ՓՄՁ հատվածը որոշել է մեկ ամսով հետաձգել իր բողոքի ակցիաները. իշխանություններն անտեսել են ձեռնարկատերերի հերթական ընդվզումը

Արմինֆո.Կառավարության շենքի մոտ տեղի է ունեցել Հայաստանի փոքր և միջին ձեռնարկատիրության ներկայացուցիչների հերթական բողոքի ակցիան ՝ ՓՄՁ-ների համար շրջանառության հարկը 5%-ից մինչեւ 10% բարձրացնելու և գույքագրում իրականացնելու մասին ընդունված օրենքը չեղարկելու պահանջով, ինչը պահանջում է փոքր ձեռնարկատիրության ուժերից վեր հաշվապահական ծառայություններ:

Կառավարության շենքի մոտ հավաքվածներն արձանագրել են, որ այս օրենքն ընդունվել է առանց իրենց հետ համապատասխան քննարկումների եւ հիմնվում է միայն հարկային հաշվետվությունների վրա, բայց այդ նորամուծությունները վերաբերում են տարբեր խնդիրներ ունեցող, տարբեր ոլորտներ ներկայացնող 55 հազար մարդու: Ձեռնարկատերերի կարծիքով,  այդ հարկային փոփոխությունները թերի են։ "Մենք ուզում ենք աշխատել մի երկրում, որտեղ հիմնավոր օրենքներ են ընդունվում, ուզում ենք հարկեր վճարել ։ Եթե  ցանկանայինք խաբել, միջոց կգտնեինք: Նրանք (ֆինանսական իշխանությունները) հաստատ չէին կարողանա մեզ բոլորիս վերահսկել։ Բայց մենք ուզում ենք աշխատել մեր երկրում, հարկեր վճարել և բարգավաճել, բայց նրանք պայմաններ չեն ստեղծում, որպեսզի մենք աճենք", - նշել են ՓՄՁ ներկայացուցիչները։ Նման օրենքի ընդունումը, նրանց կարծիքով, խոսում է միայն այն մասին, որ իշխանությունները բացարձակապես չեն աշխատում։

Նշենք, որ հավաքված ձեռնարկատերերի մոտ իշխանության ներկայացուցիչներից ոչ ոք դուրս չի եկել, ոչ մի երկխոսություն տեղի չի ունեցել, թեև ՓՄՁ համայնքը պահանջում էր հանդիպում ՀՀ վարչապետ Նիկոլ Փաշինյանի հետ։ Այդ առնչությամբ մի խումբ ձեռնարկատերեր որոշում են կայացրել մինչև ապրիլի 14-ը որևէ ակցիա չիրականացնել ՝ դրանով իսկ ժամանակ տալով կառավարությանը ներկայացնել նախկինում իրենց ուղղված նամակների պատասխանները: Իրավիճակի ելքի կապակցությամբ կկայացվեն համապատասխան որոշումներ և կձեռնարկվեն գործողություններ: Բացի այդ, ինչպես նշել է ակցիայի մասնակիցներից մեկը, այս ժամանակահատվածը միտումնավոր է ընտրվել, քանի որ անցնելու է ընթացիկ տարվա առաջին եռամսյակը, եւ ՓՄՁ բոլոր ներկայացուցիչները կհամոզվեն, որ իշխանությունների հայտարարությունը, թե օրինագիծը կես տարով հետաձգել են, չի համապատասխանում իրականությանը:

Նրանք նաև հայտարարել են, որ իշխանությունների նման քաղաքականությունը չի կարելի անվանել ոչ այլ ինչ, քան ահաբեկչություն ձեռնարկատիրության նկատմամբ, որը կհանգեցնի բնակչության արտահոսքի։

Անդրադառնալով ՀՀ էկոնոմիկայի նախարար Գևորգ Պապոյանի հետ հանդիպմանը, որը տեղի էր ունեցել անցած շաբաթ հերթական բողոքի ակցիայից հետո, ՓՄՁ ներկայացուցիչներն այդ կառույցը որակել են մեռած: <Եթե նախարարը հայտարարում է, որ իր գերատեսչությունը լիազորված չէ հարկային փոփոխություններ կատարել և չեղարկել, ապա ինչու են այդ դեպքում դրական եզրակացություն տվել այդ օրինագծին> ,- հարցրել են ձեռնարկատերերը: