«Լեռնային Ղարաբաղի հակամարտությունը սառեցված չէ», - հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը` «Բի Բի Սի»-ի ադրբեջանական ծառայության հետ հարցազրույցում:
«Լարվածությունը զորքերի շփման գծում և հայ-ադրբեջանական սահմանին շատ մեծ է: Մենք մտահոգված ենք հրադադարի ռեժիմի խախտման և ծանր զենքի, այդ թվում` հրետանու, կիրառման դեպքերի վերաբերյալ տեղեկատվության առնչությամբ: Արկերի և ծանր զենքի կիրառումն անթույլատրելի է: Մենք հատկապես մտահոգված ենք խաղաղ բնակչության շրջանում կորուստների առնչությամբ և կողմերին կոչ ենք արել հնարավոր ամեն քայլ ձեռնարկել նման բռնությունը կանխելու համար: Հանուն իրավիճակի կայունացման մենք շարունակում ենք քննարկումը` կողմերի միջև վստահության և ավելի կառուցողական մթնոլորտի ստեղծման համար: Ես հավատում եմ, որ կողմերը պաշտպանում են բանակցությունների ճանապարհով հակամարտությունը լուծելու համանախագահների ցանկությունը: Մենք հանդիպում ենք տարածաշրջանի ղեկավարների հետ` համակողմանի համաձայնագրի մանրամասները քննարկելու նպատակով: Առաջիկա շաբաթ ՄԱԿ Գլխավոր ասամբլեայի շրջանակում արտգործնախարարների հետ հանդիպման ժամանակ մենք, առաջին հերթին, կքննարկենք լարվածության թուլացման և հրադադարի ռեժիմի լրջորեն պահպանման հարցերը», - նշել է Մինսկի միջնորդը:
Ուորլիքը հիշեցրել է 2014 թվականին Քարնեգի հիմնադրամում իր ելույթի մասին, որը զուգադիպել էր հրադադարի ռեժիմի հաստատման 20-րդ տարելիցին, ընդգծելով, որ հակամարտության կարգավորման վերաբերյալ իր ելույթում հնչած տարրերն ու սկզբունքները կողմերին հայտնի են:
«Հայաստանում և Ադրբեջանում պակասում է քաղաքական կամքը: Ես բազմիցս հայտարարել եմ, որ նախագահները պետք է հրաժարվեն ռազմատենչ հռետորաբանությունից և հասարակայնությանը նախապատրաստեն հաշտության: Համանախագահները կողմերի հետ միասին շարունակում են աշխատանքը համակողմանի համաձայնագրի մանրամասների վրա, սակայն այդ հարցը, առաջին հերթին, կախված է նախագահների քաղաքական կամքից», - կարծում է ԵԱՀԿ ՄԽ ամերիկացի համանախագահը: Նա նաև կարծում է, որ հակամարտության կարգավորման հարցում պակաս կարևոր դեր չի խաղում ժողովրդական դիվանագիտությունը: Միջնորդի ասելով, ողջ աշխարհում հաշտության գործընթացներում քաղաքական բանակցությունները համալրվում են ներքևի ջանքերով:
«Չնայած այն հանգամանքին, որ Հայաստանի և Ադրբեջանի միջև լարվածությունը շատ մեծ է, համանախագահները փորձում են աջակցել երկու երկրների բնակիչների հանդիպումներին: Այդ իմաստով բացառություն չեն Լեռնայինն Ղարաբաղի թե հայկական, թե ադրբեջանական համայնքները: Ես բազմիցս հայտարարել եմ, որ կողմերը համանախագահների հետ միասին պետք է քննարկումներ վարեն հանուն պատերազմից տուժած մարդկանց շահերի: Այդ նախաձեռնությունների ամենավառ օրինակը ջրի խնդիրն է: Հուսով եմ, որ կողմերը կարող են բանակցությունների սեղանի շուրջ նստել` ջրային պաշարների բաշխման հարցը քննարկելու համար: Համանախագահները պատրաստ են օգնել նրանց այդ հարցում», - եզրափակել է Ուորլիքը:
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
