Արմինֆո. Հայաստանի և Ադրբեջանի միջև պայմանագրի շուրջ, այսպես կոչված, բանակցությունների ավարտի, իսկ իրականում՝ օրվա կառավարիչների կողմից միակողմանի հակապետական զիջողականության արդյունք կրկնակապիտուլյացիայի առնչությամբ Հայաստանի հանրապետական կուսակցությունը պահանջում է անհապաղ հրապարակել վերջնական տեքստը: Այդ մասին ասվում է ՀՀԿ գործադիր մարմնի հայտարարությունում:
Հիշեցնենք, որ նախօրեին Ադրբեջանի ԱԳՆ-ը հայտարարություն էր տարածել Հայաստանի հետ խաղաղության համաձայնագրի շուրջ բանակցությունների ավարտի մասին: Այնուհետև տեղեկությունը հաստատեցին ՀՀ ԱԳՆ-ից, հայտարարելով, որ խաղաղության համաձայնագիրը պատրաստ է ստորագրման: Հայաստանը պատրաստ է Ադրբեջանի հետ խորհրդակցություններ սկսել համաձայնագրի ստորագրման ժամկետի և վայրի վերաբերյալ։
Արդեն երեկոյան լրագրողների հետ զրույցում վարչապետ Նիկոլ Փաշինյանը չմանրամասնեց, թե երբ է հրապարակվելու Հայաստանի և Ադրբեջանի միջև խաղաղության պայմանագրի տեքստը, և արդյոք կհրապարակվի ընդհանրապես: Նա միայն հավաստիացրեց, որ իշխանությունները ժողովրդից գաղտնիքներ չունեն, և հայ հասարակությունն, այսպես թե այնպես, ծանոթացել է փաստաթղթի նախագծի դրույթներին: Անդրաաադառնալով համաձայնագրի երկու չհամաձայնեցված կետերի վերաբերյալ փակագծերը բացելու խնդրանքին, որոնք հաջողվել է համաձայնեցնել, և՝ հարցին, թե երբ կսկսվի դրանց իրականացումը, Փաշինյանը նշեց, որ չհամաձայնեցված կետերից մեկը վերաբերում էր սահմանի երկայնքով երրորդ երկրների ուժերի չտեղակայմանը, մյուսը՝ միջազգային դատական ատյաններում հայցերից փոխադարձ հրաժարվելուն և միմյանց դեմ գործողություններ չիրականացնելուն: "Փաստաթղթի դրույթների իրականացումը տեղի կունենա համաձայնագրի ուժի մեջ մտնելուց հետո", - հավելեց նա: Եվ, չնայած Փաշինյանը հայտարարեց, որ ՀՀ սահմանադրության փոփոխությունը չի քննարկվել Բաքվի հետ, քանի որ դա Հայաստանի ներքին գործն է, Ադրբեջանի ԱԳՆ-ը բանակցությունների ավարտի մասին իր հայտարարության մեջ ՀՀ հիմնական օրենքի վերանայումը համարել է խաղաղության համաձայնագրի ստորագրման գլխավոր պայման:
ՀՀԿ-ը հայտարարում է, որ Նիկոլ Փաշինյանը չունի մանդատ և լեգիտիմություն հայ ժողովրդի անունից նման պայմանագրեր ստորագրելու:
ՀՀԿ-ը նաեւ արձանագրում է, որ ՀՀ քաղաքացիների համար անընդունելի է ուժի գործադրման բացահայտ սպառնալիքով բանակցությունների ցանկացած արդյունք, և այն չի կարող ապահովել արդար և երկարաժամկետ խաղաղություն տարածաշրջանում, անընդունելի է համարում առանց միջազգային միջնորդների և առանց անվտանգության միջազգային երաշխիքների փաստաթուղթը, անթույլատրելի է համարում ՀՀ գործող սահմանադրության՝ արտաքին ճնշման տակ իրականացվող փոփոխությունը, որը հարցականի տակ է դնելու Հայաստանի երրորդ Հանրապետության պատմությունն ու գոյությունը:
Հայաստանի հանրապետական կուսակցությունը վերահաստատում է, որ միջազգային դատարաններում հայցերից հրաժարումը ադրբեջանական հերթական ուլտիմատումի հնազանդ կատարում է, եւ ընդգծում է ԵԱՀԿ Մինսկի խմբի լուծարման կենսական վտանգավորությունը:
