Ամերիկյան ընկերությունները հետաքրքրված են Հայաստանում ֆրանչայզինգի բիզնեսն ընդլայնելու մեջ և պատրաստ են հայ գործարարներին առաջ արկել հետաքրքիր և փոխշահավետ առաջարկներ: Հայ-ամերիկյան բիզնես-հարաբերոթյունների ամրապնդմանը նվիրված ֆորումում նման կարծիք է արտահայտել ՀՀ-ում ԱՄՆ գործերի ժամանակավոր հավատարմատար Քլարկ Փրայսը:
«Ես գիտեմ, որ այսօր լավ մեկնարկ կարող են ունենալ միայն հաջողված բիզնես-նախագծերը և հուսով եմ, որ ԱՄՆ դեսպանությունը կարող է արգասաբեր հող նախապատրաստել ամերիկյան կորպորացիաների և հայ գործարարների միջև գործարար շփումները կարգավորելու համար: Դրանից հետո մենք կարող ենք քաշվել մի կողմ, և դուք կանեք այն, ինչը ձեզ մոտ լավ է ստացվում – զարգացնել բիզնեսը»,-ասել է Ք.Փրայսը, տեղեկացնելով, որ ամերիկյան երկու հանրահայտ ընկերություններ` Papa John's Pizza-ը և Turri-Frutti Frozen Yogurts-ը, որոնք այս տարածաշրջանում ունեն հաջողված փորձ, մտադիր են Հայաստանում կատարել ներդրումներ` ֆրանչայզինգի սխեմաներով:
Իսկ «Ամերիա» ընկերության կառավարման խորհրդատվության ծառայության ղեկավար Տիգրան Ջրբնաշյանը նշել է, որ ֆրանչայզինգը զարգացնելու համար գործարար մթնոլորտը Հայաստանում բարենպաստ է, ընդ որում, բոլոր ուղղություններով, ներառյալ տեխնոլոգիաների, բիսնես-մոդելների, բրենդերի ներդրումը և այլն:
«Ֆրանչայզինգի ձևաչափը – ամենաքիչ ռիսկայիներից է, քանի որ ներդրումային մեծ ծախսեր չի պահանջում: Սակայն, որոշ շուկաներ դուրս գալիս ֆրանչայզերները պետք է պահպանեն որոշակի զգուշություն, կատարեն շուկայի ոլորտային խորը վերլուծություն, քանի որ միշտ չէ, որ Ամերիկայում հաջող աշխատող պրոդուկտը կարող է պահանջարկ ունենալ նաև Հայաստանում»,-ընդգծել է Տ.Ջրբաշյանը, հավելելով, որ ֆրանչայզերները գերադասում են մտավոր սեփականության պաշտպանվածության բարձր մակարդակ ունեցող շուկաները:
Նրա խոսքով, Հայաստնում կան մեծ թվով ֆրանչայզնգային ընկերություններ, որոնք հիմնականում զբաղված են ծառայությունների, առևտրի, հյորանոցային և ռեստորանային բիզնեսի, իսկ մասնակիորեն` նաև արդյունաբերության և դեղագործության ոլորտներում: Բացի այդ, օտարերկրյա ընկերությունների ներկայացուցիչներից շատերը հանդիսանում են պոտենցիալ ֆրանչայզերներ: «Ֆրանչայզինգային գործարքների ավելացման միտումը նկատվում է ամբողջ աշխարհում, ներկայումս ստեղծված տնտեսական իրավիճակի պատճառով, իսկ Հայաստանը բացառություն չէ»,-ընդգծել է Ջրբաշյանը:
Կոնվերս Բանկի միջազգային հարաբերոթյունների և առևտրի ֆինանսավորման դեպարտամենտի ղեկավար Ինեսա Ամիրբեկյանը նշել է, որ Հայաստանի բանկային համակարգում դեռևս չկան ֆրանչայզիգի հետ կապված նախագծեր, բայց իր կողմից ներկայացվող բանկը պատրաստ է առաջարկել հատուկ գործիքներ, որոնք ավելի ձեռնտու կարող են լինել բիզնեսի այդ մոդելին, քան դասական վարկավորումը, նշելով առևտրի ֆինանսավորման գործիքները:
Ֆորումը կազմակերպել է Հայաստանում ԱՄՆ դեսպանությունը, ԱՄՆ Կոմերցիոն ծառայության Մոսկվայի գրասենյակը և «Ամերիա» ընկերության կառավարման խորհրդակցության ծառայությունը: Միջոցառմանը մասնակցել է ավելի քան 50 հայկական ընկերություն: