Մարդու իրավունքների պաշտպանն այցելել է Ազատության հրապարակում հացադուլ իրականացնող քաղաքացիներին

Արմինֆո. Մարդու իրավունքների պաշտպան Անահիտ Մանասյանը միայն չորրորդ օրն է այցելել Ազատության հրապարակում հացադուլ հայտարարած քաղաքացիներին: Քաղաքացիները ակցիա են իրականացնում ՝ ի աջակցություն հայ ռազմագերիների և Արցախի նախկին պետնախարար Ռուբեն Վարդանյանի, ով հացադուլ է հայտարարել ՝ ի նշան բողոքի Ադրբեջանում տեղի ունեցող կամայականությունների դեմ:

ՄԻՊ գրասենյակի հաղորդագրության համաձայն, պաշտպանը հետաքրքրվել է նրանց առողջական վիճակով, բժշկական օգնության և սպասարկման հետ կապված հարցերով: Անահիտ Մանասյանն ու ՄԻՊ ներկայացուցիչները ներկայացրել են Պաշտպանի լիազորությունների շրջանակը և պատրաստակամություն հայտնել դրա շրջանակներում ցուցաբերել անհրաժեշտ աջակցություն:

Ավելի վաղ մարդու իրավունքների պաշտպան Անահիտ Մանասյանը ողջունել էր ՄԱԿ-ի մարդու իրավունքների բարձր հանձնակատար Վոլկեր Տյուրկի հայտարարությունը՝ Ադրբեջանում կամայականորեն պահվող բոլոր անձանց, ներառյալ էթնիկ հայերին անհապաղ ազատ արձակելու պահանջի վերաբերյալ:

Նշենք, որ հացադուլավորների թվում է նաև "Ապրելու երկիր" կուսակցության առաջնորդ Մանե Թանդիլյանը, ով պահանջում է, որպեսզի Բաքվի բանտում հացադուլ հայտարարած Արցախի նախկին պետնախարար Ռուբեն Վարդանյանը դադարեցնի իր ակցիան։