Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին

Արմինֆո. ԱՄՆ վաթսուն օրենսդիրներ պետքարտուղար Մարկո Ռուբիոյին կոչ են արել ապահովել "Ազատության աջակցության մասին" օրենքի 907-րդ բաժնի կիրառումը՝ պահանջելով անհապաղ դադարեցնել ԱՄՆ-ի ռազմական օգնությունը: Այս կոչը նրանք հիմնավորել են Ադրբեջանի կողմից Արցախի ողջ բնիկ բնակչության էթնիկ զտմամբ, Հայաստանի ինքնիշխան տարածքի շարունակական օկուպացմամբ և հայ բանտարկյալների նկատմամբ ապօրինի կալանավորմամբ ու դաժան վերաբերմունքով։ Այդ մասին հաղորդում է Ամերիկայի Հայ դատի հանձնախումբը (ANCA)։

Ներկայացուցիչներ Մայք Լոուլերը, Ֆրենկ Փալոնը, Գաս Բիլիրակիսը և Գեյբ Ամոն գլխավորել են Կոնգրեսի երկկուսակցական նամակը՝ ուղղված պետքարտուղար Ռուբիոյին:

"Ամերիկայի Հայ դատի հանձնախումբը ողջունում է Կոնգրեսի այդ երկկուսակցական կոչը՝ ուղղված նախարար Ռուբիոյին ՝ ապահովելու 907-րդ բաժնի պահպանումը, որը դադարեցնում է ԱՄՆ ռազմական օգնությունն Ադրբեջանին։ Ադրբեջանի կողմից Արցախի բնիկ հայ քրիստոնյաների էթնիկ զտումից հետո ՝ հայկական ինքնիշխան տարածքի շարունակական օկուպացիայի և հայ պատանդների ապօրինի ձերբակալման ֆոնին, մենք չենք կարող խնդրել ԱՄՆ հարկատուներին սուբսիդավորել նավթով հարուստ, դաժան և կոռումպացված օտարերկրյա բռնապետությունը: Մենք շնորհակալություն ենք հայտնում ներկայացուցիչներ Լոուլերին, Փալոնին, Բիլիրակիսին և Ամոյին և նրանց միացած 60 ներկայացուցիչներին ՝ նրանց բարոյական մաքրության և աշխարհում ուժեղ առաջնորդության համար", - հայտարարել է Ամերիկայի Հայ դատի հանձնախմբի գործադիր տնօրեն Արամ Համբարյանը։ Վկայակոչելով Ադրբեջանի կողմից Լեռնային Ղարաբաղի (Արցախի) 120 հազարանոց բնիկ հայ բնակչության էթնիկ զտումը ՝ օրենսդիրներն ընդգծել են, որ "իր գործողությունների համար ոչ մի նյութական հետևանք կամ պատասխանատվություն չկրելով, Ադրբեջանը շարունակում է խաթարել տարածաշրջանում արդար, կայուն և արժանապատիվ խաղաղություն ապահովելու ջանքերը ՝ Հայաստանի դեմ շարունակվող ագրեսիայի միջոցով":

Ստորագրողները կոչ են արել Ռուբիոյին չդիմել մերժման իրավունքին, որը թույլ էր տալիս իրար հաջորդող վարչակազմերին շրջանցել 907-րդ բաժինը, փոխարենը, կիրառել օրենքը՝ Ադրբեջանին իր հանցագործությունների համար պատասխանատվության ենթարկելու նպատակով: Հիշեցվում է, որ մինչ այդ ԱՄՆ յուրաքանչյուր նախագահ այդ դրույթը կիրառել է 2001 թվականից մինչև նախագահ Բայդենը, որն այն գործողության մեջ է դրել 2024 թվականին: