ՆԳՆ ղեկավար. Խոշտանգումներին առնչվող բոլոր գործերով առկա է իրավական գործընթաց

Արմինֆո. Խոշտանգումների հետ կապված բոլոր գործերով առկա է իրավական գործընթաց։ Այդ մասին մարտի 21-ին լրագրողներին հաղորդել է ՀՀ ներքին գործերի նախարար Արփինե Սարգսյանը՝ պատասխանելով Տիգրան Ուլուբաբյանի նկատմամբ Վանաձորի ոստիկանների կողմից բռնություն գործադրելու մասին հարցին։

Նախարարի խոսքով ՝ յուրաքանչյուր կոնկրետ դեպքով հարուցվում են կամ ծառայողական, կամ քրեական քննություններ: Իսկ ներքին գործերի նախարարը, ինչպես ընդգծել Է Սարգսյանը, իրավունք չունի քննիչի, առավել ևս, դատավորի փոխարեն եզրակացություններ անել։ Նախաքննական մարմինները յուրաքանչյուր կոնկրետ դեպքի վերաբերյալ կշարունակեն քննություններն ու անհրաժեշտ պահին դրանց արդյունքները կներկայացնեն հանրությանը: Առավել ևս, որ հակասական տեղեկություններ են ստացվում։ Մի դեպքում խոսվում է Ուլուբաբյանի ծեծին մասնակցած 2 ոստիկանի մասին, մյուս դեպքում ՝ 6 - ի, երրորդ դեպքում ՝ 8 - ի։ Այս ֆոնին, ինչպես ընդգծել Է նախարարը, շատ կարեւոր է ունենալ դեպքի հստակ պատկերը եւ նոր միայն որոշում կայացնել ոստիկանների վերաբերյալ։ Իսկ հիմա համապատասխան գործողությունների համար որևէ հիմք չկա, քանի որ բարձրացված հարցերի բոլոր պատասխանները պետք է տա քննությունը։