Փոխվարչապետ. Ուսումնասիրություններ են տարվում Հայաստանի հյուսիսում գետերի վարարումների դեպքում հնարավոր ռիսկերի բացահայտման ուղղությամբ

Արմինֆո.Ներկայում ՀՀ տարածքային կառավարման և ենթակառուցվածքների նախարարության կողմից ուսումնասիրություններ են իրականացվում Հայաստանի հյուսիսում գետերի վարարումների դեպքում հնարավոր ռիսկերի բացահայտման ուղղությամբ: Այդ մասին ապրիլի 16-ին հայտարարել է ՀՀ փոխվարչապետ Տիգրան Խաչատրյանը՝ ԱԺ-ում կառավարության ժամի ընթացքում։

Նրա խոսքով՝ վտանգների գնահատման նախագիծը գրեթե պատրաստ է, ինչը թույլ է տալիս հույս ունենալ, որ խնդիրը կլուծվի կառավարության նիստում ՝ ֆինանսական հարցերի կարգավորման նպատակով: "Հուսով եմ, որ առաջիկա 2-3 շաբաթվա ընթացքում լուծումներ կգտնվեն", - ասել է փոխվարչապետը:

Անցյալ տարվա մայիսի 25-26-ը Հայաստանի հյուսիսում ջրհեղեղ էր առաջացել  առատ տեղումների, հորդառատ անձրևի և Դեբեդ գետի ափերից դուրս գալու հետևանքով, ինչը հանգեցրել էր ենթակառուցվածքների զգալի ավերածությունների և չորս մարդու մահվան: Վնասվել էին ճանապարհներ, կամուրջներ ու երկաթուղային գծեր։ Տարերքի հիմնական հարվածը բաժին էր հասել Լոռու մարզին ։ Վանաձոր - Ալավերդի ավտոճանապարհի մոտ 50 մետր հատվածում ավերվել էր ճանապարհը, հեղեղվել էին մի քանի տներ եւ Այրում երկաթուղային կայարանի  տնտեսական շինություններ: Հայաստանի, Ռուսաստանի և Վրաստանի երկաթուղայինների ջանքերի շնորհիվ երկաթուղու աշխատանքը վերականգնվեց ամենակարճ ժամկետներում: Մեծածավալ աշխատանք է կատարվել նաև այլ ենթակառուցվածքների վերականգնման ուղղությամբ, իսկ տուժածները աջակցություն են ստացել երկրի պետբյուջեից։