Կյանքից հեռացել է Հռոմի պապը

Արմինֆո.  Ապրիլի 21-ի առավոտյան  88 տարեկան հասակում մահացել է  Հռոմի Ֆրանցիսկոս պապը: Ինչպես հաղորդում է Vatican News-ը, այդ մասին ապրիլի 21-ի առավոտյան հաղորդել է Հռոմի Սրբազան Եկեղեցու կամերլենգո  կարդինալ Քևին Ֆարելը:

"Սիրելի եղբայրներ եւ քույրեր, խոր վշտով պետք է տեղեկացնեմ մեր Սրբազան հայր Ֆրանցիսկոսի մահվան մասին: Այսօր առավոտյան ժամը 7: 35-ին Հռոմի սրբազան քահանայապետ Ֆրանցիսկոս պապը վերադարձավ Երկնային հոր տուն: Նրա ողջ կյանքը նվիրված էր Տիրոջը եւ նրա եկեղեցուն ծառայելուն: Նա  մեզ սովորեցնում էր ապրել Աավետարանի արժեքներով՝ հավատարմությամբ, քաջությամբ և սիրով բոլորի, հատկապես ամենաաղքատների և մերժվածների հանդեպ։

Մեծ երախտագիտությամբ Տեր Հիսուսի ճշմարիտ աշակերտի իր օրինակի համար մենք Ֆրանցիսկոս պապի հոգին վստահում ենք  Աստծո անսահման ողորմած սիրուն", - հայտնել Է Ֆարելը։

Հիշեցնենք, որ Ֆրանցիսկոսը Հռոմի կաթոլիկ եկեղեցին գլխավորել է 2013 թվականին և առաջին հովվապետն էր նոր աշխարհի երկրներից ՝ ծնունդով Արգենտինայից: Վերջին ամիսներին Հռոմի պապը տառապում էր թոքաբորբից։ Նրա վերջին հայտնվելը հանրության առջև տեղի է ունեցել նախօրեին:. Նա հավատացյալներին դիմել է զատկական ավանդական ուղերձով, նաեւ աղոթել էր Հայաստանի և Ադրբեջանի միջև վերջնական խաղաղության համաձայնագրի հասնելու համար: