Freedom House իրավապաշտպան կազմակերպությունը դադարեցնում է իր գործունեությունը Հայաստանում

Արմինֆո. Freedom House  միջազգային իրավապաշտպան կազմակերպությունը դադարեցնում է իր գործունեությունը Հայաստանում: Այդ մասին ֆեյսբուքյան իր էջում հաղորդել է կազմակերպության հայաստանյան գրասենյակի ներկայացուցիչ Անդրանիկ Շիրինյանը։

"Ավելի քան չորս անհավանական տարի անց Հայաստանում Freedom House-ի հետ իմ ճանապարհը մոոտեցավ ավարտին, քանի որ կազմակերպությունն ավարտում է իր աշխատանքն այստեղ։ Ինձ համար պատիվ էր անցնել ամենադժվար ժամանակները և լինել բազմաթիվ ոգեշնչող գործընկերների, ընկերների և մարդու իրավունքների պաշտպանների կողքին", - գրել է Շիրինյանը։

Հիշեցնենք, որ 2024 թվականի հուլիսին Freedom House-ը ներկայացնում էր փաստահավաք զեկույց՝ "Ինչու՞ Լեռնային Ղարաբաղում հայեր չկան", որը փաստագրվում է, թե ինչպես են էթնիկ հայերը Լեռնային Ղարաբաղում Ադրբեջանի կողմից դիտավորյալ ենթարկվել կանոնավոր հարձակումների, ահաբեկումների, հիմնական իրավունքներից և կյանքի նորմալ պայմաններից զրկելու, ինչպես նաև բռնի տեղահանության։ Զեկույցն ընդգրկում է Արցախյան 44-օրյա պատերազմից մինչև 2023 թվականի սեպտեմբերի ադրբեջանական ռազմական հարձակումը ընկած ժամանակահատվածը։ Զեկույցը, մասնավորապես, արտացոլում է միջազգային փաստահավաք առաքելության աշխատանքը, այդ թվում ՝ հարցազրույցներ հարյուրավոր վկաների հետ և տվյալներ բաց աղբյուրներից, որի նպատակն է ստանալ պատասխան այն հարցին, թե ինչու 2024 թվականի մայիսի դրությամբ Լեռնային Ղարաբաղում չի բնակվում ոչ մի էթնիկ հայ ։