Արմինֆո. BBC World Service-ի ապրիլի 9-ի ռադիոեթերի ժամանակ կովկասյան թղթակից Ռեյհան Դեմիտրին մանրամասներ է հաղորդել Հայաստան այցի մասին՝ ներկայացնելով Հայաստանի և Ադրբեջանի միջև խաղաղության պայմանագրի շուրջ բանակցությունների ընթացքը, ինչպես նաև այդ համատեքստում անդրադարձել է մարդասիրական կարևոր խնդրի՝ Բաքվում պահվող հայ գերիների հարցին:
Լրագրողը նշել է, որ անցյալ ամիս և Հայաստանը, և Ադրբեջանը հայտարարեցին, թե համաձայնության են հանգել պայմանագրի կետերի շուրջ, սակայն գերիների հարցն այնտեղ բացակայում է: Ներկայում Բաքվում դատական գործընթաց է իրականացվում 16 հայերի նկատմամբ, որոնցից մեկը հայտնի միլիարդատեր բարերար Ռուբեն Վարդանյանն է, ով փետրվարին հացադուլ էր հայտարարել՝ հայտնելով արդար դատաքննության իրավունքի խախտման մասին: Եթերում հնչել է նաև Ռուբեն Վարդանյանի որդու՝ Դավիթ Վարդանյանի մեկնաբանությունը, ում հետ հանդիպել ու զրուցել է լրագրողը:
«Մեզ հաջողվեց փաստաբան գտնել Ադրբեջանում, ինչը չափազանց դժվար էր՝ տարբեր պատճառներով: Նախ, բոլորին հայտնի է, նաև փաստագրված են նրանց կողմից հայերի նկատմամբ քսենոֆոբիայի դրսևորումները, ու կա նաև՝ Լեռնային Ղարաբաղի հարցի զգայունությունը: Շատ փաստաբաններ հրաժարվում էին վերցնել գործը, հաշվի առնելով, թե ինչպիսի ճնշման տակ կհայտնվեն:
Մենք ունենք նաև իրավաբանների թիմ դրսում: Մեր միջազգային իրավախորհրդատուն՝ Ջարեդ Գենսերը Վաշինգտոնից, ոչ մի անգամ չի կարողացել խոսել կամ ուղիղ հաղորդակցվել հորս՝ իր պաշտպանյալի հետ: Նրան չեն թույլատրել այցելել Բաքու», - ասել է Դավիթ Վարդանյանը:
BBC World Service-ն անդրադարձել է նաև Ադրբեջանում BBC-ի ադրբեջանական ծառայության նկատմամբ ճնշումներին, ինչպես նաև Կարմիր խաչի միջազգային կոմիտեի գործունեությունը դադարեցնելու պահանջին:
«Լրագրողների նկատմամբ հսկայական ճնշում կա: Տասնյակ անկախ լրագրողներ բանտում են: Խոսքի ազատություն չկա, և անցյալ ամիս մի շարք միջազգային կազմակերպությունների, ՄԱԿ-ի գրասենյակներին և Կարմիր խաչին, որը միակ կազմակերպությունն էր հայ բանտարկյալների մոտ մուտքի իրավունքով, բոլորին ասվել է՝ փակել իրենց գրասենյակները՝ առանց որևէ պաշտոնական պատճառի: Բայց ոչ պաշտոնապես ենթադրվում է, որ Ադրբեջանի իշխանությունները այս կազմակերպություններին դիտարկում են որպես հայամետ դիրքորոշում ունեցողների: Այսպիսով, մարդու իրավունքների և ժողովրդավարության իրավիճակը շատ, շատ ծանր է Ադրբեջանում: Ընկալում կա, որ այս դատավարություններն օգտագործվում են Ադրբեջանի բնակչությանը այլ խնդիրներից շեղելու համար:
Այս բոլոր հայերը՝ Ռուբեն Վարդանյանը և Լեռնային Ղարաբաղի 15 այլ նախկին ղեկավարներ, մեղադրվում են պատերազմական հանցագործությունների մեջ: Նրանց դեմ առաջադրվում են ամենալուրջ մեղադրանքները: Սա նշանակում է, որ եթե մեղավոր ճանաչվեն, նրանք իրենց կյանքը բանտում կանցկացնեն»,- նշել է Ռեյհան Դեմիտրին:
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Իսկանդարյան. Աբխազիայի քաղաքականությանը Թուրքիայի միջամտությունը միֆ է և նախընտրական PR-ի արդյունք
Հայ փորձագետը կանխատեսում է USAID-ի գործունեության մոտալուտ վերսկսում
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
Փորձագետ. ԵՄ-ում Հայաստանին ոչ ոք չի սպասում
