Հայ պաշտոնյա. Արցախցիներին օգնության կրճատումն անհրաժեշտ է նպաստ ստանալու փոխարեն մարդկանց աշխատանքի ընտրության խրախուսելու համար

Արմինֆո. Արցախցիներին դրամական օգնություն տրամադրելու նոր մոտեցումը միտված է խրախուսելու նրանց գնալ աշխատելու։ Այդ մասին ապրիլի 11-ին Երևանում կայացած մամուլի ասուլիսում հաղորդել է ՀՀ աշխատանքի և սոցիալական հարցերի նախարարության ժողովրդագրության և ընտանիքի սոցիալական երաշխիքների վարչության պետ Արտակ Հարությունյանը՝ անդրադառնալով կառավարության կողմից արցախցիներին տրամադրվող աջակցության նոր ծրագրին:

Անտեսելով այն լուրջ խնդիրները, որոնց բախվում են արցախցիները աշխատանքի տեղավորման ժամանակ, ինչի մասին նրանք բազմիցս ահազանգել են, Հարությունյանը սկսել է պատմել տվյալ թիրախային ծրագրին համապատասխանության չափանիշի մասին։

Նախարարությունում ավելի լավ բան չեն գտել, քան սահմանել այն շեմը, ըստ որի, իրենց սոցիալական խոցելիությունն ապացուցելու համար արցախցիները,, օրինակ, պետք է վաճառեն մեքենան, որով 2023 թվականի սեպտեմբերին փրկվել էին ցեղասպանությունից, և որով վաստակում էին, հաստատ, ոչ Հայաստանի կառավարության սոցիալական օգնությունից։

"Ծրագրին մասնակցելու պայմանը, ի թիվս այլ բաների, ենթադրում է 2017 թվականի և ավելի ուշ թողարկման ավտոմեքենայի կամ 15 000 դրամ տրաանսպորտային հարկը գերազանցող փոխադրամիջոցների բացակայություն։ Բացի այդ, ընտանիքները չեն կարող ծրագրի շահառու դառնալ անշարժ գույքի միանձնյա տիրապետման դեպքում կամ եթե ունեն դրա կեսի և ավելիի իրավունք", - հայտարարել է Հարությունյանը։

"Կարիքավոր ընտանիքի ընտրության համար հիմք է ընտրվել որոշակի դրամական միջոցների առկայության հանգամանքը։ Այժմ ծրագրի շահառու են դառնում ոչ թե առանձին անձինք, այլ ամբողջ ընտանիքներ։ Եթե ընտանիքի յուրաքանչյուր անդամ չի կարողանում ապահովել 55 000 դրամի եկամուտ, ապա այն դառնում է ծրագրի շահառու", - հավելել է պաշտոնյան։

Միաժամանակ, նա ընդգծել է, որ օգնություն չի տրամադրվի պետության հոգածության տակ գտնվողներին, ինչպես նաև սոցիալական բնակարանային ֆոնդի ծրագրում ընդգրկված ընտանիքներին:

Չնայած, որպես կանոն, նման մարդիկ օգնության ծրագրերի ավելի շատ կարիք ունեն, քան մյուսները, քանի որ հենց կարիքն է հանգեցրել նրանց սոցիալական բնակարանների շեմին: Մինչդեռ, ինչպես պնդում է Հարությունյանը, այդ մարդիկ բնակարանային խնդիրներ չունեն, ուստի որոշում է կայացվել նրանց հանել կարիքավորներին օգնության ծրագրից։

Անդրադառնալով եկամտի շեմի սահմանմանը՝ նա նշել է, որ այն հիմնված է անապահովության գնահատման համակարգի վրա, որտեղ այդ շեմը կախված է պարենային զամբյուղի արժեքից: Ըստ պաշտոնյայի՝ նվազագույն պարենային զամբյուղի արժեքը հաշվարկվել է 2024 թվականի երրորդ կիսամյակի համար և կազմել 34 581 դրամ, որի հիման վրա էլ սահմանվել է անապահովության միջին շեմը՝ 55 000 դրամ:

Ընդ որում,  նախարարության ներկայացուցիչը, բնականաբար, չի ասել, որ նվազագույն պարենային զամբյուղը Հայաստանում վաղուց չի համապատասխանում  քաղաքացիների նվազագույն կարիքներին: Եվ այն հաշվարկները, որոնցով նրանք կողմնորոշվում են, թույլ չեն տա Հայաստանի քաղաքացուն ոչ թե արժանապատիվ կյանք վարել, այլ, նույնիսկ,  գոյություն քարշ տալ։

Ընդ որում, Հարությունյանը չիհամաձայնել այն կարծիքին, որ այսօր բոլոր արցախցիները խնդրի են բախվում աշխատանք փնտրելիս: Նա նշել է, որ իրենց տվյալներով, մոտ 26 000 մարդ աշխատանք ունի, որոնցից 7800-ը 200 000 դրամից ավելի աշխատավարձ են ստանում: Իսկ մյուս մի քանի տասնյակ հազար արցախցիների մասին Հարությունյանը որոշել է լռել։

Հիշեցնենք, որ արցախցիները զանգվածաբար դեմ են արտահայտվել սոցիալապես անապահով ընտանիքներին աջակցելու ՀՀ աշխատանքի եւ սոցիալական նախարարության նոր ծրագրին։ Այսպես, արցախցիների 98 %-ը դեմ է քվեարկել  նախարարության ծրագրի նախագծին, որը հրապարակվել է e-draft էլեկտրոնային հարթակում և հասանելի է քվեարկության համար։