Ինչպես ասվում է ՀՀԿ գործադիր մարմնի հայտարարությունում, կուսակցությունը դատապարտում է Բաքվում հայերի նկատմամբ իրականացվող շինծու դատական գործընթացի վերաբերյալ Հայաստանի այսօրվա կառավարիչների կրավորական կեցվածքը և անգործությունը:
«Որպես համապարփակ պայմանագիր ներկայացվող փաստաթղթի շուրջ բանակցությունների ավարտի հայտարարմանը զուգահեռ՝ ադրբեջանական կողմը շարունակում է այսպես կոչված «միջանցքի» տրամադրման, ՀՀ ապառազմականացման, նոր ագրեսիայի վերաբերյալ և Հայաստանի Հանրապետության գոյության դեմ ուղղված այլ ռազմատենչ հայտարարություններ անել։
Արտաքին որոշ ուժերի կամակատար Նիկոլ Փաշինյանի կառավարման յուրաքանչյուր օրը վտանգում է Հայաստանի պետականությունը և ինքնիշխանությունը», - ընդգծվում է հայտարարությունում:
Քաղաքագետ․ Ձայների իրական վերահաշվարկը Փաշինյանին կզրկի ցանկացած տեսակի սահմանադրական մեծամասնությունից
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
Արդարադատության նախկին նախարարն ընդդիմությանը կոչ է արել նոր խոստումների փոխարեն ազնվորեն և հիմնավորված պատասխանել Հայաստանի քաղաքացիներին հուզող մի շարք հարցերի
Իրավաբան. Նախնական արդյունքների համաձայն՝ Փաշինյանի կուսակցությունը չունի երկրի Սահմանադրությունը փոփոխելու համար անհրաժեշտ 2/3 մեծամասնությունը
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Մոսկվան կսպասի Հայաստանի ընտրությունների պաշտոնական արդյունքներին . Պեսկով
Անտոնիո Կոշտա․ ԵՄ-ն կշարունակի խորացնել գործընկերությունը Հայաստանի հետ՝ ընդլայնելով համագործակցությունը էներգետիկայի, առևտրի և թվայնացման ոլորտներում
Իսրայելի ԱԳ նախարարը շնորհավորել է Փաշինյանին
Թուրքիայի ԱԳՆ-ը մեկնաբանել է Հայաստանի ընտրությունների արդյունքները
Զախարովա․ Միջազգային դիտորդները չեն կարողանա լռություն պահպանել՝ Հայաստանում ընտրությունների ընթացքում ողջ ժողովրդի շահերի աղաղակող ոտնահարման ֆոնին
"Ուժեղ Հայաստանը" հանդես կգա հայտարարությամբ՝ իրական հաշվարկների ավարտից հետո․ Նարեկ Կարապետյան
Ռուսաստանի սենատոր․ Ընտրությունների ժամանակ իշխող կուսակցության կողմից խախտումների վերաբերյալ ընդդիմադիր ուժերի բողոքները մնացել են անպատասխան
Հայաստանի վարչապետը շարունակում է շնորհավորանքներ ստանալ խորհրդարանական ընտրություններում տարած հաղթանակի կապակցությամբ
ԱՊՀ ՄԽՎ խորհրդի քարտուղարության ղեկավար. Հայաստանում խորհրդարանական ընտրությունների քարոզարշավի չափազանց դժվար մթնոլորտը ուղեկցվեց զանգվածային ձերբակալություններով
533 ընտրատեղամասերի ձայների հաշվարկով Փաշինյանի կուսակցությունը առաջատարն է 51,13%-ով
Հայաստանում ավարտվեց երկրի հերթական խորհրդարանական ընտրությունների քվեարկությունը
«Ուժեղ Հայաստան». Վարչական դատարանը դատական ակտեր չի տրամադրում խորհրդարանական ընտրություններում քվեարկել ցանկացող քաղաքացիներին
