Կառավարող խմբակցությունը տապալել է ֆիզիկական անձանց եկամուտների հայտարարագրման համակարգի չեղարկման մասին ընդդիմության առաջարկած նախագիծը

Արմինֆո.  Հայաստանի Ազգային ժողովի "Քաղաքացիական պայմանագիր" խմբակցությունն ապրիլի 15-ի նիստում մերժել է ֆիզիկական անձանց եկամուտների հայտարարագրման համակարգը չեղարկելու մասին ընդդիմադիր "Հայաստան" խմբակցության առաջարկած օրենքի նախագիծը: Հարցն ԱԺ նիստի օրակարգում ներառելուն կողմ է քվեարկել ընդամենը 27 պատգամավոր՝ 59 դեմ և 1 ձեռնպահ:

Ներկայացնելով նախաձեռնությունը՝ "Հայաստան" խմբակցության պատգամավոր Թադևոս Ավետիսյանը նշել է, որ եկամուտների համընդհանուր հայտարարագրման համակարգը չի լուծի երկրում առկա խնդիրները: Այն չի համապատասխանում օրվա պահանջներին և երկրի քաղաքացիների համար կդառնա նոր անիմաստ պարտավորություն և հիմք՝ նրանց նկատմամբ հարկային վարչարարություն կիրառելու և տուգանքներ հաշվեգրելու համար։ Դրա վկայությունը, ինչպես ընդգծել է զեկուցողը, հայտարարագրերի ներկայացման ժամկետների հետաձգումն է։ Այս պահի դրությամբ քաղաքացիների ընդամենը 5 տոկոսն է ներկայացրել իր դիմումը։ Ավետիսյանը նշել է, որ այն քաղաքացիները, ովքեր աշխատում են "ստվերում", իրենց աղբյուրները չեն ներկայացնի նաև եկամուտների հայտարարագրման գործընթացում: Այսպիսով, կեղծ են այն պնդումները, թե, իբր, նոր համակարգը կարող է նվազեցնել "ստվերային զբաղվածության" ծավալները։ Իսկ այն, որ տվյալների բացակայությունը լինելու է հարկային մարմինների վերահսկողության տակ, ինքնին շարունակում է վիճելի մնալ։ Առավել ևս, որ աշխատող քաղաքացիների բոլոր տվյալները առկա են էլեկտրոնային բազայում, և նորամուծությունը չի ծառայի հայտարարված նպատակներին։ Պատգամավորը հիշեցրել է, որ հայտարարագրերը ժամանակին չներկայացնելը բերում է վարչական պատասխանատվության կիրառման, այսինքն, մարդուն որպես փող կորզելու նյութ օգտագործմանը:

ԱԺ "Քաղաքացիական պայմանագիր" խմբակցության պատգամավոր Նարեկ Ղահրամանյանն, իր հերթին, նշել է, որ ԱԺ լիագումար նիստից անմիջապես հետո տեղի կունենա արտահերթ նիստ, որտեղ հայտարարագրերի ներկայացման վերջնաժամկետ կսահմանվի մինչև նոյեմբերի 1-ը: Նա նշել է, որ եթե Քաղաքացիներն ընդամենը "նյութ" լինեին, առաջին դեպքում հայտարարագրեր չներկայացնելու համար դիտողություններ չէին կիրառվի, իսկ երկրորդ դեպքում ՝ ընդամենը 5 հազար դրամի չափով տուգանք: Երկրի իշխանությունների ներկայացրած օրենքն ուղղված է ապագայում առկա խնդիրների լուծմանը։ ՀՀ ԱԺ տնտեսական հարցերի հանձնաժողովը ընդդիմության ներկայացրած փաստաթղթի վերաբերյալ բացասական եզրակացություն է տվել, քանի որ եկամուտների համընդհանուր հայտարարագրման համակարգի գլխավոր նպատակը քաղաքացիների հարկային պարտավորությունների կատարման նկատմամբ պատասխանատվության բարձրացումն է: Եկամուտների համընդհանուր հայտարարագրման համակարգի կիրառումը կառավարությանը հնարավորություն կտա առավել արդյունավետ իրականացնել նաև սոցիալական քաղաքականությունը: Ծրագրի շրջանակներում սոցիալական վարկեր են ստացել արդեն երկրի 12 հազար քաղաքացիներ։

Մինչդեռ, ըստ ԱԺ ընդդիմադիր "Հայաստան" խմբակցության պատգամավոր Արթուր Խաչատրյանի, իշխանությունները ցանկանում են իրենց վերահսկողության տակ վերցնել խոպանչիների այն ամբողջ 300 հազարանոց բանակը, որոնք իրենց աշխատանքային գործունեությունն իրականացնում են երկրի սահմաններից դուրս: Նա նշշել է, որ կառավարության վերջնական նպատակը հարկային նոր ռեսուրսների ներգրավումն է: