգվել են Հայաստանից: "Ադրբեջանն այդ դատաստանով փորձում է ձեռք բերել "բավարար" ապացույցներ, որոնք հիմք կհանդիսանան Հայաստանի դեմ ագրեսիայի համար", - պարզաբանել է Սահակյանը:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
