Արմինֆո. ԵԽԽՎ-ում ՀՀ ԱԺ պատվիրակության անդամ Արմեն Գեւորգյանը ելույթ է ունեցել ապրիլի 10-ին կայացած «Եվրոպայի խորհրդի եւ եվրոպական քաղաքական համայնքի միջեւ փոխկապակցվածությունը» թեմայով քննարկման ժամանակ: Ինչպես հաղորդում է ԱԺ մամուլի ծառաայությունը, պատգամավորն ելույթում նշել է.
«Պարո՛ն նախագահ, հիմա ճիշտ ժամանակն է՝ քննարկելու ոչ միայն ժողովրդավարության վրա եղած ճնշումները, այլեւ հաստատությունների ունակությունը՝ ձեւավորելու իրական արդյունքներ արագ փոփոխվող եւ հակամարտությունների հակված աշխարհում:
Եվրոպական քաղաքական համայնքի գործարկումից ի վեր գլոբալ իրավիճակը դարձել է ավելի լարված եւ բեւեռացված: Կայուն խաղաղության եւ մեծացող բարեկեցության փոխարեն մենք ականատես ենք լինում ռիսկերի, բախումների եւ աշխարհաքաղաքական ցնցումների բազմապատկման: Աշխարհն ավելի խաղաղ չէ, եւ շատ վայրերում նույնիսկ բարեկամությունն է քաղաքականապես բարդացել:
Սա արտահայտում է ավելի մեծ մտահոգություն. հաստատությունները դժվարանում են կառավարել բարդությունները, աջակցել անցումային փուլերին եւ, ամենակարեւորը, կանխել պառակտումն ու հակամարտությունները: Երբ մենք ընդլայնում ենք ինստիտուցիոնալ հարթակները, պետք է ապահովենք, որ դրանք լինեն ոչ միայն ընդգրկուն, այլեւ արդյունավետ` խաղաղություն եւ բարեկեցություն ապահովելու գործում: Քաղաքացիներն իրավացի են, երբ ակնկալում են ոչ միայն կառույցներ, այլեւ բովանդակություն: Եվ խնդիրը ոչ թե այդ կառույցների բացակայությունն է, այլ այն, որ դրանք այլեւս չեն ձեւավորում դրական արդյունքներ:
Հարգելի' գործընկերներ, քննարկվող համագործակցությունից բխում են մի շարք առանցքային ակնկալիքներ:
Առաջին, Եվրոպայի խորհրդի ամենաթանկ ձեռքբերումն է մարդու իրավունքների պաշտպանության համաեվրոպական կոնվենցիոնալ համակարգը: Այս համակարգի սկսված քայքայումը պետք է կանգնեցվի, իսկ դրա պահպանումը դառնա ռազմավարական առաքելություն:
Երկրորդ, էական է, որ այս համագործակցությունը նպաստի մայրցամաքում աճող ավտորիտար միտումների հակադարձմանը: Ընտրությունը հստակ է` կա՛մ դառնալ սկզբունքային եւ վճռական հարթակ այս միտմանը դիմակայելու հարցում, կա՛մ շարունակել ցավալի փոխզիջումները, որոնք միայն թուլացնում են ժողովրդավարական աշխարհը:
Երրորդ, այս համագործակցությունն առաջարկում է անկեղծ երկխոսության եզակի եւ ժամանակին համահունչ ձեւաչափ հավասարների միջեւ՝ անկախ ԵՄ անդամակցության կարգավիճակից: Այս ընդգրկուն միջավայրը հնարավորություն է տալիս իմաստալից մասնակցության եւ փոխադարձ ճանաչման համար: Նման երկխոսությունը կարող է ԵՄ անդամակցության թեկնածուներին մոտեցնել իրենց նպատակին, իսկ մյուսների համար խթանել եվրոպական երազանքի ավելի իրատեսական պատկերացումը՝ համագործակցության, համերաշխության եւ ընդհանուր արժեքների հիման վրա:
Չորրորդ, ցանկացած համագործակցության առանցքում պետք է լինի խաղաղությունը: Աշխարհում, որտեղ խաղաղության պակաս կա, այն պետք է վերականգնվի դիվանագիտության, իրավունքի գերակայության, վստահության եւ պատասխանատու առաջնորդության միջոցով: Մեր տարածաշրջանների դեպքում, որտեղ առկա է բախումների վերսկսման վտանգ, խաղաղությունը պետք է կառուցվի նաեւ աշխարհաքաղաքական կայունության, հարեւանների հետ արժանապատիվ երկխոսության, շահավետ տարածաշրջանային համագործակցության, եւ, ամենակարեւորը, աշխատող միջազգային երաշխիքների եւ վստահելի ազգային անվտանգության մեխանիզմների հիման վրա:
Պարո՛ն նախագահ, կա պատմական անհրաժեշտություն՝ շարունակելու մնալ խաղաղության ճարտարապետներ: Հուսով եմ, որ այսօրվա քննարկումը կլինի ոչ միայն մտորումների, այլեւ վերանվիրումի պահ: Շնորհակալություն»:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
