ԱՄՆ շրջանային դատարանը մերժել է ադրբեջանուհու հայցը, ով Հայաստանն անվանել է "քաղցկեղային ուռուցք", որը պետք է հնարավորինս արագ «հեռացնել»

Արմինֆո.  Ամերիկայի Հայ դատի հանձնախումբը (ANCA) ողջունում է ԱՄՆ Կալիֆոռնիայի հարավային շրջանի դատարանի 2025 թվականի ապրիլի 14-ի որոշումը՝ տեղացի փաստաբան Այնուր Բագիրզադեի ներկայացրած հայցը մերժելու մասին, որը անհիմն մեղադրանքներ է ներկայացրել ANCA-ի, ANCA-WR-ի և երեսուն այլ պատասխանողների դեմ: Դատարանը մերժել է հայցվորի երրորդ փոփոխված բողոքը՝ գործը հայտարարելով փակված։

Հիշեցնենք, որ 2024 թվականի հունիսին Կալիֆորնիայից փաստաբան Այնուր Բագիրզադեն հայց էր ներկայացրել մի շարք կազմակերպությունների, այդ թվում ՝ Ամերիկայի Հայ դատի հանձնախմբի դեմ ՝ պահանջելով 500 մլն դոլարի փոխհատուցում։ Նա հայտարարել էր, որ իր դեմ ապատեղեկատվության արշավ է սկսվել "Armenian Enterprise" - ի կողմից։ Այնուր Բագիրզադեն համացանցի ամերիկահայ հատվածում վաղուց հայտնի է դարձել Հայաստանի հասցեին իր հայտարարություններով։ 2023 թվականին Twitter-ում (X) նա այն անվանել էր "Ադրբեջանի նահանգ", ինչպես նաև "սպառնալիք Հարավային Կովկասին" և "քաղցկեղային ուռուցք", որը պետք է հնարավորինս արագ "հեռացնել", որպեսզի տարածաշրջանը խաղաղ ու երջանիկ ապրի։