Արմեն Բեգոյանը ներկայացրել է քաղաքային անտառների կառուցման ծրագիրը

Արմինֆո. Օդի աղտոտվածության դեմ պայքարի նպատակով ընթացիկ տարում Երևանի քաղաքապետարանը մտադիր է քաղաքային անտառների կառուցման հավակնոտ ծրագիր գործարկել: Մամուլի ասուլիսի ժամանակ այդ մասին հաղորդել է Երևանի քաղաքապետարանի <Կանաչապատում և շրջակա միջավայրի պաշտպանություն> ՊՈԱԿ - ի պետ Արմեն Բեգոյանը:

"Մենք ցանկանում ենք քաղաքն առնել քաղաքային անտառների օղակի մեջ, որպեսզի կանխենք փոշու և այլ մասնիկների ներթափանցումը Երևանին հարող հանքավայրերից, շինհրապարակներից, արտադրական մասերից", - նշել է նա:

Մասնավորապես, այս գարնանը քաղաքային անտառներ կհայտնվեն Աշտարակի խճուղուց մինչև Երևան հատվածում՝ 4.5 հա, «Ֆիզգորոդոկ» - ի մուտքի մոտ՝ մոտ 1 հա տարածք, Նոր Նորքի 5-րդ զանգվածում ՝ Դավիթ Բեկի փողոցն անցնող հատվածում ՝ շուրջ 4 հա դեկորատիվ և պտղատու ծառերով: Բացի այդ, Դավիթաշենի 1-ին թաղամասում երկու դպրոցների միջև կստեղծվի 0,7 հա մակերեսով նոր զբոսայգի, նախատեսվում է վերակառուցել Մալաթիա-Սեբաստիա վարչական շրջանում Հայրենական պատերազմում տարած հաղթանակի 40-ամյակի այգին: Քաղաքային անտառի կառուցման աշխատանքներ կիրականացվեն նաև Մյասնիկյան և Լվովի փողոցների միջև ընկած 30հա տարածքում: Քանի որ այն լինելու է Երեւանի ամենամեծ ուրբան անտառը, Բեգոյանի ասելով, աշխատանքները կտեւեն մոտ 2 տարի ։